قطتي الجديده تخاف مني فماذا افعل

[دلوعه الرياض]

اهليييييين
انا شريت قطه جديده وكل ماابيها تلعب معاي تروح وتلعب لحالها
وتخاف مني اذا جيت ابي امسكها ماعادا اذا جا معاي اكل
بلييييييييز ساعدوني ايش اسوييي

[عاشقة الطيور]

السلام عليكم ورحمة الله وبركاته

انا ماربيت قطوه داخل البيت ومن زمان ربيت .. يعني خبرتي مب كافيه

بس قبل جم يوم كنت اتابع مواضيع هالقسم واغلب الاعضاء الي يشترون قطط جديده يعانون من نفس المشكله الي تعانين منها

عطيها وقت اختي .. حاولي تراوينها كره ولا لعبه تحب تلعب فيها من بعيد وشوي شوي مع الايام بتيج لما تتعود عليج

ومبروووك على القطوه اليديده وعقبالنه ان شاءالله

[عاشق التصوير]

ما عندي خبره بس حسب معلومي
ان هذا الشي طبيعي وشوي شوي بتتعود عليج بس انتي
حاولي انج تلعبينها
وتأكلينها
وان شاء الله مع الوقت بتتعود عليج


وألف مبروووك على القطوه اليديده ^^


وعقبالنا نحن ان شاء الله

[sisi_moon]

لالا عاادي خيتووو

بس في البدايه تخااف منج بعدين يصير كل شي اوووووكي

انا مثلا ولد قطوتي كان خووووووواف بس يوم مسكته وخليته بحظني وتميت امسح عليه لين نام

وبعدين صار عادي مايخااف

انتي جربي سوي كذا اذا شفتي ماتبي على طول تركيييها

لان لو تضايقت من هالشي وانتي اصريتي عليه راح تكرهج

فـ شوي شوي عليها وبتتحسن علاقتج وياها

[مها]

أضيف لكل نصائح أخواني الجميله, نصيحه وهي

إنك لما تعطيها الأكل تجلسي جنبها, وشويه شويه تملسي عليها وتناديها بإسمها

وتدلعيها, علشان تحس بالأمان.

أهم شي مايكون عندكم أطفال في البيت يخوفوها

وغير كده, بإذن الله حتلقيها أتعودت عليكِ وعلي أهل البيت.

بالتوفيق, وياربي يسعد قطتك الحلوه.

[دلوعه الرياض]

اوكي ومشكووووووووووورين على المسااعده وبحاول اني العبها ووكلها

[نوني..]

من جد ترا اذا حطيتها بحضنك وجلست تملس رقبتها وخدودها تحبك وماراح تخاف منك وحاول وانت تأكلها مثل ماقالوا الاخوان انك تملسها مع راسها

[الصامــت]

شوفي 4 ايام بالكثيير

وتصير كانها تعرفك من 10 سنين ..

^_^

بس عطيها وقت لحد ما تتعرف على البيئه الجديده المحاطه فيها ..

[I'm Nemo]

خليها على راحتها
يعني اذا خافت منك لا تزيدين عليها
خليها تحس بالامان يعني لا تخوفينها زود
لعبيها ولمسي على راسها حتى اذا نامت
المهم اذا كانت خايفه لا تخوفينها زود خليها على راحتها
واذا جت تشم ريحتك لا تشيلينها خليها لين هي ما تتعرف عليك