عندي وااااايييد اسئله ... والاجوبه عند الخبرا

[nawarie]

السلام عليكم
والله ابصراحه انا نويت انشاءالله اشتري قطوه والحمدلله لقيت الي ابيها بيكي فيس عمرها 3 اشهر
بس في وايد اسئله براسي لاني اول مره اشتري قطوه وفوق كل هذا عندي صبيان 2 الكبير 3ونص والصغير سنتين وحدهم متشوقين عالقطوه يموتون على شي اسمه قطوه ...
والحين نيي صوب الاسئله :
1-شنو اسوي اول ما اسلم القطوه ؟ على طول اوديها البيطري يطعمها ويكشف عليها ؟
2-شنو اشتريلها بالضبط ؟؟؟
3-يعني انا رحت ايس وشريت السرير الاسفنج الي في مثل الصوف ما ادري هذا زين ولا ارده !4-بتروفاليو في ست كامل حق الليتربوكس وشنو اخذ معاه يعني رمل وبعد كريستال ؟ ومعطر يشيل روايح الليتر بوكس ؟
5-وحق الماي اخذ مثل المطاره المقلوبه او باديه عاديه ؟
6-وشنو احسن اكل؟ و جم مره لازم تاكل ؟
7-وجم مره تروح الحمام باليوم ؟ واشلون اعرف اذا تبي الحمام ! يعني في مقدمات !
8-أي شامبو زين حقها ؟ واذا في بودر او تونيك او لوشن او أي شي لازم اشتريه علشان تمنع الحشرات والبكتيريا والاشياءالثانيه>>> يعني وقايه ،،،
9- وشعرها احط فيه بلسم والا كريم على شان ما يتعقد ويعورها ويتقطع ؟
10-وكل اشكثر لازم اسبحها ؟
11-واشلون على نومها ! متى عادةً تنام وبليل اشلون نومها ؟ يعني اذا خليتها في سله كبيره مسكره وفيها مخده عادي تنام بروحها بالصاله ! ماتقعد الفير او تحتاج شي !
12-واذا مثلا بنطلع الزواره ناخذها معانا وشنو لازم ناخذ لها ؟ حق نومها و حمامها
وادري اذيتكم وعورت راسكم بس ياريت تفيدوني
ويعطيكم الف عافيه

[محب السمك]

اختي عليج بامواضيع المثبتة تعطيك كل الاجوبة
اذا في سؤال ماحصلتي جوابه سالي عنه وان شاء الله نجاوب عنه

[nawarie]

محب السمك >>> مشكور عالرد السريع
بس ياريت من تجاربكم الشخصيه
يعني شنو الي حسيتو وجربتو ونفع معاكم مثل السرير الاسفنج و طلعات القطوه بره البيت معانا
و . و . و ... لاني حيل احاتي اخاف اقصر معاها واذيها خاصه بالنوم والاكل والنظافه

[sisi_moon]

1-شنو اسوي اول ما اسلم القطوه ؟ على طول اوديها البيطري يطعمها ويكشف عليها ؟

اي .. بس اذا مطعمه من قبل كامل تطعيماتها طبعا ماتطعمها انت أقين

2-شنو اشتريلها بالضبط ؟؟؟

ليتر بوكس .. ليتر كات ( الرمل المخصص للقطط ) .. أكل مخصص للقطط جاف .. الرطب ممكن تعطيها من بيتكم واذا ماتبي عادي أشتريلها معلبات بس اهم شي مو ويسكاس .. وطبعا الألعاب مثل الكور الي تخرخش او حتى لو كور قصدير هم يستانسون عليها

3-يعني انا رحت ايس وشريت السرير الاسفنج الي في مثل الصوف ما ادري هذا زين ولا ارده

دامه مريح وناعم .. يعني زين

4-بتروفاليو في ست كامل حق الليتربوكس وشنو اخذ معاه يعني رمل وبعد كريستال ؟ ومعطر يشيل روايح الليتر بوكس ؟

الرمل يكفي .. الكريستال والمعطر مو ضروريين

5-وحق الماي اخذ مثل المطاره المقلوبه او باديه عاديه ؟

المطاره المقلوبه ماعرفت كيف شكلها
انا دايما احط لهم بباديه

6-وشنو احسن اكل؟ و جم مره لازم تاكل ؟

احسن اكل دراي فود من رويال كانون .. والرطب سو لها دجاج وخضار بالبيت
باليوم حط لها كل خمس ساعات وجبه .. وفي الليل وقت النوم حط لها الدراي فود عشان اذا جاعت وانتوا نايمين

7-وجم مره تروح الحمام باليوم ؟ واشلون اعرف اذا تبي الحمام ! يعني في مقدمات !

اممم حول خمس او اربع مرات تقريبا .. مادري والله ..
اذا تبي الحمام هي بتروح لحالها له .. ومافي مقدماات .. بس هم دايما قبل لايخرجون يحفرون في الرمل طبعا .. واذا مايعرفون مكان الرمل .. يحفرون بالارض .. طبعا انت اذا شفتها لازم لازم توديها الرمل ع طول عشان تتعود تخرج بالرمل .. بس عمر 3 شهور ونص يعني اكيد تعرف للحمام ^^

8-أي شامبو زين حقها ؟ واذا في بودر او تونيك او لوشن او أي شي لازم اشتريه علشان تمنع الحشرات والبكتيريا والاشياءالثانيه>>> يعني وقايه ،،،

في شامبو اسمه fido .. هذا رووعه ان شاءالله تحصله وعشان الوقايه حط معه شووي من شامبو نيزورال وخلي الشامبو على القطوه دقيقتين .. منها تثبت الريحه أكثر فيها ومنها لو كان فيها حشرات ولا شي ان شاءالله تروح

9- وشعرها احط فيه بلسم والا كريم على شان ما يتعقد ويعورها ويتقطع ؟

لالالا .. شامبو فيدو هو شامبو وبلسم طبعا للقطط والكلاب هو مخصص بس
وانت مشطها يوميا ومراح يتعقد شعرها ان شاءالله

10-وكل اشكثر لازم اسبحها ؟

كل اسبوع او كل اسبوعين

11-واشلون على نومها ! متى عادةً تنام وبليل اشلون نومها ؟ يعني اذا خليتها في سله كبيره مسكره وفيها مخده عادي تنام بروحها بالصاله ! ماتقعد الفير او تحتاج شي !

هالشي لاتحاتيه في القطط
هم متى ماحسوا بالنعاس بأي مكان ينامون عاادي
وهي لو حبت السرير حقها راح تنام فيها
والفجر اذا قعدت عاادي .. جمبها اكلها ( الدراي فود ) والمااي والرمل والالعاب .. خلص هي مرتاحه كذا ^^

12-واذا مثلا بنطلع الزواره ناخذها معانا وشنو لازم ناخذ لها ؟ حق نومها و حمامها

لالا ماله داعي تاخذونها وياكم .. حطوها بمكان الجو فيه كويس ومعها اكلها ورملها والعابها و افصلوا الوايرات وكل شي موصل بالكهرباء والاشياء الحاده بعد .. لانها ممكن تلعب فيهم وتجرح روحهااا

ولا اذيتنا وولا شي .. عادي اخوي .. الناس للناس ^^

[nawarie]

sisi_moon فدييييتتتججججج حبيبتي مشكوووووووووررررره واااااااايددددد
صج يعطيج الف عافيه
بمصخها اشوي
من وين الشامبووين الي قلتي عنهم احصلهم بمركز سلطان !
وانزين وقت الطلعه اخليها ابروحها بالبيت !!! حرام مسكينه يعني بحالتي لازم احطها بدار واسكر عليها لان بيتي مفتوح على بعض اخاف يصير فيها شي ابروحها من غير مراقبه .. الغرفه آمن لها ... بس عادي ما يضيق خلقها ! انا الي اعرفه انه القطوه ابسرعه تكتئب وتصير كسلانه وحزينه !!!

[nawarie]

وشغله ثانيه شنو نوعها وهذي صورتها

ابصراحه قالنا صاحبها انه ابوها بيكي وامها شيرازيه
بس جنها بيكي صح !

[sisi_moon]

المشاركة الأصلية كتبت بواسطة nawarie

sisi_moon فدييييتتتججججج حبيبتي مشكوووووووووررررره واااااااايددددد
صج يعطيج الف عافيه
بمصخها اشوي
من وين الشامبووين الي قلتي عنهم احصلهم بمركز سلطان !
وانزين وقت الطلعه اخليها ابروحها بالبيت !!! حرام مسكينه يعني بحالتي لازم احطها بدار واسكر عليها لان بيتي مفتوح على بعض اخاف يصير فيها شي ابروحها من غير مراقبه .. الغرفه آمن لها ... بس عادي ما يضيق خلقها ! انا الي اعرفه انه القطوه ابسرعه تكتئب وتصير كسلانه وحزينه !!!

لا عادي خيتو لا مصختيها وولا شي ^^

شامبو فيدو ماعرف والله وين ينباع عندكم .. انا بالسعوديه الشرقيه .. مو من الكويت .. اتوقع من الكويت انتي سح ؟؟

المهم

وشامبو نيزورال موجود بالصيدليه البشريه

...

لا عادي خليها بغرفه بعد أحسن لها وأأمن لها .. ومراح تمل انتي بس وفري لها العاب واكل وشرب ورمل حقها وكل شي اوكي .. ومتى مارجعتواا فتحوا الغرفه خلوها تاخذ راحتها

[sisi_moon]

المشاركة الأصلية كتبت بواسطة nawarie

وشغله ثانيه شنو نوعها وهذي صورتها

ابصراحه قالنا صاحبها انه ابوها بيكي وامها شيرازيه
بس جنها بيكي صح !

عممري هالقمــر اسم الله عليها

لالا مو بيكي

هاف بيكي درجه ثالثه .. ( مقارب للمون فيس يصير ..

ابصراحه قالنا صاحبها انه ابوها بيكي وامها شيرازيه

خيتو الشيرازي نفسه يجي مون فيس وبيكي فيس وبينهـم

[nawarie]

حيالله بالسعوديه واهل السعوديه العسل ياعساكم دووووممم عالقوه
اي انا من الكويت وكلنا اهل وحبايب عسى الله يدوم المحبه بين قلوبنا
خلاص انا بسأل عنهم وانشاءالله احصلهم ... شورج واهداية الله
مشكوره وايد يا حبوبه ويعطيج الف عافيه

[sisi_moon]

فديــتج ..

الله يعافيج

وأكيد كلنا حبايب واخوان ^,^

ان شاءالله تتوفقين بالقطوهـ