فتق بالبطن

[شاهيناز]

السلام عليكم ورحمة الله وبركاته
عندي قط عمرها 5 شهور لاحضت شيء غريب بنهاية بطنها وهيا بعمر شهرين بروز بشكل دائري و لين جداً قرأت و بحثت واكتشفت ان أعراض فتق السره كلها موجوده بقطتي في هاوي نصحني بدوا اسمه نوسورين انو كويس لبناء جدار المعده لأنها بعمر صغير ماتتحمل عملية جراحية رحت سألت دكتور وقلي مايفيد واليوم قرأت بموضوع الخبيره ناديه كريم شمع العسل الصافي لفتق الصره
حالياً قطتي عمرها 5 شهور وصحتها الحمدلله ممتازه وتلعب وتاكل بس خايفه عليها من العمليه وخايفه برضو اخليها كدا و لو طلبت تزاوج و جاها الذكر وحملت كيف مع الفتق ؟ انصحوني اش أعمل مع العلم اني بمنطقه عياداتها قليله ومهتمه أكثر شيء بالابل والغنم والدجاج .

[شاهستا]

اهلا بيكي

طبعا لو هي فعلا عندها فتق ابعديها تماما. عن الحمل والكلام ده

استخدمي الكريم وياريت لو تحطيلنا صوره عشان نقدر نفيدك اكتر

[شاهيناز]

كريم ايش وكيف يستخدم ومن وين اجيبو
صور صعب شعرها كثيف ووبرضو مابيبان بسهوله بس بيتحس باللمس

[فاتـــو]

شاهستا تقصد كريم شمع العسل

بتلاقينه في محلات العسل او ممكن عند العطار

حطي صوره علشان نشوف مدى الخطوره واذا محتاجه عمليه مستعجله ولاتنتظر شوي ..

[شاهيناز]

بحاول اصور برغم انو صعب جداً لانو مايبان من شعرها وبرضو ﻻزم تمون واقفه .. طيب كيف استخدم الكريم