و الله لو يحط رجل على رجل ما شريته بها القيمة !!

[محمد الرياض]

إخواني ..

حبيت أنقل لكم ما حصل معي اليوم الخميس ..

في البداية طرا على بالي ألف على محلات الطيور أشوف و ش من جديد عندهم ..

و كنت حاط في بالي لو لقيت جوز كروان طيب أشتريه ..

على فكرة .. حاط إعلان مطلوب جوز كروان في قسم الشراء و إلى يومك محد رد علي

و ردفته بإعلان ثاني لعل و عسى << المهم مالكم بالطويلة ..

نرجع لموضوعنا .. دخلت على أحد هالمحلات و أقول في نفسي إن الدعوى صيف

و لاحولك أحد حول الطيور هاليومين و أكيد إن أسعارها في النازل ..

دخلت المحل و شيكت على الكناري من باب اللقافة ..

ثم على طول على الكروانات .. المهم ارتز لي البنغالي يحتريني أسأل << مسوي

خدمة خمس نجوم ( مايدري إن هالشي يضايق الزبون -على الأقل بالنسبة لي- )

المهم و أنا اللي أشوف جوز كروان في قفص ، و أسأل عن سعره ( سعره=قيمته=its price )

وياليتني ما سألت !! ( نصيحة / اتصل على 997 قبل ما تسأل )

يقول إنه بـ ( 1700 ريال ) ؟!

المهم حسبت الرجال مضيع و قلت له القفص هذا مهوب اللي بجنبه اللي فيه الرمادي .

قال : أيوه هازا كروان 1700 هازا هولندي ..

و أنا اللي شوي و يغمى علي ..

ويييين ؟؟ أعوذ بالله و ش هالأسعار؟؟

قلت طيب مانبي هالهولندي عطنا المتوحش ..

و تأتي الطامة المطممة ( الفرد المتوحش بـ 400 ريال و ليس الجوز )

لا حول و لا قوة إلا بالله ..

يا إخوان .. أنا من قبل قريت مواضيع تستنكر أسعار المحلات و الأخوان أخذ و عطا في هالمجال

اللي يقول مالهم حق و نصابين و .. و شوي و يطلعهم من الملة << (صيغة مبالغة)

و اللي يقول احسب ايجار المحل و المحل فاتح للتجارة و .. و ..

ما علينا .. المهم عشان نطلع بنتيجة ، ليش مربين الطيور و الهاوين ما يكسرون سوق هذولا

ماتلقى الواحد منهم إلا بصعوبة و لازم تصير معرفتك به شخصية عشان يطلعلك

الأقل من المتوسط من انتاجه لو نوى يبيعك ..

الواحد من الاحباط وده يترك الشغلة كلها ..

لا تواخذونا في ما جاء في بعض هذا المقال ، و لكنكم خير أصدقاء يفضفض لهم الواحد

و دمتم بود

[THE END]

بسم الله الرحمن الرحيم

في كثير من المحلات الفخمه ممكن تصل الى هذه الاسعار

ولا يوجد لدينا حل سوا الذهاب الى سوق الحمام

وخصوصا يوم الجمعه عصرا في وقت الحراج

على فكره انا رايح اليوم وبحاول اجيب لك تقرير عن الكوكتيل

بالنسبه للهواه المبتدئين والمحترفين

البعض منهم يعتبر ما لديه من انتاج كنز غالي عليه وهو ثمر اهتمامه بعمله فلا يريد ان يفرط فيه او خوفا عليه

والبعض الاخر يكون غرضه من التفريخ تجاري بمعنى انه اذا كان عنده عش عد الفروخ 5 يبيع2 او 3 وبالباقي يستثمره فيما بعد..

وزي ما قلت لك الي فاهم السوق زين يعرف يحصل كل الي يبغى

بالنسبه للسعر لاي قلته خيااااااااااااااااااااااااااااااال لايمكن ان يصدق حتى لو حصل ازمه طيور بجميع دول العالم..

.. واخيرا ..

انتبه من البنقاليه والهنود ترى ياخذونك بالكلام خصوصا اذا كنت مبتدئ

وبالله التوفيق

:: دمت بود ::

[محمد الرياض]

أخي ( The End ) شاكر مرورك ..

أما بالنسبة للسعر اللي تقول خياااااال فأقول لك هالمحلات ما فيه شي اسمه خيال عندهم

اشفط اللي في جيب الزبون كله مرة وحدة .. يا أخي مدري بأي منطق تجاري يتعاملون !!

لو إن معه شهادات تطعيم و جنس و عمر و .. و .. مايصل إلى هذا السعر أبدًا ...

طالما أن هذه المحلات تستغبي الزبون و لايهمها فأبشر ببوار تجارتهم ..

التاجر الذكي هو الذي يعرف كيف يصل لقلب المشتري و يجعله مطمئنًا له ،، فيعاود الشراء منه

بكل أريحية ..

لكن ما نقول إلا حسبي الله و نعم الوكيل ..

و بعدين فيه ملاحظة أخيرة .. اللي يبي طيور زينة من مربين معروفين لا يروح لسوق الحمام

المربي المحترف ما يطب سوق الحمام أبدًا .. و خذها مني و أنا خوك ..

أعرف مربي حمام و مربي كناري .. و الله لو تطبق السماء على الأرض مايطبون السوق عشان

يبيعون من طيورهم ..

و إن وصلت للبيع أرسلو ناس غيرهم تبيع بدالهم .. أما هم ما فيه أمل .. إنس .

و دمتم بود ...

[THE END]

بسم الله الرحمن الرحيم

عذرا ..

ولكن يبدوا انك فهمتني بالخطأ..

انا لم اقل ان المربين يذهبون للسوق للبيع

هم لا يذهبون لان لديهم كفايتهم

انا اقول ..

اذا جيت تشتري وما حصلت هاوي يبيع لك ما لك الا سوق الحمام

:: دمت بود ::

[محمد الرياض]

أخوي ( The End ) بشر ..

و ش علوم السوق اليوم ..

ولا مثلي .. متكي على هالمنتدى كل العصر =)

[THE END]

بسم الله الرحمن الرحيم

والله انا مريت السوق

رحت للحراج مالقيت الا الافريقيات متكدسه فوق بعضها

وبعض ازواج الكوكتيل الي يزعمون انها منتجه وتحتها بيض وما باين على الانثى شئ؟؟

في المحلات الزوج على 270-250 ريال
والحبه 130-145 ريال

طبعا فيه شئ شغل نظيف

لكن ماحصلت الي ابيه

كنت ادور زوج دره هنديه لكن للاسف منقرضه من السوق كله

وبالله التوفيق

:: دمت بود ::

[بنت الإمارات]

السلام عليكم والرحمة

محمد

أنا اليوم مريت ع سوق الطيـــــــور

وشفت زوج من طيور الكوكاتيل لونهم رمــــــــادي

وعمرهم 3 شهور

سعرهم 400 درهم إماراتي وبالريال السعودي

بس مع القفص حجم كبير والأكل ماله بيكون قرابة الـــ 700


بس هب 1000 الصراحة السعر مبالغ فيه

الظاهر هالهندي راع المحل يحسب عمره يبيع ذهب ( ترتفع وتنزل الأسعار )


والسموحة ع الإطالة

[محمد الرياض]

( the end ) و ( بنت الامارات )

شاكر مروركم .. و تقاريركم =)

الصراحة على هالشغل بنسوي شبكة اخبارية !!

دمتم بخير ..

[mahal]

اعتقد يا اخوان انه في مبالغه عند بعض المحلات بالاسعار الي انا عارفه ان اسعار الكروان عندنا بالشرقيه حدود 300 ريال تطلع وتنزل بفرق بسيط

[mahal]

اعتقد يا اخوان انه في مبالغه عند بعض المحلات بالاسعار الي انا عارفه ان اسعار الكروان عندنا بالشرقيه حدود 300 ريال تطلع وتنزل بفرق بسيط