رد: استفسارين مهمين بخصوص قطه صغيره "مرفق صور وفيديو"
وعليكم السلام ورحمه الله
بسم الله ماشاء الله كيووووووووووووت ، عسوله جدا ماشاء الله
نوعها شيرازى مون فيس ، عمرها شهرين
وبخصوص الحمام انتى بعد ماتاكل خديها لمكان البيبى
وامسكى ايديها واعملى كانك بتعملى حفره
وخلى بالك هى كيتن يعنى فى الوقت ده ممش بتكون مركزة وصغنتوته بس تقدرى تدربيها
والافضل ان الليتر بوكس يكون قريب منها
لكن فى حاجه مهمه شوفتها فى الصور اللبن الى قدامها
ده لو لبن عادى من الى احنا بنشربه هيسببلها اسهال ومشاكل كتير
اكليها بيض مسلوق ؛ جبنه نستو ؛ سيريلاك بالارز او القمح ؛ فراخ او لحم او سمك
وضيفى عليهم خضار زى الكوسه او الجزر او البطاطس
وبلاش اللبن لو عايزه تشربيها لبن يبقى لبن اطفال خالى من الاكتوز
او لبن نيدو مره او مرتين فى الاسبوع
وخلى بالك منها لتخرج الشارع عشان لو خرجت هتتاكل ^^
ربنا يخليهالك ..
|