اشترك في نشرتنا البريدية ليصلك كل جديد

سام · 20-07-2007, 03:22 AM

السلام عليكم ورحمة الله وبركاته

اخواني اعضاء منتدى تو زوو الرائع .. عندي سؤال عن تغذية الثعابين ؟!!

يا ترى اصحاب الثعابين كيف ينظمون التغذية للثعابين ؟ بمعنى انه كيف يوفر لثعبان اكله فلنفترض الفأر !!! هل تربي مجموعة منها وتريح بالك من انك تروح السوق ام فعلا تفضي نفسك كل اسبوع وتذهب لسوق لشراء الغذاء الازم .. لانها بصراحة مشكله بنسبة لي اغلب الاحيان اكون مشغول بشغلي ودراستي وحبيت استفيد من خبرة الاعضاء واطبق نصايحهم ...

وهل يوجد غذاء اخر لثعابين اي تستطيع تأمينه بكل سهوله ؟؟

شاكر لكم تعاونكم

تحياتي ..

Q8kuwait · 20-07-2007, 05:07 PM

اقتباس:

يا ترى اصحاب الثعابين كيف ينظمون التغذية للثعابين ؟

يفضل كل أسبوع اطعام الثعبان فأر واحد او اثنين

و بالنسبة لي .. كل اسبوع اذهب الى السوق لشراء الفئران .. لاني احب ان اخرج الى السوق كالعاده

اقتباس:

وهل يوجد غذاء اخر لثعابين اي تستطيع تأمينه بكل سهوله ؟؟

يعتمد على نوع الثعبان .. مثلا الاصلات تاكل الفئران و الصيصان و الارانب

Ghoroub · 20-07-2007, 06:01 PM

جيب لك ذكر وأربعة أو خمس إناث (حاول تاخذهم كبار عشان ما يتأخرون في الخلفة)
وفرلهم مكان مناسب وبيئة نظيفة وماء نظيف للشرب (لازم الرضاعة) وأكل مفيد وكثير وبعد فترة بسيطة راح تدور أحد ياخذ الزايد من الفيران لو ببلاش

أهم شي لا قربت ولادة وحدة منهم إنك تعزلها قبل الولادة بيومين أو ثلاث عشان لا يزعجوها الباقين أو ياكلون عيالها

يعني 3 أحواض (واحد موجودين كلهم فيه واثنين اسبير لما تقرب الولادة)
بخصوص الأكل جيبلك كيلو من كل نوع ياكلوه ولخبطها مع بعض تمام (أوفر لك بمراحل من الأكل الجاهز اللي ينباع لهم واللي في الغالب استوك (قديم) وراسلينه للدول العربية لأنهم مو عارفين يبيعونه عندهم (أقرب مثال موية إفيان تسحب من الأسواق الأوروبية قبل لا تنتهي صلاحيتها ب 6 شهور وعندنا إذا شاطر حاول تلاقيها وهي باقي في صلاحيتها أكثر من 8 شهور في أحسن الأحوال)

الأحواض المناسبة
روح ايكيا أو أي محل مشابه بتلقى صواني بلاستيك جدارها مرتفع (حوالي 15 سم) خذلك كم وحدة وروح النجار خليه يسويلها برواز خشب (خليه أوسع شوي من الصينية عشان تشيله وتحطه بسرعة) وسوي نص دائرة في أحد الأطراف. بعد كده تجيب السلك زي اللي على الشباك (فيه أنواع نايلون ما تنفع راح يقرضوه الفيران ويهربوا) تركب طبقة أو اثنين زي ما تحب
بعد كده تجيب أداة لحام أو تسخن مسمار (الأفضل تجيب الرضاعة اللي راح تستعملها مع الحوض) وسوي فتحة في الصينية البلاستيك على قد راس الرضاعة (عند نفس الجهة اللي سويت في النص دائرة اللي في البرواز وحاول توزنها إن الرضاعة تكون متزنة وما تنقط على النشارة ولا حتضطر تغير النشارة قبل موعدها

وبس كده عندك مزرعتك الخاصة للفيران ( لاتنسى تحط الأحواض اللي سويتها في مكان معتدل الحرارة وبعيد عن الضوء المباشر للشمس)

أتمنى أكون أفدتك

تحياتي

سام · 20-07-2007, 07:13 PM

شكرا اخوي Q8kuwait على المعلومة والرد ..

شكرا اخ Ghoroub على المعلومات القيمة والمجهود الرائع وان شاء الله راح اطبق الي قلته شكرا مره ثانية ..

تحياتي ..

هاوي ثعابين · 20-07-2007, 11:09 PM

انا افضل الصيصان و السمان و الارانب لأنها انظف

الفيران اذا بتربيها بتوصخ و تطلع ريحه كريهه (جدا) و ممكن تنقل امراض لك او للثعبان

اذا ودك تربي جرب الهامستر (انا ما جربت) او الارانب تتكاثر بسرعه

Ghoroub · 21-07-2007, 02:15 AM

أتفق معاك أخوي هاوي الثعابين بس لا تنسى النظافة مهمة لو غير أي مربي النشارة مرة في الأسبوع وقبل لا يغير النشارة غسل الأحواض ونشفها تمام ما راح تطلع ريحة خايسة (بمقارنة بسيطة بين أي فار انت مربيه بنفسك وفار مشتريه من أي محل بتلاقي إن فارك كأنه ملكة جمال العالم صحته ممتازة وجلده نظيف ومرات ممكن الثعبان ما ياكله لأنه ما فيه ريحة الفار) أما فيران المحلات فحدث ولا حرج من يوم ترفع القزاز اللي على حوضهم بتطلعلك ريحة تجيب أزمة ربو من قوتها

معروف إن الذكور بولها فيه ريحة مركزة فعشان كده قلت ذكر لكل أربع إناث ( لو المكان تهويته سيئة أكيد بتبين ريحتهم أسرع ممكن تحط شوية فانيليا (البودرة هذي أم نص ريال) في رضاعة الشرب (بتخفف الريحة شوي وأنا مجربها)
نصيحة لكل الأخوان اللي يلاحظون إن ثعابينهم جاتهم أمراض بعد وجبة معينة يحاولون ياخذون أكل ثعابينهم من محل مختلف أو حتى يربون فيرانهم بنفسهم لأن أكيد وبدون شك إن راعي المحل ما يفرق معاه يعيش ثعبانك ولا لأ فما راح يخسر فلوس على الفيران اللي مربيها وفي الغالب بيحاول يبيعك المريضة عشان لا تموت عنده (خصوصا لو عرف إن كائن ثاني راح ياكلها يعني ما راح تقدر تعرف إنه نصب عليك لما يموت الفار بعد يوم أو يومين)

بخصوص الأرانب كلامك صحيح بس لقيت إن تربية الفيران أسهل بالإضافة إن الأرنب فروخه كبار مقارنة بالفيران والهامستر يعني لو ثعابينك صغار (قطر الفريسة أكبر من أعرض منطقة في الثعبان) ما راح يقدر ياكلها

الهامستر غالي نسبيا يعني لو عرفت تكاثره (خصوصا الروسي والصيني) الأفضل إنك تبيع العيال لما يكبروا أو تهديهم أفضل من إنك تخلي الثعابين يتغذون عليهم

الصيصان ريحتهم أخس من الفيران وأظن السمان نفس المشكلة

تحياتي وأتمنى أكون أفدت

سام · 21-07-2007, 04:06 PM

شكرا اخوي هاوي ثعابين على الراي والنصيحة ...

وشكرا اخوي Ghoroub على الشرح والمساعده .. استفدة منك الكثير ..

تحياتي ..

هاوي ثعابين · 21-07-2007, 05:48 PM

اشكرك على التوضيح الكامل و المفصل اخويghoroub

Ghoroub · 21-07-2007, 06:05 PM

العفو