منتديات تو زوو - طريقة للتعليم على الكلام

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - طريقة للتعليم على الكلام (http://www.2zoo.com/vb/showthread.php?t=100266)

طريقة للتعليم على الكلام

السلام عليكم ورحمة الله وبركاته

شخباركم يا حلوين :)

اليوم عندي طريقة لتعليم الببغاء على الكلام واعتقد ان الكل يعرفها بس حبيت اذكرها مره ثانيه لاني دخلت التكنولوجيا والتكنولوبيا في السالفه :D

المهم بحكم اني ما اقعد في البيت وايد ودايما في الدوام او طالع وبحكم انه محد في البيت غيري انا والمدام ، فكنت متبع اسلوب التسجيل لتعليم حنفي وامون والحمد لله الطريقة يابت نتايجها ، وطبعا انا كنت اصور نفسي وانا اتكلم عن طريق الفيديو ولما اطلع اشغل الفيديو على شاشه LCD 32" عشان يشوفون عدل :D

وفي هالفتره قررت اني اشوتهم برع الصاله واحطهم في الحديقة لانهم ذبحوني من كثر الريش ، فللاسف ما قدرت اعرض لهم الفيديو ولا التسجيل ، وقعدت افكر شو اسوي الين لقيت فكره ... وهي :

رحت السوق واشتريت جهاز Mp4 وقيمته تقريبا 246 درهم والسعر حلو مقارنة بمواصفات الجهاز

http://www.mayed.info/M/mp5/1.JPG

ومواصفاته:

مشغل فيديو بعدة امتدادات من avi , Flv , rmvb , Mp4

مشغل صوتيات وبعد بعدة امتدادات منها mp3 , wav

عارض للصور

امكانية تسجيل الصوت ( يعني تقدر تسجل صوتك من الجهاز وتشغله على طول)

FM وتقدر تسجل اي شي من الـ FM

وطبعا مشغل الصوتيات يقدر يشغل اكثر من صوت وراء بعض ويتم يعيدهم باستمرار

وفيه مميزات غيرها بس مب محتاجلها :rolleyes:

الشي الثاني خذت سماعات كمبيوتر كانت موجوده معاي وهي اللي تتوصل في الكمبيوتر بدون كهرباء

http://www.mayed.info/M/mp5/2.JPG

والزين ان الجهاز فيه خاصية توصيل سماعات خارجيه ، مع ان الجهاز فيه سماعات داخليه بس السماعات الخارجيه اوضح

http://www.mayed.info/M/mp5/3.JPG

وهذي صورة الجهاز موصل بالسماعات

http://www.mayed.info/M/mp5/4.JPG

وحاليا كل ما اطلع من البيت اشغل الجهاز واروح وانا مطمن ، طبعا بعض الاحيان احطلهم صوتي وانا اتكلم وبعض الاحيان احط اصوات عشوائية مثل جرس الباب او التيلفون

والحين قاعد اتريا النتائج

طبعا هذي الطريقة صعبه شوي على طلاب المدارس لان يبالهم ميزانيه لشراء الجهاز والسماعات :rolleyes:

بس حبيت اعرض الطريقة من باب النفع ;)