كلبي لا يلعب بل كره :(

[Yuna Braska]

استخدم المكافئات صديقي ..

اول شي اختر كرة تكون مناسبة لحجم فك الكلب بحيث يصعب ابتلاعها ويسهل حملها

ضع الكلب امامك واجلس بمستواه ، ارفع الكرة لوجهو واعطيه امر "امسك" وقربها من فمو

و ان ربطت الكلب بفترة التدريب الاولى بيكون افضل مشان ما يهرب ههههه

خلي الكرة قريبة من فمو و اول ما يمسكها اعطيه مكافأة ، و ان ما مسكها ادفعا نحو اسنانو اكثر

كرر المحاولة عدة مرات لحتى يتعود على كلمة "امسك" ، بعدها اعطيه امر امسك و ابدأ بتعليمو

امر "اترك" .. وعلى نفس الاسلوب والكلب مربوط ، ويُفضل يكون التدريب على عدة فترات زمنية قصيرة باليوم
ويومياً لحتى يتقن الامرين

بوجود المكافأة والصبر رح يتقن الموضوع اكيد .. وبعد ما يتقنهم ، افلته و خليه يجلس بجانبك

بعدها دحرج الكرة امامه وقله امسك ، فهو اكيد لازم يمسكها لأن تعلم الامر ، بعد ما يمسكها
تبدأ عملية تدريبه على انو يجيبها لعندك .. امسك المكافأة وقلو تعال ، فهو رح يمشي نحوك والكرة معو ،

بس يوصل لعندك قلو اترك واثني عليه ، و ان رجعلك بدون الكرة أنبو بخفة وارجع دحرج الكرة
امامو وعيد نفس الاسلوب ..
بس يتقن الاوامر هي بإمكانك عندها ترمي الكرة لمسافات بعيدة وتقلو بس امسك .. وهو
رح يكون عرف انو لازم يجيبها لعندك


طبعاً هي الطريقة انا جربتها مع كلبي .. عذبتني شوي بس فعالة 100%
اهم شي تصبر عليه وتكافئه ^_^
وطبعاً رأي الخبراء بيضل افضل .. بس حبيت ساعدك شوي
بعتذر على الاطالة وتقبل مروري