اختي بتطرد سنو من الغرفه..

[Snow]

صبحكم / مساكم
الله بالخير اخواني اعضاء تو زوو

..

مثل ما تعرفون
غالبا في كل بيت موجود فيه قطه فيه على الاقل "شخص واحد يكره وجودها"..

وانا بالنسبه لي هي..اختي..

اختي بالموت وافقت انو سنو تنام معانا بالغرفه..

على شرط..

وانو اذا بدت تتسلق السرير تطلع تنام في الصاله..

واهلي جابو لنا سراير مرتفعه عن الارض مو مثل باقي السراير..
وكلو علشان سنوو ما تتسلقه..

امس اكتشفت سنو..
تسلقت سرسري ونطت علي..

واختي قعدت تهاوش..تقول انها الحين رقت سريرك بترقا سريري
واختي صراحه مرررررره خوافه من القطط
واخاف يجيها شي من سنو
لان سنو مشاغبه بحركاتها..

المهم
واطلعها امس برى في الصاله معاها سريرها والرمل والاكل وكل شي
وادخل الغرفه واسكر الباب..

ما امداني اروح لسريري
الا اسمع صوتها تهاوش عند الباب"من حقها لان الغرفه لها هي بعد"..

واطلع معاها واجلس معاها شوي اهديها..يمكن خايفه..

قعدت تلعب على الكنبه
جيت انا بهدوء ورجعت غرفتي..

شوي الا ترجع تصييح عند الباب..

قالت لي اختي بعد ما رحمتها ورحمتني..قالت دخليها بس ياويلها تنط على السرسر...
وادخلها والحمد لله ما نطت امس ابدً



سالفتنا مو في هذا كله..

انا ابي اعلم سنو انها ما ترقا للسرير..

علماً باني احيانا اذا نامت احطها على سرسري..
<<هذا اول خطأ
واحيانا امسكها واشيلها والعب معاها على سريري
<<ثاني خطأ


طيب هل بكذا انا عودتها على السرير..

عطوني حلوول بأنها تطبطل ترقا

...

طيب انا بسألكم بنقطه..
هل قططكم تلعب برمل الحمام حقها
يوووه انا سنو كل ماجيتها لقيتها كابه الرمل وتلعب فيه..
علما باني اشيل كل شي تخرجه على طوول على السيفون..
انا حاطه حمامها في حمامي..
علشان ما تكب شي على ارض الغرفه..
واليوم يوم صحيت لقيت الرمل كله مكبوب بالحمام..وانا امس حاطه رمل جديد..
برضو وشلون اعلمها..

صرخت في وجهها
ضربتها على خفيف..

وش الحل..

ارجوكم..

والله يجزيكم الجنهـ..

[عاشقة القطاو]

السلام عليكم.....
شوفي إختي.....لما تلعب بالرمل لا تصرخي عليها إضريبها بإصبعك ضربة خفيفة على أنفها و هي بتعرف إن هذا غلط و بعدين حتى لو تنط على سرير كمان سوي نفس الشي و إن شاء الله تستفيدين...

[sisi_moon]

صعبه تعلمينها ماترقى

مافي حل الا انك تخلينها برا الغرفه

او اذا رقت قولي لااااا ونزليها

و على الرمل انها كبته

شكلها معصبه

لان القطط لاعصبوا ينثرون رملهم

[kalawe]

أنا قطوتي بغرفتي

و ما تنط على السرير إلا إذا كنت قاعده

لما أكون نايمه ماتيي على السرير

في وحده انصحتني أنه إذا القط سوى شي غلط

افركي راسه بالارض على خفيف ما يعيدها ان شاء الله

انا ما جربتها لكن وحده جربتها

[enta 3omri]

سنو اذا انتي مبتلشة بقطوة وشلون اللي عنده 6 قطاوة ههههههههه

كلهم ينامون معنا على السرير انا واختي هههههههههه

بس الحين الحمدلله خف العدد

انتي حاولي انك تسوين نفس الطريقة اللي قالو لك عنها

انك تضربينها على انفها

او انها اذا جات تطلع على السرير نزليها وخليها بالسرير حقها

اما بالنسبة للتراب انا عندي القطاوة الصغار ينامون فيها

بس من بعد ماصرت اشيلهم احطهم بالسله حقتهم

صارو ماينامون فيه

طولي بالك عليها وعلميها شوي شوي

وان شاء الله انها ماعاد تطلع للسرير

[Snow]

انا ما عندي مشكله
بالعكس مستانسه انها ترقى لسريري

المشكله ان اختي..تخــاف منها..

ودي اعلمها ترقى سريري وسرير اختي لا

بس صعبه
هههههههه

والحلول..
مستحيل مستحيل احط وجهها بالارض قطوتي راسها مرفوع ما ينحني لوووووووووووووووووووووول الا اذا استصعبت علي السالفه

وبالنسبه للضرب عالى الخشم

بجربها اليوم

وبالنسبه للرمل تقولون معصبه

صح يمكن معصبه لاني طلعتها من الغرفه شوي وزعلت
وحطت حرتها في الرمل

تسلموون على الافاده

[sisi_moon]

ايي

مره موني عمتي او جدتي ماذكر بالضبط المهم صرخت عليهااا

وراحت موني للرمل وقامت تحفر فيه بقووووووووووه لين نثرته في الحمااام كله

[*(الدلوعه)*]

لا أنا بستي ما أنومها معاي كثير

بس أول ما ماما تفتح غرفتي عشان تقومني تجي وترقى على سريري وهي الي تقومني

ومو بس اذا جت تقومني اذا شافت غرفتي مفتوحهـ تروح تنوم فوق سريري ^_^

بس الحمد لله محد معاي في الغرفهـ يأذيها ويأذيني ^_^

بس أنا بستي ما قد كبت رملها الحمد لله

بس اذا عصبت تكب صحن المويهـ ^_^

واذا بغيت اادبها اقولها لاااا او اطقها طقهـ خفيييييييييييييييييفهـ ^_^ .

[Snow]

ابشركم

اختي هونت تطرد سنووو خلااااااص اماان

لانها صارت ما ترقا على السرير الا اذا جت امي تصحينا على حدود 12 ونص وحده الظهر
تجي تنط على سريري وتصحيني
اما وحنا نايمين ولا مره سوتها..

وكب الرمل اكتشفت انو اذا عصبت كبته


تسلموون يا رب

[الفايلسوف]

ههههههه ياخوي والله مشكلتك مشكلة أنا نفس الشي دايم ترقى عندي بالسرير وأنا ما أبغى وأنا نايم طبعاً بس ألحين أطلعها برة الغرفة وتقعد عند الباب تقول نيووووووو نيوووووووووو والله مشكلة بس شوي شوي تتعود على أنها تنام برا ..