|
مجموعه استفسارات بخصوص البلوفرنتد
انا شريت بلوفرنتد سارله عندي 9 ايام الحين .. يتكلم وياكل من ايدي بس لمن ادخل ايدي للقفصه يجعر ويعض اول شي بشويش واذا ما وخرت ايدي يعض بقوه .. كم مره نزل الدم من ايدي .. المهم طلعته مره على ايدي وهو يحرك اجنحته بقوه وكأنه موب عارف يثبت نفسه زين على ذراعي يمكن من الخوف المهم الاخ لمن اخليه في القفص يتكلم ولو طلعته يلهى بالعب ..ماني عارفه ابدأ الترويض واطلعه او اخليه جوا القفص عشان الكلام ..
ومن ناحيه الاكل معليش اعطيه بطيخ والشمام والتمر وعظمه الدجاج المطبوخ او لا .؟ انا اعطيله خضار مشكل الي تجي مجمده اسلقها واعطيه وياكل منها بس افكر اعطيه غير مسلوقه وش رايكم لأن الكروانات عندي ياكلونا غير مسلوقه ؟ حطيت له عضمه الحبار شالها ومسكا بأيده وقاعد ياكلها .. خفت عليه وشلتها منه كان بيخلصها مره وحده .. يعني كل انواع والخضار مسموح فيها ؟ الجزر عادي او مرشوش بمواد تضره .. ؟ التحميم .. انا من اسبوع رشيت عليه مويه بس من امس احس ريحته طلعت .. الطيور تطلعلهم ريحه ؟ وهل اسبوع كفايه او لا .. انا مفكره ادخله الحمام واعطيه شور جامد وهل معليش احط نقطه شامبو اطفال ؟ ذيله فيه ريشتين او اكثر شوي يقول الي شريته منه انها كانت مكسوره فا شالها .. هل راح تطلع مره ثانيه ؟ ذبحني بأغنيه بابا فين .. وتعبت القنه اسم ما اشوفه قاله .. الصراخ .. لمن اطلع من الغرفه يصارخ بقوه يخوف .. ههل في امل ان الصراخ يروح او بيقعد كذا على طول .. العض وش اعمل فيه .. معليش اضربه باصباعي على منقاره وانهره اقوله لالا .. او بتخرب العلاقه .. ؟ معليش كثرت اسأله .. بس جديده في البلوفرنتد ..بليز كل اسألتي مهمه لا تهملون اي سؤال .. وشكرا كثير لكل من يحاول مساعدتي .. |
رد: مجموعه استفسارات بخصوص البلوفرنتد
اقتباس:
عقبال مايقرأ القرآن كامل |
رد: مجموعه استفسارات بخصوص البلوفرنتد
اقتباس:
ان شالله جاوبتج علي الاسئله |
رد: مجموعه استفسارات بخصوص البلوفرنتد
ومن ناحيه الاكل معليش اعطيه بطيخ والشمام والتمر وعظمه الدجاج المطبوخ او لا .؟ ؟؟؟؟ مافيه مشكله عطيه لكن مو كثير تكون قطع صغيره ومره او مرتين بالاسبوع اهم شي تحطين له حبوب الببغاوات المشكله انا اعطيله خضار مشكل الي تجي مجمده اسلقها واعطيه وياكل منها بس افكر اعطيه غير مسلوقه وش رايكم لأن الكروانات عندي ياكلونا غير مسلوقه ؟ ؟؟؟؟ عادي مسلوقه او بدون سلق المهم تكون نضيفه وغير بارده حطيت له عضمه الحبار شالها ومسكا بأيده وقاعد ياكلها .. خفت عليه وشلتها منه كان بيخلصها مره وحده .. يعني كل انواع والخضار مسموح فيها ؟ الجزر عادي او مرشوش بمواد تضره .. ؟ ؟؟؟؟؟ الببغاوات طبعها التخريب والقضم هنا نواجه مشكله مع عظمه الحبار لانه يقضي عليها حاولي تثبيتها بالقفص عشان لايمسكها والخضار الافضل جزر وخيار وخس زي كذا والجزر اذا كان مغسول مافيه مشكله مافيه ضرر التحميم .. انا من اسبوع رشيت عليه مويه بس من امس احس ريحته طلعت .. الطيور تطلعلهم ريحه ؟ وهل اسبوع كفايه او لا .. انا مفكره ادخله الحمام واعطيه شور جامد وهل معليش احط نقطه شامبو اطفال ؟ ؟؟؟؟ نعم الامازوني تطلع له ريحه والترويش كل اسبوع مره او مرتين عادي مناسب لكن ما انصحك في شامبو الاطفال ذيله فيه ريشتين او اكثر شوي يقول الي شريته منه انها كانت مكسوره فا شالها .. هل راح تطلع مره ثانيه ؟؟؟؟؟؟؟ ايه نعم راح يطلع الريش ان شاء الله ذبحني بأغنيه بابا فين .. وتعبت القنه اسم ما اشوفه قاله ؟؟؟؟؟ الصبر يخليه يقول كل شي كرري عليه الترديد الصراخ .. لمن اطلع من الغرفه يصارخ بقوه يخوف .. ههل في امل ان الصراخ يروح او بيقعد كذا على طول ..؟؟؟؟؟؟ طبع الامازونيات الصراخ والازعاج حطي عنده العاب ونقول ان شاء الله مايصارخ دايم فتره ويسكت العض وش اعمل فيه .. معليش اضربه باصباعي على منقاره وانهره اقوله لالا .. او بتخرب العلاقه .. ؟ ؟؟؟؟؟ بدون ضرب لكن قولي لا لا واسحبي يدك بعدين يفهم وعلى فكره هذا شي طبيعي الطير له 9 ايام عندك لسه جديد بعدين يوالف عليك في النهايه اقول مبروك عليك الطير واصبري عليه لان 9 ايام مو كفايه عطيه وقت وفرصه لحد ما يتعود عليك وعلى البيت وان شاء الله يكووون ببغاء جيد ومطيع |
رد: مجموعه استفسارات بخصوص البلوفرنتد
الاخوان افادوكي بس الصبر مفتاح الفرج اهم شيء لاتظغطين على الطير خليه على راحته هو اهم شيء يتكلم وشوي شوي راح يتعلم اكثر واكثر
|
رد: مجموعه استفسارات بخصوص البلوفرنتد
الله يجزاكم خير ويسعد ايامكم كلكم .. شكرا كثير على تجاوبكم ..
|
| جميع الأوقات بتوقيت GMT +3. الساعة الآن 09:51 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو