طائري الكاسكو عمل حادث

[يعقوب افريقي]

السلام عليكم اخواني

مريت بتجربه تخوف والله شوي يوم الخميس العصر جالس مع ببغاني بكل سلام وود ومحبه والكان الببغان طالع فوق الشبك ويلعب ومبسوط مره يصفر وتوه من اسبوع بس بدى يتكلم وتوه عمره اقل من سنة ..... المهم .

رحت عنه شوي جوى البيت وخليته وكان في نفس الوقت الوالده والخدامه يغسلون الحوش او البلاط وفي اثناء الغسيل الخدامة قربت جنب القفص وخاف الببغان من المويه والرش فقفز من على الشبك على البلاط وعلى وجه اخينا في الله نادتني الوالده ولما جيت شفت دم بس ما ادري من وين وطاح فلبي ارتعت عليه المهم اقلب في جسمه في رراسه ادور الدم من وين يطلع صار من المنقار العلوي في الطرف الحاد انكسر ويصب دم ... الببغان مزاجه قلب وصار يعضني من الوجع ...

قلت خله شوي لين تهدى نفسيته ويخف الالم جبت موية غسلة منقارة واشوف الدم يطلع مع الغسيل ...

قلت ما بدهاش لازم طبيب بيطري الحادث سار العصر وديته المغرب للبيطري بس الحمدلله كان الدم متوقف بس الطير كان يتألم لما يمسك شي من الصوت الي يطلعه ...

المهم البيطري فحصه وقالي لاتخاق مافيه اي مشكلة اصبر عليه شوي لين بكرة وبيصير طبيعي وما يحتاج علاج انشالله لأنه تأكد من المنقار وما وجد دم فيه وقالي كانك تقدر تحط ديتول في قطنه مع موية وتحطه على الكسر يكون افضل ...

وبالفعل الببغاء من الليله نفسها رجع ياكل والحمدلله وريجع يصفر وتكلم مره ثانية واليوم الثاني رجع يتقلب كالعادة في القفص وكل شي تمام حتى اخلاقه رجعة طبيعية

الحمدلله على كل شي

[الجازي74]

الحمدلله

[راعي الكاسيكو]

يعقوب أفريقي

الحمدلله على سلامة الببغاء . . .

وانا اقرأ قلبي عورني بس الحمدلله جات سليمة فرحتني ياخي على الخبر

والله يخليه لك ان شاء الله

تقبل مروري .. ..

[فتفوته]

سلامته ما يشوف شر ان شاءالله

[abood alsagaby]

الحمدلله ما جاه شيء

[Alm7tref]

الحمد لله على سلامة طيرك اخوي

وما يشوف شر مرة ثانية ان شاء الله

[كافي لاتيه]

الحمدلله

[يعقوب افريقي]

شكرا لكم أخواني وعلى ردودكم الطيبة

والله يسلمكم جميعاً

والحمدلله جت سليمه

[فيروز]

الحمد الله على سلامته ((وين الحلاوة))

[abo_cady]

الحمد لله على سلامته.......................وانتبه له مره ثانيه وحاول ملتخليه برا القفص وانت مو موجود عنده......