ما تأثير القفار على نفسية الرمادي ؟

[فلاش قطر]

السلام عليكم ورحمة الله وبركاتة

ادخل بالسؤال

البعض يقول لازم تلبس قفاز والبعض الثاني يقول ان القفاز يسبب له جنون

والصراحة انا جربت ان اتقدم له بالطعام وانا لابس القفاز لا يقربني اما بدون قفاز الامر عادي

----------------------------------------------

اليوم اخذته الى محل الطيور والصراحة شفته وهو يحاول ان يضعه على يده

والله لم اتوقع انه متوحش الى هذا الحد

قلت له انا مس جربت ان اضعه فوق يدي ولكن لم اسطيع ان امسك رجله ولكن كنت امس على منقارة وكان هادي معي ولم يصرخ الا في البداية

فقال لي لانك لم تمسك رجله

هل اذا مسكت رجله سيتوحش ؟؟

[وعـــد الهـــوى]

وعليكم السلام
اولا
بالنسبه للقفاز نصيحه لا تجربه بالمره
لانه راح يخاف مره من القفاز وممكن تولفه بالقفاز بعد فترة
بس بيكون بخوفه من الفقاز يعني غصب عنه وانت مارح تخاف منه لان الفقاز يحميك
يعني راح تظغط على البغبغاء
وانت جربت وشفت الفرق
ودام انه خلاك تمسد على منقاره خلاص انت بديت معاه
والحين حاوا تتجه على راسه

اما بالنسبه لرجله لاتمسكها على طول اول شي مسد علها الين خلاص يخليك تمسدها اي وقت ولا يهتم وبعد طلعه على يدك
بس لاتحاول تمسكه من رجله لانه بيخاف حتى لو اليف
لاكن عشان يطلع على يدك
خليه اول يطلع على عصى مثل الي بالقفص او انك تطلعا من القفص
وتطلعه عيها وحط يدك فوق مستوى العصى بشي ويتطلع على يدك انشالله
وانا كاتب الطريقه هذي بالتفصيل واذا حبيت شوفها وجرب

[كوكاتيل مشاغب]

السلام عليكم ورحمة الله وبركاته

اولا ياخوي شي معروف ان جميع الببغاوات لها ادراك قوي وذاكره قويه وخصوصا الرمادي الافريقي فالطير اللي يكون صيد بريه راح تكون ذكرى القفاز ذكرى بشعه بالنسبه له ولهذا يصيبه الجنون لما يشوفه لكن الطير اللي يكون تفريخ مزارع ما تلاحظ فيه الشي هذا واذا لاحظت اثار توحش عليه تكون بنسبه قليله بسبب تغيير البيئه المحيطه واول ما يولف على المحيط الجديد بيكون اخر حلاوه

انا روضت افريقي وروضت امازوني واللي عندي الحين ببغاء جاردين
في البدايه اخوي لازم يكون عندك اصرار من تجربتي تعلمت ان الصبر لازم في حاجه لازم ما تستعجل عليها خلي الطير معك دلعه اخر دلع على الاقل اسبوعين
اذا بديت بدري راح يكون حاجز بينك وبين الطير وهو انه راح يكون متروض لكن خايف منك
بعد اسبوعين حط الطير في غرفه ويكون احسن النور يكون خافت شوي اذا الطير مررره مرعوب من القفاز البس جوارب او شراب ثقيل
امسكه مثل الحمامه وامسك رجله راح يحاول يعض وطبعا الصراخ حدث ولا حرج
خليك الين يطفش ويهجد بعد كم يوم على حسب الطير راح يرفع رجله انا العمليه هذي تاخذ معي بالكثير يومين
بعد كذا يجي الكلام الصعب انت الحين روضته لكن الطير ما تعود على يدك بدون ما يكون عليها شي
البس القفاز او الجورب بيد ويد لا خلي الطير على الارض ومسد عليه بثقل شوي عشان ما يهرب لكن ما تخنقه ثبته بشويش ويدك العاريه حاول انه يشوفها يعني مسد على راسه ومنقاره وظهره راح يصرخ خليك الين يسكت وشيل ايدك وحاول مره ثانيه الين يبطل صراخ
بعدها شيله على ايدك بالجورب وثبته وحاول تمسد عليه بيدك المجرده الحين في شي لاحظته الطير لما يكون على اليد راح يتجه تلقائيا الى اعلى يعني لو ميلت يدك راح يتجه للمنطقه المرتفعه انت استغل النقطه هذي لصالحك اشبك ايدك العاريه باليد التي فيها القفاز وميل ايدينك بحيث الارتفاع يكون باتجاه يدك العاريه
حاول تسوي كذا وخبرني بالنتائج وانا راح اكون معك على الخط

[فلاش قطر]

وعد الهوى .. طريقتك حلوه وممتازة اتمنى انها تمشي معاي

أهم شي عندي بدون عض

كوكاتيل مشاغب ... جزاك الله كل خير

بس الصراحة طرقتك تخوف وانا الصراحة اخاف من العض المشكلة اني شاهدته عندما هجم على صاحب المحل .. والله اني قلت هذا ليس كاسكو انه شاهين

وانا الصراحة ابحث عن طريقة بدون عض وبدون خوف

بارك الله فيكم وجزاكم الله كل خير

[كوكاتيل مشاغب]

السلام عليكم ورحمه الله وبركاته
اخوي ان كان على العض فلازم منه لانك لو روضت الطير راح يجي وقت ويختبرك وانت بما انك خايف هو راح يحس بخوفك
موودي الحين يمر بمرحله زمنيه معروفه بالنسبه لنوعه وكل ما اقرب منه يفتح منقاره لكن انا خلاص تعودت وعرفت حجم الالم وصرت مجهز نفسي ولما اقرب منه مايعض لكن يلحس ايدي ويديني راسه لكن البقيه في البيت يخافون وكل يوم يحصلون عضه او عضتين

خلاصه الكلام
راح تنعض يعني راح تنعض ههههههههههه

تحياتي

[فلاش قطر]

الله يسامحك كوكاتيل ههههههههههههههههه

اضحك علي شوي وقول لا ما يعض وخلني اجربها وانا ما ادري اعتقد احسن هههههههههههههههههههه

لكن بعد كلامك خلاص مستحيل اقرب منه

وتخبر حبيبي بعيد الشر لك انا فيني سكر وتعرف كيف راح يتضاعف لي الألم

اذا الانسان الطبيعي بينجرح اسبوع فانا بتم معاي شهر

فبلاش من شيل اليد واكتفي بالديكور والكلام ان شاءالله هههههههههههههههه

وجزاك الله كل خير حبيبي وحلوه المداعبة منك

[كوكاتيل مشاغب]

اخوي فلاش ما قدامك الا العافيه حبيبي ما تشوف شر
ولا تقول مستحيل ابدا لانه مافي شي اسمه مستحيل
عندي لك طريقه حلوه وهي انك تلف ايدك او اصبعك بلصق شفاف حنا نسميه بجده لصق فلوس
لف اصبعك فيه وحاول انك تقرب من منقاره لما ياكل من ايدك واذا حاول يعضك ماراح يقدر لان اللصق يزحلق شوي منقاره حاول ورد علي

[وعـــد الهـــوى]

باعطيك طريقه تخليه يطلع عاليد
ومالهاااااااااااااااااااااااااا في العض يعني لاتخاف
اول شي تجيب عصايتين زي الي بالقفص
وتخرج البغبغان من القفص وخليه على الارض
وحاول انك تخليه بمكان مايمديه يروح يمين ويسار يعني ركن الغرفه
وتمسك العصايتين كل وحدة بيد وتحط الاولى عند صدره
وظروري انك تقوله اطلع اطلع
عشان لمن تروح للنقه الي بعدها يفهمك البغبغان
اذا طلع على العصى الاولى تجيب الثانيه وتحطها عند صدره
كرر العمليه الين تشوف انه البغبغان يطلع بدون تردد
وبعد سيبه واعطيه مكافئه
واليوم الثاني سوي معاه نفس الشي
واذا شوفت انه طلع معك من البدايه تمام
اما اذا عابط معاك كمل نفس الطريقه
اما اذا مشي تمام خليه يطلع كم مره على العصا
بعدين خلي معك عصى وحدة بس
وطلعه عليها وبعدين حط يدك وقول له اطلع اطلع
ولف يدك بمنشفه دام انك ماتحب العض وشوف
يطلع ولا يعض المنشفه