صح ولا غلط

[البطريقه]

امي اخدت الكوكاتيل من الصاله والصاله مكيفه

وحطته في ليانه فيها ماي

وهاده اخوي البومه كم الماي على وجهه

صح ولا غلط ؟؟

وانا بعتقادي انه انه يحممون الطير بماء شرب افضل من الماء العادي

ثانياَ الماء مالازام يجي على الوجه والخياشيم

ولو انا بحممه راح احممه بماء حلو خالي من الشوائب ورش مو ليانه

هو طير مو بطه

من الصح انا ولا هم؟؟؟

لا وزيدكم من شعر بيت تقول مرة ثانية تبي تحممه بصابون

[مشاغــب]

لووووووول


البطريقه يبون يعدمونه اضاهر


طبعن انتي صح ..


شوفو بعدما تسبحينه حطيه مكان جاف


خالي من التيار الهوائي ..


وشنو صابون لا لا تحطون عليه صابوون ..


لووول اهلج مجرمين ..


اخذي مرش وحطي فيه ماي وهذي احلى طريقه لترويش


..اما على ماي الشرب لا عادي اي ماي ..

[البطريقه]

شكراَ لك يالمشاغب على الرد الرائع

اي والله مجرمين

اخوي عصبني وايد يوم يكب الميا على وجه

خلاص ماراح اكلمه ولا راح اعطيه وجه

يكب الماي على وجه كوكتيلي

وإذا اقول لهم شيء يتمسخرون علي

وعلى ماتقول الرش الرش يقولون لي ماينضفهم منيح يقولون بس يجي الماء على الريش من فوق

[مشاغــب]

لوووووول البطريقه ..


هد اعصابج .. هم ما سوي جذي الا يساعدونج .


لا الرش يبلل الريش والكوكاتيل من طبعة يكمل باقي .. الامر ..

[البطريقه]

شكراَ يالمشاغب على الرد الجميل

[حمد الاحمد]

السلام عليكم ورحمة الله وبركاته

اختي العزيزة البطريقة

بعد التحية

الله يارب يهدي اهلك ويخلو الكروان في حاله


هذا ودمتم في رعاية الله

[الطاير]

السلام عليكم ,’,,,

مداخلة بسيطة ,,

ممنوع استعمال الصابون لتحميم الطيور ...

هذا الكلام يجي مطبوع على قفا(مؤخرة راس) كل ببغاء

لان الصابون يخرب ريش الطائر


تاكدي اذا الطير غرقان (مبلل) انه مافيه تيار هواء ...
لانه ممكن يصاب بمرض يجيب اجله

وسلامتك ...




الطاير

[المشروع الكبير]

الكوكاتيل ينحط عنده وعاء وسيع و موب عميق حيل

و

هو يحمم نفسه بنفسه و يتغير الماء يوميًا

أو

ترشينه برشاش ما

بس أهم شي الوجه ما ينغسل و لا يجيه ما

عشان أذان الكروان حساسه

أما تحطونه تحت الهوز و تسبحونه ذي ما تنفع للكروان أبد

و

فوق كذا صابون كملت الكروان يقول انا ميت و ابصم لكم بالعشرة

الكروان حساس ما ينفع له الدش مهوب زي الرمادي هو

..

آخر نقطه أحب أتكلم فيها إنه ما الحنفيه أزين له من الما الحلو

أول شي معادن و أملاح تفيد ريشه

ثاني شي إسراف تسبحينه بما حلو

أبسألك إنتي تشربينه ما حلو ؟ أكيد لأ

يعني يشرب حنفيات و يتسبح بحلو

إما إذا يشرب حلو إنتم مدلعينه بزياده

و الما الحلو ما ينفع للطيور

لأن فيه ماده معقمه تضر جسمهم


,,

مع التحية

[البطريقه]

المشاركة الأصلية كتبت بواسطة حمد الاحمد

السلام عليكم ورحمة الله وبركاته

اختي العزيزة البطريقة

بعد التحية

الله يارب يهدي اهلك ويخلو الكروان في حاله


هذا ودمتم في رعاية الله

الحمد لله خلاص تركوه

لأني كل يوم اقول لهم قتلتوه خلاص كرواني يعاطس وراح يموت والسبب انتو

وحتى لو فكرو مرة ثانية يسوون جدي ماراح اخليهم اكيد لو وش يسوون ويقولون

[البطريقه]

المشاركة الأصلية كتبت بواسطة الطاير

السلام عليكم ,’,,,

مداخلة بسيطة ,,

ممنوع استعمال الصابون لتحميم الطيور ...

هذا الكلام يجي مطبوع على قفا(مؤخرة راس) كل ببغاء

لان الصابون يخرب ريش الطائر


تاكدي اذا الطير غرقان (مبلل) انه مافيه تيار هواء ...
لانه ممكن يصاب بمرض يجيب اجله

وسلامتك ...




الطاير

اي صح كلامك وانا قلت لهم هلكلام

وانا بعد قلت لهم مستحييل اخليكم تححمون كرواني بالصبابون من سابع المستحيلات

والحين خلاص تركوه لايحمموه لا يفركون يحمموه بصابون

واي اعرف انه التيار الهوائي مو زين لطير مبلل

كل هاده اعرفه