مساعدتكم ، يا اهل الخبره..

[رسام مشاعر]

السلام عليكم ورحمه الله وبركاته ...



اخواني انا عندي استفسار وابي فزعتكم ،...



عنـدي كاسكو تقريبا عمره سنه وشوي ، عيونه بيضاء ، المهم الطير يرقى على اليد وياكل من اليد.


بس ما زال الجعر عنده مستمر مع العض اذا كان المكان فيه جمعه يكون خايف واي حركه يتحرك ويوجه جسمه للشخص المتحرك... ، وايضا اذا كنت انا لحالي معه يعضني بعض المرات ويجعر خفيف.




انا ابي الجعر هذا يروح منه ، ويتعود على الناس ، ولا يخاف


وعندي مشكله ثانيه انه ما يتكلم ابد ، ما عمري سمعته قال شي ،،


اترك لكم المجال لمساعدتي ..

[ابو محمــد]

اخوي موضوعك هذا يبيله جلسه لكن انا بختصر لك الموضوع

1-الطير كبير وشكلك توك ماخذه صح,,,,,,

2-ارفعه على مستوى الرأس بالنسبه لك واتركه في البيت حتى يتأقلم على المكان,,,,

3-كل يوم تغير له الاكل والماي تبين له ابتسامه ولا تطالع في عينه اقصد لا تركز فيه كأنك ما تشوفه اوكي,,,

4-حاول اول شهر ما تغير مكانه نهائيا والصبر مطلوب لا تنسى انه جديد في البيت وعليك.

5-عطه فول سوداني واذا رماه حاول توريه انك تأكله وهو اكيد راح يراقبك ويتطمن,,,

6-بعد الشهر او اقل تبدأ معه الكورسات شوي شوي ويكون الصباح من الساعه 6 الى 8 يعني ساعتين تكفي

7-لا انسى حاول تخليه ينام على الاقل 12 ساعه يوميا .

اتمنى اني افدتك.

[رسام مشاعر]

حياك اخوي ابو محمد ،،


بالنسبه للطير توني شاريه مالي الا تقريبا اللحين اسبوع بالضبط..


بالنسبه للمكان المرتفع اللي تقوله ما عندي الا طاوله تقريبا بس مو مرتفعه ، يعني لازم اشتري له ستاند والا كيف..


طيب اخوي اجلس معه لحالي اول شهر والا احطه مع اشخاص..


بالنسبه للطير يعني بدايه حلوه ماله الا اسبوع وعلمته كيف يطلع على اليد وكيف ياكل من يدي.


بس يبيله شوي عشان ما يجعر علي ولا يعض ...


اكرر شكري لك اخوي ابو محمد ، ويعطيك العافيه يا خلفهم..

[-_s3d_-]

حاول تحطه في مكان مثل المدخل او الصالة علشان يشوف اهل البيت كلهم
والإستاند ضروري بس مو الحين لاتعود عليك الطير وبالنسبة لتعليمه الطلوع على اليد
والأكل من اليد خلال أسبوع هذي بداية حلوة مرة , والمسألة يبيلها صبر ووقت ,,,
والله يوفقك .

[مجنون الامازون]

ابو محمد ماقصر .. كفى ووفى ..

[رسام مشاعر]

سعد الله يعطييك العافيه ، ومشكور على مشاركتك ..


اخوي مجنون الامازون حياك نورت الموضوع

[كاسيكو 911]

انا انصحك ان يكون الببغاء في محل واحدحتى
يتعود على المكان الى فيه