موضوع بدون مزح إذا أحد بيرد يرد رد خبير

[Ghoroub]

السلام عليكم

أخوي لا تخاف انشالله ما راح يصير لهم شي، بخصوص إطعامهم بنفسك الموضوع صعب لكن ممكن تعطيهم شوية حليب بالإبرة (طبعا تشيل الحديدة وتحاول تخلي الإبرة تنقط شوي شوي وتخلي الهامستر يشرب أو إذا ما عرفت حط الهامستر في صحن بحافة مرتفعة وحط شوية حليب اللي ممكن يغطي رجولهم وهم في الصحن وهم راح يتصرفون) أنا مجرب الطريقة السابقة مع بينكي وعاش أكثر من أسبوع الصراحة تفاجئت لما لقيته مات، المختصر المفيد حاول تحافظ على حياتهم لين تظهر أمهم. بخصوص ريحتك على البينكيز وإن إحتمال أمهم ترفضهم يعتمد على الأم عندي فارة جابت 10 عيال وأكلتهم واحد واحد وعندي فارة ثانية آخذ من عيالها وأحطهم للثعبان والثعبان ما ياكلهم فأرجع أحطهم ثاني معاها والحمدلله ما تاكلهم (آخر مرة سويت الشي هذا قبل أسبوع)

لو الهامسترز صارلهم لون وبدأ يطلع الشعر حاول تحطلهم كسرات خبز صغيرة وبللها بحليب وحطه هو والكسرة في ايدك وضم أصابعك بحيث تقربله الأكل وتثبته وهو شوي شوي راح ياكل منها

طبعا كل اللي فات ما يغنيك عن أمهم لكن جرب لين ترجع وحتى لو ما رجعت إذا قدرت تحافظ عليهم لين يفتحون عيونهم فأكيد بيعيشون انشالله


تحياتي