عندي قطه وما اعرف شسوي لها

[دلوعةقطوتي]

وعليكم السلام ورحمه الله وبركاته
ماشاءالله ربي يحفظها صغيره لو تركتها مع امها لحد ماتفطم ويصير عمرها شهرين كان افضل
الشور بهالعمر ممنوع انتبه لو تبي تنظفها دراي كلين بالبودره او بلل منشفه وامسحها
وجبات الاكل انتبه من الحليب العادي بيسبب لها اسهال ياتعطيها حليب خاص بالكيتن او من الصيدليه حليب اطفال خالي من اللاكتوز
الاكل ناعم ومهروس وابتعد عن الدهون والاكل المالح او اللي فيه سكر
ويكون الاكل مسلوق دجاج ومفتت ممكن خبز توست مبلل بمرق دجاج او زبادي قليل دسم جبنه مثلث اوكيري سيريلاك بالقمح دراي فوود خاص بالكيتن ولو قاسي عليها بلله بمرق دجاج او زبادي او حليب
اللحم والكبده لاتعطيها لسه بدري عليها وثقيل على معدتها بترجعه
السمك مره بالاسبوع وانتبه من التونه صفي زيتها ولو تبي تعطيها مره بالاسبوع عشان مايسبب لها اسهال
الاكل اعطيها وجبه كل اربع ساعات والكميه جدا بسيطه كل ماتكبر تقلل عدد الوجبات وتزيد الكميه
المويه على طول قدامها والليتربوكس قريب منها عشان ماتوسخ عالارض
لاتنام عالارض وانتبه من المكيف عليها غطيها وافرش تحتها
التطعيم بعمر الشهرين ولو ضعيفه خليه بعمر ثلاث شهور
لعبها كثير وجرب تلعبها بالخيوط او كوره القصدير واعطيها العاب محشوه صغنونه تعضها وتلعب فيها
واي سؤال لاتتردد