اشترك في نشرتنا البريدية ليصلك كل جديد

تروكي10 · 02-01-2008, 11:32 PM

جبت لكم بعض الاسئلة اللي ترفع الضغط
وودك تكفخ اللــــــــــي يسألك ,,هههههه

مثلا:

أنت بغرفتك منسدح بالسرير ومطفي النور ومتلحف بالبطانيه >>> يجي أحد أخوانك ويفتح الباب عليك ويقول :- بتنام ! ! !

(( لا أبرقص ,, أكيد أبنام ))

والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,

يجي أحد من أهلك وينادي بصوت عالي >>> بتطلع ! ! !

(( لا اجرب الباب هو زين ولالا))

أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,

أنت بكل ذوق تفتح القزازه وتقوله :- آمر يالحبيب ؟

يقولك :-بتمشي با السياره ! ! !

(( لا أبفحط وأسوي خمسات . . . . أكيد أنا ماشي ))

البنت مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك

والغشمرة ورحتي عند الباب تلبسين عبايتك . . .

تجي وحده ملقوفه من البنات وتقولك : - فلانه بتروحين البيت ! ! !

(( لا بصلي في البنات أكيد أبروح لـبـيـتـنـا من زين الكليه جالسه في استاربوكس ونا مدري ))

مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !

((لا بصور معه كم صوور تذكاريه , , أكيد أبكلم ))

مثلا :- ماسك دفتر أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !

(( لا أفرش اسناني , , , أيه أذاكر ))

أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !

(( لا ادغدغ سمكه))

ولا تعالــو شوفو قنواتنا وأسئلتهم البايخة:

مثلا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا منه المال ومنها العيال))

والأسخف من هالبديهيات اللي تضيع وقتنا إذا قابلو مع بزارينا , , ,

يقول المذيع للبزر :- أنت تحب ماما وبابا ! ! !

(( لا احبك))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !

(( لا أبروح أكفخهم وأسوي هوشه , , , أكيد أبعايدهم ))

واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار

(( لا والله جاي اشوف مباراه الاتفاق والأهلي... اكيد اني بسافر )<<