أقسى شيء مر علي بحياتي .....

[MoNnY]

أقسى شيء مر بحياتي لمن عرفت انو كلبتي ماتت ...

وهذي قصتي ....

ربيتها وعمرها ثلاث أسابيع وهيا من نوع البيتبول ....

أول شيء ماكنت عارف أيش أأكلها فكنت أشتري الأكل المعلب للكلاب وضرها الأكل وسبب لها دود في بطنها وعالجتها وبعدين الدكتور اعطاني اكل من عنده لمن كبرت شويه ...
سرت انا أسويها الأكل في البيت من راسي هذي الطريقه أذا كان أحد ناوي يسويها لكلبه ...
كوسه مبشوره وجزر مبشور وبيض ولحمه مفرومه ..... يا أنك تعطيه هيا وهيا نيه او انك نحطها على النار شويه وبعدين تعطيه هيا ....
المهم كنت اهتم فيها وأغلب وقتي معاها .... لمن سار عمرها سبع شهور ....
بس الجيران أضايقوا من صوتها .... واهلي قالولي بيعها بس أنا ما هان عليا أني أبيعها ....
عشان أبغى اعرف اخبارها ... المهم ....
أعطيتها لصاحبي وياريتني ما اعطيته .... كان حاطتها في الحوش ومره رحت شفتها كانت عظم وجلد الظاهر ما ياكلها كويس وكلمته وقلتله أيش يأكلها .... وهيا لمن شافتني كانت زعلانه وماتبغى تجي عندي ... وبعد فتره لمن شافتني أجي وأروح عليها سارت عادي معايا ....
في يوم كانت تنبح صاحبي اضايق منها فربطها وحطها في القفص ..
القفص ألي عنده مكشوف من فوق يعني مافيه سقف ... وبعد كم ساعه نزل لقيها مشنوقه
لأنها نقزت من فوق القفص والحبل مربوط في رقبتها فماتت ...
كان لون راسها أسود لدرجه ماتتوقعوها ماتت وهيا عمرها تسع شهور ....
والله اني كل ما أذكرها قلبي يتقطع عليها وعلى طريقة موتها .....
ومن بعدها حلفت اني ما أربي كلاب وأتجهت لتربية القوارض ....
بس والله صورتها وحركاتها ماتروح من بالي كانت تحس أذا كنت زعلان ولا فرحان تلعب معايا ....
والله أني مقهوووور على طريقة موتها قد أيش أتعذبت لمن ماتت ....
أحس أني السبب لأني بعدت عنها .......
والله الكلاب تربيتهم مميزه بس حبهم مانقدر ننساه ....