ملاحظات على البلوفرنتد

[bda5655]

السلام عليكم و رحمه الله و بركاته
اخواني الاعزاء انا شاري بلوفرنتد قبل اسبوع و نص تقريبآ و ما سبق لي ربيت امازوني ابد قبل لي عده تجارب مع الافريقي و هالمره قلت بغير اشوف ايهم افضل لكن لاحظت عليه اشياء ما قدرت افسرها من الاشياء هذي دورانه حول نفسه قلت يمكن انه يبي يطلع من القفص فتحت له القفص و لا طلع كمل دوران علمآ انه سبق و طلع من القفص عادي و يدور على نفسه بشكل سريع و ما اعتقد انه رقص (( ما فيه احد متوتر و يشكشك )) و الملاحظه الثانيه هي الاكل اول ما جبته للبيت ما ياكل و هذا طبيعي لكن بعد كم يوم اعطيه حبوب دوار الشمس بيدي و ياكلها لكن من الصحن ما ياكلها ابد تركته يومين ابيه يجوع و ياكل من الصحن ما اكل بخلاف بعض الاطعمه يجي للصحن ياخذها مثل التفاح و الموز المجفف اما دوار الشمس و النوع الثاني الابيض ( ما اعرف اسمه ) لا ما ياكلها انا ما ادري هل هو مو متعود و الا وش وضعه و اذا مو متعود عليها ليه ياكلها من يدي و ما ياكلها من الصحن ,, طبع الطير مواليد 2012 اتمنى احصل نكم تفسير لتسأئلي و لكم مني جزيل الشكر و التقدير