هل دجاجي سيبيض ؟؟؟<<<لاتترددوا في الدخول

[من هواة الحيوانات]

السلاام عليكم ورحمة الله وبركاته ...

شخباركم ؟؟أول شي أنا مبتدئ بتربية الدجاج وعندي 3 دجاجات وديك واحد نوعهم(بلدي) <<ان شاء الله أجيب صورهم بأقرب وقت ممكن.

أبغى اللي يدخل يقولي بكل شي يعرفة عن الدجاج؟؟

وأهم شي :-

أولا قريت في مواضيع سااااابقة في المنتدى وجدت ان دجاجي بدت عليه علامات الرقود على البيض يعني انه مبيض من قبل وأنا جبته من الاستراحة فما الحل ؟؟؟

وكم يبغى للدجاج يبيض مرة ثااانية بعد مايفرخ ؟؟؟

وكيف طريقة تزاوجها ؟؟؟

وماالمناسب لأكلها من الخضروات والفواكه غير الحبوب ؟؟؟

وابغى أجيب دجاج أكثر كم أجيب دجاجة وكم ديك؟؟

واذا اردت الشراء كيف أعرف انها لم تبيض من قبل ؟؟؟

وماذا يلزمني لتوفير الحرارة المناسبة ؟؟؟

ملاحظة: أنا حاطهم بشبك تقريبا مساحته 2في2 متر مربع فهل ذلك مناسب ؟؟؟

[! هاويه الطيور !]

وعليُكم السلام

.

تربيه الدجاج مااتبيلها واحد خبير بالعكس تربيته من اسهل الطيوُر الداجنه .

.

أولا قريت في مواضيع سااااابقة في المنتدى وجدت ان دجاجي بدت عليه علامات الرقود على البيض يعني انه مبيض من قبل وأنا جبته من الاستراحة فما الحل ؟؟؟

يليت توضح سؤالك آكثر ..

وكم يبغى للدجاج يبيض مرة ثااانية بعد مايفرخ ؟؟؟

بعد بلُوغ الصيصان عمرُ الشهر تقريبا ومرُه ثانيه تبيض ويفضل عزل الدجاجه الصيصان بعدين عن المجموعه
لان اذا حصل تزاوج راح تترك الصيصان .. هذا على حسب علمي ..

وماالمناسب لأكلها من الخضروات والفواكه غير الحبوب ؟؟؟

الدجاج ياكل كل شي على الارض حتى الرمل << وكل شي موجود ياكله .. ويفضل الطعام خصوصا البصل
ينظف بطن الدجاج ويعقمه

وابغى أجيب دجاج أكثر كم أجيب دجاجة وكم ديك؟؟

نفس العدد الي عندك 3 دجاجات وديك

واذا اردت الشراء كيف أعرف انها لم تبيض من قبل ؟؟؟

آخوي صعبه هالمساله الدجاج من تصل بعمر البلوغ وتجيب بيض يعني مافي دجاجه للحين ماتبين شي طبيعي



.* وآترك بقيه الاسئله للاخوان الاعضاء وان شاء الله يفيدونك آكثر
وشآكره لك

[من هواة الحيوانات]

.



يليت توضح سؤالك آكثر ..

يعني دجاجي ظهرت عليه علامات انه مبيض من قبل (يعني بالاستراحة مبيض) وجبته وشكلي اخذته عن بيضه لكن انا رايح ومختارها والعامل يمسكها ماكانت قاعدة على شي

يعني من الممكن انه مبيض واخذته عن بيضه

أتمنى اني وضحت أكثر

[! هاويه الطيور !]

آخويُ عادي
سوى بيضت قبل ولا لا ..
وبعد اسبوع او اقل تبيض مره ثانيه مآفي أي مشُكله ..

[من هواة الحيوانات]

جزاك الله ألف خير


ومبروك عليك الشهر

وآآسف على اطالة الاسئلة

[! هاويه الطيور !]

~ علينآ وعليكَ آخوي
~بالعكسَ اخذ راحتك ..

وبـ إنتظآر زملأئي بقيه الاعضاء الي حآب يضيف لنا شغله او معلومه
ويمكن تفيدنا .. وشُكرآ ..

[عبيد العباسي]

ماشالله الأخت هاويه الطيور جاىوبتك على الأسئله بس هم انا بعطيك أجوبتي يمكن تفيدك ,,,


ولا قريت في مواضيع سااااابقة في المنتدى وجدت ان دجاجي بدت عليه علامات الرقود على البيض يعني انه مبيض من قبل وأنا جبته من الاستراحة فما الحل ؟؟؟

عادي اخوي بس عطها فتره وراح ترد تبيض , وإذا تأخرت بالبيض تر مو من الرقود لا راح يكون بسبب تغير المكان (يعني حتى الديايه العاديه الي تبيض وما ترك اذا غيرت مكانها ما تبيض على طول يبيلها فتره على ما تتعود على المكان )


وكم يبغى للدجاج يبيض مرة ثااانية بعد مايفرخ ؟؟؟

انت طبعا لازم تترك الأم مع الصيصان فتره تقريبا شهر وبعدها تعزلهم عن الأم وبعدج العزل بسبوعين تقريبا راح تعاود البيض .



وكيف طريقة تزاوجها ؟؟؟


هالسؤال ما عرفت شنو قصدك اخوي لو توضح شوي يكون أحسن ..


وماالمناسب لأكلها من الخضروات والفواكه غير الحبوب ؟؟؟

أخوي الدياي يا كل كل شي ما عدا اللحوم ومثل ما قالت أختي هاويه الطيور البصل والثوم يطهر المعده ومفيد لهم ويحميهم من الأمراض .. ( البصل ممكن ياكلونه لو حطيته جدامهم بس الثوم حاول انك تقصصه صغار وتحطه وتعطيهم بأيدك يعني توكلهم غصب بطل حلج الديايه وحطلها )


وابغى أجيب دجاج أكثر كم أجيب دجاجة وكم ديك؟؟

يبلك بعد 3 ديايات وديك مثل ما قالت أختي ,,,


اذا اردت الشراء كيف أعرف انها لم تبيض من قبل ؟؟؟

وليش ما تبيها تكون بايضه من قبل بالعكس اخوي الناس دور الدياي الي يكون بياض ..


وماذا يلزمني لتوفير الحرارة المناسبة ؟؟؟


اخوي بس خلهم بمكان يكون ظلال وبس


ملاحظة: أنا حاطهم بشبك تقريبا مساحته 2في2 متر مربع فهل ذلك مناسب ؟؟؟

تمام مناسب بس اذا شريت بعد مو تحطهم بنفس المكان ...

[من هواة الحيوانات]

أخوي*عبيد العباسي* جزاك الله ألف ألف خير ع المعلومة

واذا ع الشبك أنا حاطهم في زاوية الحديقة تحتهم تراب بس الشمس تجي عليهم الظهر وشوي العصر

كذا يصلح ؟؟؟

[! هاويه الطيور !]

وكيف طريقة تزاوجها ؟؟؟

عادي ،، من تبلغ السنه وتتزواج .. مو مثل باجي الطيور لها موسم معين تتزاوج فيه
يعني على مدار السنه :") يعني ..

،،

واذا ع الشبك أنا حاطهم في زاوية الحديقة تحتهم تراب بس الشمس تجي عليهم الظهر وشوي العصر

كذا يصلح ؟؟؟

خطأ .. الشمس بالظهر واحنا بعز الصيف جذي راح تقتلها ..
لازم مكان يكون فيه ظل بس تجيهم الشمس على بسيط ..

[من هواة الحيوانات]

اهآا~ شكرا هاوية طيور اتعبتك معي أنتي وعبيد العباسي

طيب الحين شلون أنا أبغى دجاج زيادة واذا جبت زيادة 3دجاجات وديك 1 وأنت يا أخوي عبيد العباسي تقول لي لا تحطهم مع بعض ...

أنا ماعندي الا شبك وااحد بس ولا اقدر اجيب ثاني فهل أجيب بس 3 دجاجات ومع الديك القديم يعني يصير 6 دجاجات وديك ؟؟؟؟؟