آســـتـفــســـار~))

[Musab Pro]

المشاركة الأصلية كتبت بواسطة PiTBull_FiGhTeR

شباب ابي طرق اكل
انا اعطي اليرو دراي فود
وانا اوكله ثلاث مرات باليوم والغدى معلبات ودراي فود وبروتينات
وابي طرق اكل حق اليرو ؟؟

اخوي .. جدولك كويس ولكن شيل الاكل المعلب .

استخدم وجبتين دراي فوود و وجبه اكل طبيعي .

في لحم غنم ودجاج مفروم ينباع ما عليه اي اضافات

سعره مناسب جدا ... اطبخه مع خضار و اخلطهم مع بعض وخله ياكلها .

واستمر في موضوع الفيتامينات على شرط ان تستشير بيطري .

وتكون الفيتامينات من الانواع عالية الجوده افضل .

في عوامل ثانيه لازم تعرفها تتسبب في ضعف الجرو .

دود البطن .. ولازم تسوي له برنامج وتتابعه ( انت ما حددت لنا عمر الجرو )

تبدا ببرنامج الدود من عمر شهر . وفي موضوع كامل عنه بالمواضيع المثبته .

وايضا اقرأ عن التطعيمات فهي مهم جدا ..

العامل الثاني وهو مهم ايضا .

انتقال الجرو من بيت صاحبك الى بيتك يحسسه بقلق .

وطبيعي تقل شهيته ويقل اكله ويضعف ولكن يجب عليك

ان تتواجد معه وقت اكثر وما تحسسه بالوحده وتلعب معه وتسليه لين

يحب المكان ويتعود عليه وترجع شراهة الاكل وترجع صحته ان شاء الله .

العامل الثالث : المكان .. يجب ان يكون نضيف ومعقم و تهتم فيه بشكل دوري .

العامل الرابع .. التمارين الرياضيه مهمه جدا . ولا تقسوا على الجرو .

خلها بطريقة لعب .. اعطه مساحه يجري ولا تربطه ابد ابد

واذا تعب لا تحركه ولا تخليه يقوم مره ثانيه .

التمرين يبني عضلات الجرو ولكن القسوه في التمرين لها رد عكسي

ممكن يضر الجرو في عضامه و يعيق نموه والعواقب الاخرى كلها وخيمه .

خلك متزن .

تقبل مروري