مجموعه استفسارات بخصوص البلوفرنتد

[عاشق هواكـ]

المشاركة الأصلية كتبت بواسطة تراني جديدة

انا شريت بلوفرنتد سارله عندي 9 ايام الحين .. يتكلم وياكل من ايدي بس لمن ادخل ايدي للقفصه يجعر ويعض اول شي بشويش واذا ما وخرت ايدي يعض بقوه .. كم مره نزل الدم من ايدي .. المهم طلعته مره على ايدي وهو يحرك اجنحته بقوه وكأنه موب عارف يثبت نفسه زين على ذراعي يمكن من الخوف المهم الاخ لمن اخليه في القفص يتكلم ولو طلعته يلهى بالعب ..ماني عارفه ابدأ الترويض واطلعه او اخليه جوا القفص عشان الكلام ..

شوف اخوي حاول تطلعه بشويش عشان مايخاف منـــك

وحاول تشيله على يدك وتعلمه الكلمات الي انت تبيها وكذا صدقني معاد يخاف منــك

ومن ناحيه الاكل معليش اعطيه بطيخ والشمام والتمر وعظمه الدجاج المطبوخ او لا .؟

لاتكثــر منــها لانها تجيبـله الاسهل عطه لكن لاتكثر

انا اعطيله خضار مشكل الي تجي مجمده اسلقها واعطيه وياكل منها بس افكر اعطيه غير مسلوقه وش رايكم لأن الكروانات عندي ياكلونا غير مسلوقه ؟

ياكلها لكن نقعه بمويــه قبل مدة 15 دقيقه وعطه وراح يحبها

حطيت له عضمه الحبار شالها ومسكا بأيده وقاعد ياكلها .. خفت عليه وشلتها منه كان بيخلصها مره وحده .. يعني كل انواع والخضار مسموح فيها...

عادي اكله خيار جزر بالعكس مفيده له


الجزر عادي او مرشوش بمواد تضره .. ؟

لاعادي غسلة وعطه

التحميم .. انا من اسبوع رشيت عليه مويه بس من امس احس ريحته طلعت .. الطيور تطلعلهم ريحه ؟

لا ماتوقع لكن ممكن ريحة القفص ونضملك جدول مثلاً كل

خمس ايام تروشه مره

وهل اسبوع كفايه او لا .. انا مفكره ادخله الحمام واعطيه شور جامد وهل معليش احط نقطه شامبو اطفال ؟

لا اخوي انا من رايي ترش عليه برشاش المويه افضل

ذيله فيه ريشتين او اكثر شوي يقول الي شريته منه انها كانت مكسوره فا شالها .. هل راح تطلع مره ثانيه ؟

ممكن تطول على ماتطلع

ذبحني بأغنيه بابا فين .. وتعبت القنه اسم ما اشوفه قاله ..

اخوي يبيلك صبر شوي عليــه توه له 9 ايام عندك لاتستعجل

الصراخ .. لمن اطلع من الغرفه يصارخ بقوه يخوف .. ههل في امل ان الصراخ يروح او بيقعد كذا على طول ..

لاراح يروح الصراخ لكن اصبر عليه شوي وحاول تلمس راسه وخله لايخاف منـك
وانشاء الله معاد تسمع الصراخ


العض وش اعمل فيه .. معليش اضربه باصباعي على منقاره وانهره اقوله لالا .. او بتخرب العلاقه .. ؟

لا انتبه لاتضربه بعدين يخاف منك جرب طريقة العسل

وانشاء الله بتفيد معك

معليش كثرت اسأله .. بس جديده في البلوفرنتد ..بليز كل اسألتي مهمه لا تهملون اي سؤال ..
وشكرا كثير لكل من يحاول مساعدتي ..

عقبال مايقرأ القرآن كامل