طريقة للتعليم على الكلام

[M a Y e D]

السلام عليكم ورحمة الله وبركاته

شخباركم يا حلوين

اليوم عندي طريقة لتعليم الببغاء على الكلام واعتقد ان الكل يعرفها بس حبيت اذكرها مره ثانيه لاني دخلت التكنولوجيا والتكنولوبيا في السالفه

المهم بحكم اني ما اقعد في البيت وايد ودايما في الدوام او طالع وبحكم انه محد في البيت غيري انا والمدام ، فكنت متبع اسلوب التسجيل لتعليم حنفي وامون والحمد لله الطريقة يابت نتايجها ، وطبعا انا كنت اصور نفسي وانا اتكلم عن طريق الفيديو ولما اطلع اشغل الفيديو على شاشه LCD 32" عشان يشوفون عدل

وفي هالفتره قررت اني اشوتهم برع الصاله واحطهم في الحديقة لانهم ذبحوني من كثر الريش ، فللاسف ما قدرت اعرض لهم الفيديو ولا التسجيل ، وقعدت افكر شو اسوي الين لقيت فكره ... وهي :

رحت السوق واشتريت جهاز Mp4 وقيمته تقريبا 246 درهم والسعر حلو مقارنة بمواصفات الجهاز



ومواصفاته:

مشغل فيديو بعدة امتدادات من avi , Flv , rmvb , Mp4

مشغل صوتيات وبعد بعدة امتدادات منها mp3 , wav

عارض للصور

امكانية تسجيل الصوت ( يعني تقدر تسجل صوتك من الجهاز وتشغله على طول)

FM وتقدر تسجل اي شي من الـ FM

وطبعا مشغل الصوتيات يقدر يشغل اكثر من صوت وراء بعض ويتم يعيدهم باستمرار

وفيه مميزات غيرها بس مب محتاجلها

الشي الثاني خذت سماعات كمبيوتر كانت موجوده معاي وهي اللي تتوصل في الكمبيوتر بدون كهرباء



والزين ان الجهاز فيه خاصية توصيل سماعات خارجيه ، مع ان الجهاز فيه سماعات داخليه بس السماعات الخارجيه اوضح



وهذي صورة الجهاز موصل بالسماعات



وحاليا كل ما اطلع من البيت اشغل الجهاز واروح وانا مطمن ، طبعا بعض الاحيان احطلهم صوتي وانا اتكلم وبعض الاحيان احط اصوات عشوائية مثل جرس الباب او التيلفون

والحين قاعد اتريا النتائج

طبعا هذي الطريقة صعبه شوي على طلاب المدارس لان يبالهم ميزانيه لشراء الجهاز والسماعات

بس حبيت اعرض الطريقة من باب النفع

[زياد محمد]

اخي الغالي طريقتك لاباس فيها فعلا تكنولوجية . لاكن تعلم الطير الكلام بنفسك احسن وافضل مثل ماعرفت ههههه

[عازف الكيبورد]

وعليكم السلام

مشاء الله عليك كل يوم لك فكره شكل والفكره طيبه لمن لا يملك الوقت لتدريب

ومن له حيله فليحتال


و أحب ان انبه ان الشخص لا ينتقل من كلمه لكلمه الا بعد ان ينطقها الطير


يعنى نسجل كلمة الو مثلا فقط ونكررها له حتى ينطقها فننتقل للكلمه الاخرى


ولا نشتت الطير بكثرة الكلمات حتى يستطيع الاستيعاب


وشكر لك اخوى مايد وننتضر فكره جديده الله يقويك

[M a Y e D]

المشاركة الأصلية كتبت بواسطة زياد محمد

اخي الغالي طريقتك لاباس فيها فعلا تكنولوجية . لاكن تعلم الطير الكلام بنفسك احسن وافضل مثل ماعرفت ههههه

هلا اخوي زياد ....

كلامك ميه ميه ولا فراخ الجمعية

بس عاد للي فاضي ، بس اللي مب فاضي مع عنده غير التسجيل او انه يسلف طيره للجيران

[M a Y e D]

المشاركة الأصلية كتبت بواسطة عازف الكيبورد

وعليكم السلام

مشاء الله عليك كل يوم لك فكره شكل والفكره طيبه لمن لا يملك الوقت لتدريب

ومن له حيله فليحتال


و أحب ان انبه ان الشخص لا ينتقل من كلمه لكلمه الا بعد ان ينطقها الطير


يعنى نسجل كلمة الو مثلا فقط ونكررها له حتى ينطقها فننتقل للكلمه الاخرى


ولا نشتت الطير بكثرة الكلمات حتى يستطيع الاستيعاب


وشكر لك اخوى مايد وننتضر فكره جديده الله يقويك

حياك الله يا مشرفنا الكبير ...

وكلامك صح ، انا بعض الاحيان اخلي التسجيل يتكرر لمده اسبوعين لين اتاكد ان الطير قدر ينطق الكلمه وبعض الاحيان اقل من جذيه

[كاسكوكيه]

^_____________^

تريد الصراحه....... احس نحن نجرب كل شي .... و اخر شي الببغاء يختار الي يريده و يسمعه وينطقه!! مادري كيف شامبيه ياب صوت القطوه.. و لااااااا مب اي قطو... قطو شارع جنّه اسد

بس شامبيه في حجرتيه و الحجره ما عليها دريشه ^^ من وين ياب الصوت الله اعلم ^_^

بس فعلن.. الواحد يجرب و يسوي الي يقدر عليه.. و فكرتك رووووعه ما شاء الله..

[M a Y e D]

حياج الله ابلتنا ....

بالنسبه لصوت القطوه فانا احس انه سهل للكاسكو عشان جذيه يتعلمه بسرعه، بالنسبه لامون انا علمتها على صوت القطه والحين تقوله، بس عاد ما تقوله الا لما تسوي شي غلط وتشوفني محرج عليها وياي انازعها ، من اقرب منها تقعد اطلع صوت القطوه بكل رقه اونه تباني اسامحها ، وللاسف تقص علي واسامحها

بس بعد الواحد الاحسن يحاول مع الطير يعني اذا ما قال الكلمه الحين يقولها بعد فتره

[عيونك الحلوين]

فكرة ممتازه يعطيك العافيه انا اعاني من نفس المشكله

[عاشق البغبغان]

شكرا أخويا

[naasooh]

فكره جدا حلووه

مشكووور على الموضوع