عضو تحت المجهر

[MrLiOn]

لا يا لكي قيرل لا يا شيخة وش رايك تسأليني بعد عن مقاس فنيلتي .. وش ذا الأسئلة
يالله نجاوبتس:


وش ك تسوي بهالاجازة ؟؟
أبد .. برنامجي من سنة ماتغير ..

متى يوم ولادتك بالهجري والميلادي واليوم والساعه ههههههه؟؟<<شغل تحقيق
ولدت في يوم وفي ساعة أحسب أنها سعيدة لبعض الناس

وش اكثر القهوة ولا الشاي؟؟
ما أحب لا القهوة ولا الشاهي .. بس عند أختي ما أقاوم القهوة الإيطالية الي تسويها جعل يديها تسلم

ماكدونالدز ولا برقر كينق ؟؟
ما تخش بمزاجي هالمطاعم ... الله يخلي لنا بوفية الحارة

وش احسن تحب تسويه اذا كنت طفشان..في البيت او اذا كنت عند احد من قرايبكم وطفشان ؟؟
إذا كنت ببيتنا فيه أشياء كثيرة اتلها فيها .. وان وصلت معي مره طلعت الاستراحة جلست فيها .. إذا كنت ببيت موب بيتنا أكيد أطلع أروح بيتنا

وش اكثر بلد ودك تروحها.؟؟
امم .. مابوه شيء محدد .. بس أنا أحب السفر واتمنى ألف العالم كله .

باي معجون تفرش اسنانك ؟؟ << سؤال خاص جدا ههههه
بمعجون Pepsodent

وش احسن ماركة شوووز تحبها...؟؟
الزبيرية تريدمارك الله لا يخلينا

وش احسن سيارة ودك تركبها او ودك تصير لك...؟؟
أنا مفتون بالألماني عموماً

وش ماركة ماركة نضارتك الشمسيه ...؟؟<<<لقاااااااافه ههههه
نظاراتي الطبية على نظام الأوتومتيك بالشمس تصير شمسية وبالظل تصير شفافة عادية .. يعني ما احتاج ألبس نظارات شمسية

تحب الشاي الاخضر ولا الاحمر اكتر ..؟؟
ولا حتى الأزرق ..

تحب البيرا ولا الببسي اكتر ..؟؟
أغلب طلبي دايت سفن ..

وشاحسن سنة قضيتها بالمدرسة.؟؟
امم .. أتوقع المرحلة الثانوية عموما والتوجيهي خصوصاً .. لأن المدرسين والإدارة يتعاملون معك باحترام ويحسسونك برجولتك .

وين ودك تدخل جامعه ان شاءالله اذا ماكنت انت الحين بالجامعه واذا انت بالجامعه الحين باي قسم داخل ...؟؟
لسا ما سجلت .. ولكل حادثٍ حديث إن شاء الله

وش لونك المفضل..؟؟
ما عندي لون محدد .. لأن لكل شيء لونه الي يناسبه .

وبانتظار أسئلتكم .. إلى انتهاء مدة الإستضافة .