اشترك في نشرتنا البريدية ليصلك كل جديد

الياسي · 29-12-2007, 12:36 PM

السلام عليكم ....

أخواني انا عندي سؤالين عن جوز جاوه اللون السلفر
اولا الانثى هذي المره الثانيه تبيض والبيض مب مخصب وانا متأكد انهم انثى وذكر لان الذكر يغرد بشكل مو طبيعي ماشاءالله عليه...

ثاني شي الانثى كانت راقده على البيض واليوم رحت وشفتها واقف على المجثم ونافشه ريشها شكلها مريضه لكن البارحه الحمدالله كانت نشيطه ممكن حد يقولي شو الحل

وانا كسرت البيض اليوم بعد ماشفتها تعبانه لان البيض كمل 18يوم وطلع مب مخصب للمره الثانيه...

لو سمحتوا ابي الرد بسرعه اذا في حل اعلجها..

kingofbirds · 29-12-2007, 09:18 PM

يااخي ليش تكسر البيييييييييييض .. اتركهم في حالهم .. انت توترهم .. الطيور تتوتر والانثى تعبت ويأست كلما تجيب بيض تروح تكسره .. خله يااخي خله .. وانسى اول يوم لوضع البيض .. انا نسيت اول يوم لوضع بيض الزيبرا واذا بهم اليوم يفقس مع اني كنت حاط في بالي ان يوم الاثنين يمكن يفقس .. لكن لاني ما فكرت حصلت على ماابغيه .. اتركهم في حالهم ولا عليك منهم .. وبتشوف فروخهم قرريب .. والانثى اعطها ماء مع سكر امسكها وافتح فمها وضع فيه بثلاث او 5 قطرات حتى تعود الى صحتها .. واعمل الليمون مع الثوم .. وكرر العملية واعملها 7 مرات .. انا مجرب .... اشتر فيتامينات تنشيطية واعطها 7 قطرات وعمل هذي الخلطات كل 3 ساعات .. كل 3 ساعات اعطها شيء .. بسرررررررررعة ..

الياسي · 29-12-2007, 10:24 PM

أخوي أنا يوم كسرت البيض أتاكدت انه مافيه فرخ من الضوء وتوقع ماذا كان في الانثى احتباس البيضه لانها تريد ان تبيض مره ثانيه بعد ماكمل عن بيضها 18 يوم هي على طول على هذي الحال بعد مايكمل البيض 18 يوم تبيض مره ثانيه ماادري شو السبب والحمدالله ألحين بعد ماسويت لها حمام بخار مع الزيت زيتون ووقعت البيضه ردت على نشاطها
.....

kingofbirds · 29-12-2007, 10:58 PM

اها زين عجل .. اخوي اعزل العش وضع لهم كل يوم الجرجير والخس والبقدونس لمدة اسبوعين وشوف بعدين مع الاهتمام بالتغذية ... الله يوفقك ..