البغبغان ده ماله ؟؟؟؟ الحقوني

[Alex Lover]

السلام عليكم ورحمة الله وبركاته


انا خاقولكم الموضوع من بدايته بس الله يخليكم عايزة رد سريع احسن انا خايفة خالص

وكل حاجة هاقولها ياريت تقولي اللي عملته ده صح ولا غلط

انا حبيت اشتري ببغاء

رحت سوق الحمام اللي في الكويت

لقيت واحد هندي عنده محل ... بيبع عصافير وسلاحف وعنده بغبغان صغير اخضر يعني حجمة قد

الكف كده ... اوكي

بكام ده ؟؟؟ قالي 15 دينار كويتي ......... فاصلت معاه لغاية ما اخدته ب 12 دينار ... ؟؟ ده اولا هل السعر كده غالي ولا عادى ؟

ثانيا : قالي انه صغير في السن وانه المفروض يتكلم بس لسه شوية كده ولازم اقدم له فلفل هندي حار علشان يتكلم بسرعة ... ؟؟؟ الكلام ده صحيح

وقالي اديله موز وبرتقال ولب بتاع البغباغانات

لغاية كده سليم ؟؟؟

لقيت على بطنه جرح سالته ايه الجرح ده قالي اتعور في السلك اللي قافل بيه باب القفص ، طيب مريض قالي لأ

المهم رحنا البيت بياخد اللب ومش بياكل ولا موز ولا تفاح بس الخيار بياكله ..

بعد اسبوع او عشرة ايام لقيت ريشه من ديله واقعة في القفص

بعد 3 ايان لقيت ريشتين من ديله واقعين

وامبارح لقيت ريشتين كمان واقعين وذيله اصبح مفيهوش غير 3 ريشات ويمكن يوقعوا

هل ده عادي ....؟؟؟؟؟؟؟؟؟؟

مع العلم ان حركته ممتازة

ولكنه جبان جدا لغاية دلوقتي محدش قدر يمسكه

بس جوزي بيقولي يمكن بيغير ريشه

انا سميته كوكي وكل يوم انادي عليه باسمه وهو ولا بيتكلم ولا بيفتح بقه بس بالليل لما ننام ونسيب النور مضوي عنده يقعد يصرخ بصوت عالى ولو طفيت النور يسكت

البغبغان ده طبيعي ؟؟؟؟؟؟؟؟؟؟؟؟؟؟؟؟

هل عنده انفلونزا الطيور ؟ وما هي أعراضها في الطيور ؟؟؟؟

ارجو اجابة وافية لكل سؤال

افيدوني افادكم الله