"حصري" كيف تعلم كوكتيلك الكلام (مترجم)

[طير الهوى]

،،

السلام عليكم ورحمة الله وبركاته


هلا بأعضاء منتديات تو زو الكرام ..


من زمان عنكم وحبيت بدخولي هالمره اني افيدكم بشي .. وهذا حق علي لاني استفدت منكم الكثير


هذا مقال ترجمته لكم .. يتكلم عن كيفية تدريب الكوكتيل للكلام .. وان شاء الله نلقى كلنا نتايج منه ..

يقول السائل :

كيف اعلم كوكتيلي الكلام مثل نطق الاسماء او انه يقول مرحبا .. ؟؟


فـ كان الجواب :

* مقدمه :

كما هو معلوم ويشهد على ذلك مربين الطيور .. تعليم الببغاء للكلام يحتاج صبررر ،، ولكن هي أيضا ً تستحق الجهد المبذول ..

* تعليمات :

صعوبة تدريب الكلام : يعتمد من طير إلى آخر ..

* المتطلبات :

مسجل
قفص
أكل
معاااااااااملة

* الخطوات :

1/ ابدأ بتعليم الكوكتيل الكلام من عمر 4 إلى 6 شهور بالكثير . ابدأ بتعليمه بعض الكلمات او الجمل البسيطه مثل ( صباح الخير ) مع بداية كل يوم جديد .. خل في بالك ان بعض الببغاوات بتتعلم قبل هالعمر .

2/ اذا بغيت تعلم الكوكتيل .. خله قدام فمك وانطق الكلمات .. علشان ينتبه معك زين ، بس احرص انك مفرش سنونك والا اكل لك شي لا ينصرع الطير من الريحه .

3/ كرر له بعض الكلمات او الجمل .. مثل اسماء افراد الاسره او كلمات تستخدم دايم ( قصده مثل : هلا والله - مرحبا - الله اكبر - يا سلام ) .. تأكد انك لازم تتحمس وانت تعلمه وتقول الكلام .. والكوكتيل بيبدا يقولهن عقبك علطول من الحماس .

4/ اربط بعض الكلمات ببعض الافعال اللي تسويهن مع الطير .. مثلا تقول له ( اطلع ) اذا بغيته يطلع على يدك .. علشان يكون فيه ربط .. ويتعلم الطير بهالطريقه .

5/ اذا ردد وراك الطير واستجاب الاستجابه المناسبه .. عطه مكافأه ( شرّه عليه بشي سنع مهب تقول له احسنت بارك الله فيك )

6/ شغل شريط يردد له الكلام اللي ودك يتعلمه لكن مهب لأكثر من 15 دقيقه ( ربع ساعه ) .. علشان ما يطفش الطير ثم يبدا كل ماناظر فيك قال وش يبي ذا العله نشب فينا الا يبينا نتعلم .


* ملاحظات وارشادات :

1/ لا تخلي الطير يسمع كلمات انت ماودك يتعلمهن لا يجي يوم ويخق ويقول كلام ما لأمه داعي وينكب عفشك .. واذا قدر الله وتعلم حاول كل ماقالهن تنفخ عليه علشان ماعاد يعودها

2/ يقول بعض خبراء تربية الطيور انه لازم تعلمهم الكلام قبل التصفير حتى .. لان التصفير يمكن يتداخل مع تعليم الكلام ثم يشبك خطوط مالها سنع ابد ابد بتاتا البته

3/ بعض طيور المينا والبراكيت يمكن انهن يتعلمن بعض الكلمات .


___________________________________________


هذا اللي بحثت عنه وقريته على هالرابط

http://au.answers.yahoo.com/question...8064801AAuPdwh



الترجمه بتصرّف وسعة صدر ..


شاكر لكم ومقدر


،،