سؤال لأهل خبرة الغيني؟؟؟؟؟؟؟؟؟؟؟؟؟

[حبي كاسيكو]

السلام عليكم ورحمة الله وبركاتة

عندي سؤال لأهل الخبره بالغيني

لقيت غيني ب250

عمره 4 شهووور هل هو مناسب للتدريب والتصفير

هل هو مناسب للكلام

وماهو الأكل المناسب لهذا العمر الخضروات المهروسه البيض المسلوق المهروس حب دوار الشمس

هل السعر مناسب

الرجاء كتابة مميزات الغيني

[الاجودي]

وعليكم السلام ورحمة الله

اخوي 250 ايش ؟
ان كانت ريال وبالمواصفات اللي قلت فإن سعره ممتاز جدا لكن انت تأكد من عمره
وهو مناسب للكلام
والغيني مثل الافريقي الا في حالتين الاوله اللون والحجم والثاني العناد
الغيني عنيد
طبعا هالكلام من وجهة نظري

[سكر]

سعرة ممتاز, لكن في الغالب بيعطيك اياه بدون قفص.

هو مناسب للتدريب لكن بتواجه صعوبة في الترويض بسبب عناده والضروف اللي مر فيها, لأنه مصيود.

مشكلة الغيني في البداية انه يحب الاختباء دائماً, يعني اذا جيت عنده تلاقيه هرب لآخر القفص من تحت ودخل راسه تحت علبة الأكل مثلا.

أو لما تطلعه برى القفص يدخل تحت الكنبة.

هذي النقطة استغلها بإنك تخليه في حضنك وتفتح له شوي مجال في جاكيتك مثلا أو بطانية أو أي شي عشان يدخل راسه فيه, ويبقى جسمه في الخارج.

في هذي الحالة المس جسمه كامل برأفة, بيحاول يهرب للداخل من شدة الخوف.

وبعد كم يوم المس جسمه بنفس الطريقة ثم اجعل يدك تتسلل الى رأسه بكل هدوء وحنان, وإذا لم يسمح لك أو لم تستطع المسه حتى لو بالاجبار, من خلال مسكه بأي قطعة قماش عشان العض.

أهم نقطة انك لا تصرخ عليه, يعني وقت التدريب التزم الصمت قدر الإمكان على الأقل في البداية. وكن بطيء في الحركة.

وتذكر, الغيني طائر شديد الخوف, شديد الحساسية, اعتبره مريض نفسي وانت عالجه.

تحياتي

[عبود القبوط]

أول شي قبل لا أحد يجاوب
250 أيش ريالسعودي أو قطري ولا دينار كويتي ولا بحريني ولا درهم

[حبي كاسيكو]

شاكر مروركم العطر
وهي 250 ريال سعودي
ولكن ما الأكل المفضل له

[سكر]

ايش فيكم يا شباب هذا سعر الغيني كذا

واذا كان غالي شوي يطلع عليك ب300 ريال سعودي.

انا شريت الغيني حقي فرخ عمره 3 أو 4 شهور ب300 ريال من القطيف. وكان التاجر جايب مجموعه حوالي 30 طير.

كلها عيونها سوداء مرة كأنها فحم.


اخوي الأكل المفضل أي شي من الفواكه والخضروات وراجع المواضيع المثبته يا قمر

ربي يبارك لك فيه

[كحيلان]

انتبه يكون مريض !! هذا اهم شي

[حبي كاسيكو]

المشاركة الأصلية كتبت بواسطة سكر

ايش فيكم يا شباب هذا سعر الغيني كذا

واذا كان غالي شوي يطلع عليك ب300 ريال سعودي.

انا شريت الغيني حقي فرخ عمره 3 أو 4 شهور ب300 ريال من القطيف. وكان التاجر جايب مجموعه حوالي 30 طير.

كلها عيونها سوداء مرة كأنها فحم.


اخوي الأكل المفضل أي شي من الفواكه والخضروات وراجع المواضيع المثبته يا قمر

ربي يبارك لك فيه

شااااااااااااااكر مرورك العطر الله يوفقك بالدنيا والآخره

[عبود القبوط]

متأكدين أنه هذا سعره
وبالتوفيق لك أخوي

[سكر]

ههههههههه عبود وشفيك مصدوم؟

ليه بكم لقيته؟

صحيح لو تروح المحلات يبيعوه ب400 الى 450 ريال.

لكن هذا لأنهم محلات كل شي غالي.

أما السوق هذا سعره 250 ريال بدون قفص إلى 300 ريال سعودي.

طبعاً هذا الفرخ يا قمر.