شريت هامستر وعندي كم سؤل وأبي شخص يكون ساكن في الرياض (*_^)

[tameemo]

السلام عليكم ورحمة الله وبركاته

كيفكم يا شباب وشابابات <<<< ما يعرف يعبر

طبعا أنا يوم الثلاثاء الماضي رحت سوق الحمام بالرياض

وكنت ناوي أشتري سمك زينة وأنا داخل محل السمك لقيت حيوان

عجبني شكله وسألت راعي المحل هذا وشو قال هذا همتارو طبعا أنا فطست

ضحك على شكله لأنه من جد حيوان مررح..

وكان معي أخوي الصغير وعجبه شكله وهو يحب همتارو فحلف على أبوي (الله يطول في عمره والقارئين )

أنه يشتريه المهم أبوي شراه وجابه البيت أنا ما أعرف عنه شي أبد أبد أبد ولا أدري وش ياكل .

فقريت كم موضوع في هذا المنتدى الشامخ عرفت عنه أشياء ..

لكن عندي كم سؤاال وبكرفكم شوي


السؤال الأول لأهل الرياض : من وين أجيب نشارة الخشب ولو أبي اكسسوارات للقفص من وين ..

السؤال الثاني : لو أعطيت الهامستر (هنتارو) قطعة تفاحة كيف أحطها أرميها جوا القفص

أو أعلقها وإلا وين أحطها ..

السؤال الثالث : أنا شريت الهامستر (هنتارو الله يطول في عمر ) وكان يستحي شوي

ولا كان يطلع كثير من العش وإذا طلع جلس ياكل شوي ويلعب ويرجع مكانه وقبل شوي رحت له

وحطيت يدي فوق القفص (فوق القفص) ناظر يدي وطلع أسنانه

كأنه طلع مفترس ولاأدري وش السالفة..

السؤال الرابع : لو أبي أدربه يعيش بدون قفص يعني مثل بعض الناس يصير تاركه بدون قفص

ويصفر له ويجيه ..

السؤال الخامس : <<<< تراك فليتها

اللي يجاوب على الإسئلة له جزيل الشكر وهذا أول موضوع لي في المنتدى لا تزعلوني ..