اسئلة عن الامزوني

[زابعد]

بسم الله الرحمن الرحيم

انا عندي طير امازوني عمره زي ما قال لي اناستيزا سنة ونص وتحت
وصاحب المحل قال لي 9 شهور عالكثير
االمهم ندخل في الموضوع
انا بعد ثاني يوم له في البيت فتحت له القفص احسه صغير مرره عليه
طبعا ياكل من اليد من اول يوم بس ثاني يوم كنت انا اصفر وهو يطلع صوت مدري صوت غريب
بعد رابع يوم تغير الصوت وصار صوت اقوى
ثالث يوم كنت امسح على راسه ولكن الطير يرجع يرفع راسه واحيانا ينزل راسه ويطلع لفوق
امسح على راسه لا وصلت لرقبته يعصب تقريبا يحاول يبعد يدي بمنقاره
ثاني يوم كنت انزل يدي عند رجله وكان يرفع رجله ويمسك يدي ويرجع يشيلها حصلت مرتين
اول اسبوع مر وصار كل ما انزل يدي عند رجله يمسكها بس يرجع يقرب راسه بشويش كنه يبي يعض يدي ولكن بقرب راسه بهدووء امم جبت عسل وحطيت في اصباع وجالس الطير يلحس العسل بس يجلس يلحس اصباعي بعدين يسحب اصباعي ويوصل لعند يدي لما يوصل للانملة الثالثة (الاصباع فيه ثلاث انامل) يضغط على يدي بقوه يمنقاره
بس صرت لما ابي امسح راسه يحسب عسل في يدي ويحاول يمسك اصباعي بمنقاره
وطبعا نفس الشي انزل يدي عند رجله يمسكها ومدري اذا متعلم يعطي كفك ولا لا لانه عطاني وكمان احيان يقبض رجله وانا اقبض يدي ويدقها مدري عن ذي الحركه ههههههه
المهم صار هو كل صباح يطلع اصوات بس صفير ما يصفرر وكلام ما يتكلم
طبعا الطير كان يجعر على خفيف اول ما جا بعد اول اسبوع صار ما يجعر لا مني ولا من اخوي وطبعا الشغل كله عليه كان في الصباح قدام كل اخواني وفي الليل اوديه غرفه ينام فيها
كنا اذا عدينا من ورا ظهره عادي ما يخاف ولا يقلب بس اخواني لا قربو منه يجعر على خفيف ويجي جهتي ويوقف قدامي اليوم الصباح واحد من اخواني لبس قفاز وطلع الطير غصب على يده والطير طلع لكن رجع نزل وصار كل ما قرب منه احد يجعر على خفيف ورجع يخاف حتى مني انا
الحين وقت الاسئلة :
1.كيف اخليه يصفر واعلمه الكلام
2.كيف امسح على جسمه كله
3.كيف اخليه يوقف يمسك اصباعي لما ابي امسح عليه
4.كيف اخليه يطلع على يدي
5.الطير الظاهر انه كان يطير و قصو جناحه بس قصو الريش والعود حق جناحه موجود الحين ايش اسوي كل صباح الطير اطلعه من القفص يوقف فوقه يرفرف كثيرر وحتى العصر والمغرب والعشا
والصباح يحاول يطير لكن حده الحديدة الثانيه هههههههههه ايش اسوي عشان اخليه يوقف يطير او حتى يطير يعني ايش اسوي اقص اجنحته ولا انتفها ؟؟
6.كيف اعلمه يجيني ؟
7.الطير لما يطلع من القفص مررة ما يبي يرجع له انا اتوقع لان القفص صغير لكن الحل منكم ؟
8.الطير يطلع ريحه من ريشه اتوقع وكل يوم صباح يجلس في ريشه مرره ما يسيب الريش
9.الطير لما نطلعه فوق مرة ما يرضى ينزل ياكل ولا يرضى ينزل يشرب مويا ولكن اعطيه اكل بيدي ياكل واجيب له الصحن وياكل منه واجيب مويا ويشرب ويشرب مرات مو مرة شكله عطشان هذي ايش تفسيرها ؟
10.كيف ازيل هذي الرائحة مع العلم اني روشته بالبخاخ وما راحت .؟
11.هل الحركة اللي سواها اخوي خربت العلاقة اللي بيني وبين الطير ولا بيرجع مثل ما كان ؟
انا اخليه ينام المغرب واحيان العشاء وبالكثير 10 واقوم الفجر اخرجه وجيبه الغرفة اللي نجلس فيها دايم وافتح قفصه واروح المدرسة وارجع هل هذا كويس ولا فيه ملاحظات ؟
اشكركم على مروركم اخواني

وفي الختام هذي صورة لعيونه هل في ذا العمر يتكلم ولا لسا هل هو ذكر ولا انثى مع العلم ان عينه فيها ذا اللون بعدين رمادي بعدين اسود ما يبان الا لو ركزت او جا ضوء الشمس على عينه ؟



وهذا الصوت اللي طلعه في ثاني يوم

[زابعد]

+ انا اشتريت له اكل منوع كان عنده الاكل العادي الحب الشمسي تقريبا و اللوز يمكن بصوره وبنزل الصور
الحين هو ما ياكل الا الحب الشمسي واللوز كمان ما عاد ياكله
والاكل المنوع ما ياكله الا اذا انا عطيته بيدي
+ الذرة والاشياء القاسية بس يكسرها ما احس انه ياكل منها شي بس اللي زي الحب الشمسي الفصفص والاشياء اللينة الزبيب وكذا ياكلها اما غيرهه احسه ياخذها يكسرها وبسس يدور البذر زي الحب الشمسي هل هو ياكل ولا لا ؟
وكيف اخليه ياكل الحبوب كلها
وانا اعطيه تفاح وموز هل التفاح ضار عليه كما سمعت لاني سمعت ان بذور التفاح ضارة وانا اعطيه اياها مقسمه اربعه اقسام .. ؟
وشكرا لكم اسئلتي كثيرة اسف على كثرتها

[زابعد]

الطير يرجف اذا احد قرب منه ومافي برد ولا شي ويرجف رجف اخاف يكون شي هل هو خوف ولا مرض ؟

[ماجد علي]

الرجف بيكون طبيعي من الخوف وأنشاء الله طيرك مافيه شئ.

[monybat]

الطير ما في شئ كل الاسئلة سهل وجوابها عندك

من الواضح ومن حركات اللي يسويها الطير وهي الرفرفه بالجناح او ما يخرج والصوت اللي يصدر ممكن يدل على صغر السن ولكن المهم الان
هو انت خلي الطير يتعود عليك وحسسه بالامان راح تلقى كل الاسئلة تمت الاجابة عليها
راح يخليك تمسح عليها وتقلبه كمان لا تستعجل حتى لا يأخذ منك موقف
حاول تقلل استخدامك للعسل كي لا يتأذى الطير
الطير محتاج قليل من الترويض وهذا امر سهل للغايه انت خليه يتعود عليك وانت ايضا اتعود على عضتة اي خليه يتجرأ عليك كي تقدر تحكم على قوة العضة وفي النهاية العضة ولاشئ يذكر

بس اعطيه مهله اتقرب له بالأكل الامازون يموووت في الأكل خصوصا بالبلوفرونتد تفاح فول سوداني واحده عنب
ولا تكثر كي لا يسهل منك الاعتدال حلو سواء في العسل او الفاكهة والاكل

[زابعد]

جزاكم الله الف خير وباقي الاسئلة لا تكرمتم
واشكرك اخي monybat على ردك
والطير ياخذ غفوات قبل العصر احسه يبي ينام اشيله اوديه ينام .. كويس ولا ؟

[زابعد]

والطير كمان يجلس يلعب بريشه ويطلع ريش ابيض (زغب) كل يوم اكثر واكثر ايش المشكلة

[زابعد]

امم من ناحية العض انا اعطيه اصباعي وهو يمسكها ويضغط بقوة بعدين يجي على الطرف ويزيد ضغط كنه يبي يجرحني

[زابعد]

منتظر منكم اجابات يا غاليين

[ماجد علي]

ماشاء الله طائر جميل, الرجف يكون طبيعي من خوف أو الجو بارد, الغفوة عادي بيغفوة في بعض الأوقات.