عايز اعرف ثمن الجيرمن شيبرد الازاز

[◄ ỀĹtΏp ►]

ممكن اعرف ثمن الجيرمن شيبرد الازاز بيبتدى من كام ياريت الرد من اهل الخبرة
عشان هجيب جرو ابوه جيرمن ازاز وامه بلاك جاك ازاز
واخده وهو عنده اد ايه .
وازاى اختار احسن جرو فيهم من حيث اللون وشكل الجمجمة والديل وكده يعنى ياريت الرد من اصحاب الخبرة (وتقريبا هما من غير كسحة)

[عاشق الكلاب و القطط]

ثمنهم في مصر بيكون من 1500-3000 جنيه وبتختلف خسب التقليب

وع فكرة الكسحة مش لازم ﻷن الجيرمن نوعين

ورك لاين

وده بيتميز بقوة وسرع وعنده قوة جسدية وبيكون من غير كسحة

ولا ذيل للأرض

والنوع الثاني هو الشو لاين

وده بقي هو الي بيكون بكسحة وذيل للأرض

وبالنسبة للزاي تختار احسن واحد اختار اكثر واحد فيهم نشيط

واكبر واحد فيهم حجما واقواهم شخصية كمان وشوف صحته

وكده واول ما تخده وديه عند البيطري وانسب عمر تخده فيه

هو شهرين وبعدها وديه للبيطري اديله انبولات الحشرات

والتطعيم الثماني وبعد 21 يوم الجرعة التنشيطية للجرو برده بتكون ثماني

وبيطلق عليها تطعيم خماسي وبعدها في عمر 6شهور تطعيم السعار وممكن في عمر 3شهور تديله تطعيم الديستمبر

بس التطعيم ده اختياري وبعدها ممكن تعمله شهادة صحية

وبالوفيق يا بطل واس سؤال ان في الخدمة

[wolf qtr]

لون السيبل في مصر يسمونه ازاز !!!

[عاشق الكلاب و القطط]

نعم يسمونه الازاز ولكن اسمه الاصلي black sable

[ibrahim sherif]

الصراحة انا معرفتش كلمة الازاز لحد ما شفت صورة الكلاب

المهم زي ما قال عاشق الكلاب والقطط الاسعار بتختلف من كل تاجر ومن كل تقليب

لكن متوسط السعر البيور هيكون 2500 جنية او 3000

ولازم تشوف الاب والام و تروح لمزرعة كويسة تشتري منها متشتريش من اي حد

لان في ناس كتير بتستغل المشتريين بالذات في الحيوانات

[◄ ỀĹtΏp ►]

شكرا ع الردود الجميلة دى
هى الكلاب بتاعة واحد صاحبى والجراوى اتولدت يوم 29/12/2013
انا شوفت الاب حجمه ضخم جدا وخشبه عريض وفيه كسحة خفيفة
والام هاشوفها قريب بس هو بيقولى انها اقل من حجمه بشوية صغيرين
وقالى انا هدهولك على 600 جنيه بس انا ادتله 400 وقلتله يبقالك 100
ولحد دلوقتى انا مشفتش الجراوى وللعلم الاب بيووووووور بس الام انا لسة مشفتهاش (ايه رايكم)

[عاشق الكلاب و القطط]

ممكن تحط صور الاب و الام حتي يتم التقييم

[ibrahim sherif]

بالنسبة للسعر فهو كويس لكن لازم تقييم للكلاب

لازم اول شي صور الجرو والاب والام و لازم تشوف الجراوي

ممكن صاحبك ما يعطيك شي

[◄ ỀĹtΏp ►]

انا لما اروح بعد يوم او يومين هصور الكلاب وهحطها هنا فى الموضوع لو معجبنيش الجراوى عادى
هاخد الفلوس تانى مفيش مشاكل وصاحبى ده انا عارف بيته وابوه وامه واخواته يعنى مستحيل يكون ناصب عليا
وبيقولى انا الجراوى هيبعا لاى حد تانى بيبتدوا من 800 وعلى حسب التقليب

[◄ ỀĹtΏp ►]

انا جبت صورة الجراوى من صاحبهم وامهم شوفت صورتها طلعت مالينو مش ازازى

وسالت ناس ع سعرهم واحد قالى يعملوا 1000 بس مش عاجبينو عشان الوانهم فاتحة
وسالت واحد تانى بتاع جراج بيربى كلاب جيرمن قالى يعملوا من 250 ل 300 عشان هجين والوناتهم وحشة
وقلته عندك جراوى جيرمن قالى قدامهم 10 ايام علشان يشدوا حيلهم شوية
وسعرهم بيبتدى من 700 جنيه بس جراوى ابوهم الوانه حمرة وجميله

ياريت تقولولى رايكم بصراحة اخد فلوسى تانى وازود عليهم عشان اجيب حاجة حلوة
وافكنى من الجراوى ديه انا بتاعى الوناته فاتحة يعنى اللى الوناتهم غامقة دول اتباعو