أسئله تهمني وأتمنى تجاوبوني

[Musab Pro]

انا عندي وجهة نضر ثانيه ةاتمنى من الشباب التمعن في اجابتهم قبل يكتبونها

المشاركة الأصلية كتبت بواسطة khaled alammar

السلام عليكم ورحمه الله وبركاته

أعزائي الأعضاء والمشرفين

أنا قررت بأذن لله أشتري كلب هاسكي أو مالموت الأقرب والطلب حقي موجود في منتدى الشراء.

لاكن عندي كم سؤال أبغا أسئلها علشان ما أتوهق فيه بعد شرائه يكون عندي خبر بلعواقب .

1 السؤال أني ساكن في شقه هل أستطيع تربيه الهاسكي في شقه ؟

ينفع ولكنه كلب فيه طاقه كبيره ولازم يفرغها ..يحتاج الى الخروج بشكل يومي للعب

2 هل نباحه عالي بحيث انه ممكن يزعج الجيران خصوصا وقت النوم ؟

الهاسكي ما ينبح الا نادر ولكنه يعوي مثل الذيب وايضا مو كثير فلا تخاف من هالناحيه

3 كيف يقضي الهاسكي حاجته ؟ مثلا اضع له صندوق فيه تربه خاصه أم ماذا ؟

بالتدريب نعم يقضيها بالمكان اللي انت تحدده له وفي نوع من التربه مخصص للقطط ولكنه

ينفع للكلاب يكون من ماده كيميائيه تغلف الاوساخ وتكتم الريحه وتخلي القذارات

على شكل حجر.

4 هل الهاسكي له رائحه قبيحه ؟

نعم في حال عدم الاهتمام فيه .. يحتاج شاور واحد كل شهر وتمشيط يومي

5 أنا ربيت (بسه) وصراحه صارت رائحه الحمام حقها قويه مع أني أنضف كل يوم هل ممكن يواجهني نفس المشكله مع الهاسكي؟

رائحه وساخة الكلب اشد بكثير من القطه خصوصا ان القطه تدفن بينما الكلب لا يدفن وساخته

يحتاج ان يدرب على قضاء الحاجه خارج المنزل والتدريب بيتعبك بالنسبه للجرو في سن 3 شهور.

6 هل شعره يتساقط بكثافه أم تساقط عادي؟

نعم والهاسكي مشهور اكثر من غيره من الكلاب .. وراح تتضاعف الكميه فترة تبديل الشعر

وهذا الشي يكون اذا كان وضع الهاسكي طبيعي .. لو جاه مرض بيسبب لك كتله من الشعر

ما شفت كبرها في حياتك .

الف شكر ..

هذي فكره قولو لي أيش رايكم فيها:

أنا ناوي أشتري بوبي عمره 3 شهور أضع له شبك في زاويه غرفتي مرتب مساحته متر ونص في متر ونص لمى يكون صغير علشان ما يحوس البيت وأطلعه في وقت فراغي العب معاهـ ولمى أطلع يكون في شبكه , هل ممكن كذا والى تفاهات صعب عملها وراح تزعج الكلب وينابح ويزعل؟

ما يصلح هالشي متر ونص صغير جدا . وراح يزعل الكلب اذا حبسته وهذا شي طبيعي

وخصوصا في هالمرحله يحتاج انه يستكشف العالم من حوله .. افضل انه يكون طليق

وتحت رقابتكم طول اليوم الآ فترة النوم تقدرون تحطونه داخل بيته

عذرا على الاسئله لاكن أنتم عارفين شخص متحمس ومايبغا ينصدم بعد شرائه ويبغا يعرف كل صغيره وكبيره لكي يتفادا الأخطاء وأنشاء الله أنتم مقدرين .

الف شكر أعزائي

حياك الله يا صاحبي الغالي والقسم قسمك وفي اي وقت اطرح ما يحلو لك من الاسئله

انت على الرحب والسعه يالغالي ..

خلك قريب