الكوكاتو مالي يعاطس !!!

[beck7]

السلام عليكم جميعا... أولا أشكر جميع القائمين على هالموقع المفيد بكل معنى الكلمة وآنة توني مشترك جديد لأنة عندي مشكلة مع الكوكاتو اللي عندي...
أهوة سلفر كريستد كوكاتو عمرة تقريبا من 6 إلى 8 شهور...صارلة عندي تقريبا 3 شهور وكل شي من أحسن ما يكون...بس صارلة تقريبا أسبوع الحين يعاطس (هاتشو يعني ) بس من غير ما يطلع من منقارة اي شي ولا في اسهال عزكم الله ويلعب وكل شي في تمام...أنة احس اهوة يعاطس أكثر شي لما يطير وأحسه يتعب بعد بالطيران مع انة بس يطير في الغرفة عندي يعني مو برع البيت...رحت الصيدلية وقالي دام مافي شي يطلع من منقارة وكل شي طبيعي بس خلاص لا اتحاتي بس عطاني احتياط مضاد حيوي اخلطة مع الماي لمدة 3 ايام (اسم المضاد ORNICORE) وبعد عطاني فيتامينات احطهة مع الماي قالي عقب المضاد لمدة خمسة ايام (الفيتامينات اسمهة multi-vitamin+). الحين خلصت المضاد وصارلي يومين مع الفيتامينات بس نفس الشي ليحين يعاطس.
على فكرة انة القفص يوميا انظفة عدل والبيت مافي غبار وماحط عطور ولا بخور من يوم ما وصل الحبيب وصار فرد في العائلة وبالنسبة للأكل انة اعطيه الحبوب المشكلة اللي مخلوط معاهة ذرة وحب شمسي وفول سوداني واشياء وايد غيرهة وبعد شريتلة فيتامينات DailySelect على اشكال والوان مختلفة يعني يقعد يكسر فيهة...
أتمنى أحد يفيدني بشي يريحني لأني خايف عليهة ومابي يصير في شي وتسلمون مقدما

[يعقوب افريقي]

السلام عليكم

اخوي ما شاء الله كل شي سليم عندك بس انتبه للتكيف لا يكون بارد اكثر من اللازم او يكون يلعب في شي يسبب له حساسية ويعطس اكثر من اللازم .

[stt95]

الطيور طبيعي تعطس 5-6 مرات في اليوم وإذا أكثر يعني وجود مشكلة

[CENA]

يمكن فيه زكام هههههه

[beck7]

يعقوب أفريقي و stt95 مشكورين من كل قلبي...ماشاء الله ماتوقعت أحد بيرد علي بهالسرعة
بالنسبة للتكيف أنة الكوكاتو من يوم ما خذتة واهوة في نفس الغرفة والتكييف دايما موجود على نفس الدرجة يعني لا يقل ولا ينقص...بالنسبة للألعاب اهوة انة شريتلة قطع خشبية تتعلق في القفص ملونة بس ماشاء الله عليه من اول يوم كسرهم كلهم وخفت عليه وشلتهم اخاف ياكلهم..اهوة في شي يديد حطيتة في الغرفة اهوة نبتة خضرة صغيرة صارلهة يمكن حوالي 3 اسابيع في الغرفة بس مادري هل النبات يسبب حساسية للكوكاتو؟
وبالنسبة لعدد مرات العطس...بصراحة اكثر من 6 مرات...يعني اذا يطلع من القفص ويقعد يطير ممكن يعطس 5 مرات ورا بعض بس اذا اهوة في القفص يعطس اقل...مادري هل في مشكلة او لا بصراحة اخاف عليه وماقمت اطلعة نفس قبل لاني مابي يطير ويتعب وبعدين يقعد يعاطس...
ومشكورين

[stt95]

عطيه مضاد حيوي وممكن النبتة تسببله تسمم في المستقبل

وإنشاء لله الطير بخير

[beck7]

مسامحة اخوي ادري مللتك بس شنو يعني اتسوي تسمم؟ خرعتني لاني طلعت النبتة من الغرفة اللي فيهة الكوكاتو صارلي يومين وتوني سبحتة تحت الدش وانشاء الله يوقف التعطس...