عندي مشكلة مع كاسيكو مالي؟؟؟

[123اكشن]

السلام عليكم شباب
انه شريت كاسيكو تقريبا من سنة
وكنت ابي ادربه
وكل ماكنت ادربه يعض وساعات يطلع دم من يدي
بغيت ادربه يركب على يدي
يجي يركب على ملابسي ويروح على كتفي بدون تدريب ولا شي
واحين بعد فترة جيت ابي ادربه يركب على يدي اجوفه مايحب انه ادربه ويخاف خوف شديد
ولين اسمح على راسه يسمح لي امسح لكن مادرس شيصيده مره وحدة يجي يعض
ومايحب عايلتي كلش كله يعض اخوي وذيك المره عضه وطلع دم من يده
وانه اوكي معاي
ووايد ناس قالو لي عشان تدربه ما يعض ضربه على فمه
واذا تبي يتدرب يركب على اليد غصبه يركب
جربت كم مره اغصبه ولكن يعضني في اماكن في يدي جريبه من العروج
ويطلع دم على خفيف

فبغيت الحل يا شباب
وانه قريت كل المواضيع المثبته عن التدريب لكن مافي حل
وارجوكم انتظر ردكم حق تساعدوني
والطير يعني مو انه حزين لا كله يصفر ويقلد اصواتنه لكن لما نيي نلمسه يعصب

[123اكشن]

وانه ضروري ابي ادربه يركب على اليد

[123اكشن]

وهاي صور له
واحين قام ما يصصعد على العصا مال القفص من فوق

[راعي الكاسيكو]

يا هلا ومرحبا فيك اخوي . . .
بقولك قصتي مع طيري الكاسيكو ((بيسو))
قبل ...كنت فاليوم اغصب الطير يوقف على يدي واااااااايد كنت احسه مايبي يوقف بس كنت اغصبه وعقب تملل وتم يعض لني كنت متخرع كل جم دقيقة ابي يوقف على يدي وكنت امسح على راسه وفي يوم من الايام في احد من البيت كان يبي يمسح على راسه بس ماكان يعرف حق الطير وخرعه ورحت بامسح على راسه ماخلاني . .الصراحة انقهرت يعني الطير تغير 180 درجة ومن عقبها صرت ماعطيه ويه بس اغيرله الاكل والماي وأكلمه صارلي شهرين تقريبا حابسه فالقفص وفي يوم قلت خلني اطلعه طلع وتم يمشي على الارض ...لي اجرب يمه يبي يشرد عاد انا بالعمالة اسوي روحي ما اعطيه ويه وهو تعلق فيني لني انا الي ااكله وأكلمه وبعد جم دقيقة ما اجوفه الي لاحقني قلت بجرب حظي وحطيت يدي ولة الحبيب وقف ولة جنه صاير شي وخلني امسح على راسه . . .
العبرة:لازم تهدي الطير وماتجبره على شي خله على راحته ومع مرور الايام بيتعود وخله يتعلق فيك و اذا عضك لاترد يدك بسرعة خلها ولاجنك تحس واستحمل وقوله _عييييب_ عشان يترك هالعادة
اتمنى اني افدتك واي سؤال انا حاظر...

[123اكشن]

أخوي اذا انه انزله على الارض
ايي يكرب على يدي بس نفس ماقلت ل لين يبي يركب يعض يدي صوب العروج ويطلعدم

ولكن انه ابي يركب على اليد مو من الارض من القفص
اذا من الارض انه اعرف
المهم مشكور اخوي
واللي عنده حل اسرع خل يتفضل اهني

[NSA]

السلام عليكم ورحمة الله وبركاتة
اخوي انا عندي ببغاء رمادي اول ماجبتة كان يخاف مني ومن الجميع ولاكن لايجعر ويخرج برة
واول ماجبتة كان يعض ولا يسمح لي بالمسح عليه
ولاكن تركتة لفترة داخل القفص اسبوع اسبوعين من غير ما اخرجة وبعدين خرجته وحاولت اشيلة بالقفاز
وبرضوا كان يعض بس على خفيف وخايف وتركتة يمشي على الارض وجيت احاول اشيلة تعبني شوي
لاكن في النهايه طلع وقربتة الى صدري وحاولت امسح عليه خاف في البداية ولاكن بعدين عادي امسح عليه
ويوم بعد يوم وانا على هذة الحالة والان والحمد لله صار يطلع على يدي بدون قفاز وامسح عليه عادي مايسوي شئ

جرب هذة الطريقة اخوي وان شاء الله تفيد معاك

[falo]

خذ النصيحة من مجرب أفضل من خبير بس ما عنده ببغاء

[123اكشن]

مشكورين شباب
وانه باجرب اخوي nsa

[bahzad_76]

شوف اخويه اكشن فتره سنه طويلة جدا وانت هدرت وقت كثير وببغائك تعود على امور واستدرجك فيها وهو اللي صار مسيطر ويفرض ارادته وهاي حقيقة واقعة . عليك اولا ان تجعل ببغائك يحبك ويحترمك وانت ايضا لازم تحبه وتحترم ارادته اولا وبعدين شويه شويه خليه يتعود على عاداتك وينسى عاداته ومسألة العض انت السبب وانت اللي عودته عليه طبعا من يعضك وانت تتالم ويخرج دم من ايدك معناه انو العضة جابت نتيجة وهذا يشجع الببغاء على الاستمرار والتفنن في العض لازم تخلي في ايدك قفاز سميك وتحاول تتودد للطير وهو اكيد راح يعض بس راح يشوفك طبيعي وما تتالم وما يخرج دم وما عم تبعد ايدك وبعد فتره راح تترسخ قناعه عند الطير بانو العض ماعاد عنده مفعول وماديجيب نتيجة وراح يتركها وهذا هو الاهم في الموضوع كلله انو تحاول تسيطر على شخصية ببغائك وتخليه مسير حسب ما انت تريد مو حسب ما هو يريد وكل شي بالحنان والهداوة مو بالاكراه


واهلا وسهلا

[123اكشن]

اخوي والله الطير مو عن شي بسرعه يستفر ومو راضي كلش رفيجي يقولي خاله يعرف يدرب يطق الطير طقه وحدة يخليه يصير اوكي
بس انه خايف بسبب الطق