استفسار

[عاشق الكرواان]

السلام عليكم ورحمة الله وبركااته

اخواني انا خآلي مسوي قفصص كبييرر

طوله 10 متر + العرض 3 متر


مقسم القفص لقسمين

القسم الاول يمكن طوله 6 متر والثاني 4 متر

القسم الثاني راح يربي فيه حمام

بس القسم الاول قال انه بيربي فيه عصافير وببغاوات
نفس الكوكتيل و طيور الحب و فيشر
والعصافير نفس طيور الزيبراا


عندي بس كم من اسأله

1- عادي يكون هالعصافير والببغاوات مختلطه مع بعض ف قفص واحد

2- راح نحط لكل نوع او لكل طير العش المناسب له ... شو نحط فالقفص بعد غير الاعشاش .. يعني اشياء اضافيه ؟؟

3- اذا حطينه مروحه او مكيف صغير .. لان الجوو حار .. عادي وله مايلزم .. لان سمعت ان الهوا يسبب المرض للطيور ؟


هذي كل اسألتي وان شاءالله ماطولت عليكم

بس ملاحظه

(( القفص .. من على جمب جدارر وراه جدارر .. بس من جدام اول شي نص متر او متر طابوق بعدين فوقه شبك .. ارتفاع القفص مترين و 20 سانتي ))

ومشكورين ويعطيكم العافيه ^^

[عاشق الكرواان]

يا اخوان محد رد علي

انا جفت فيديوات ف يوتيوب .. ان داخل سلاكه وحده كم من نوع من الطيور
بغيت ردكم ضروري ؟

[عاشق الكرواان]

يعطيكم العافيه

[Abu-AbdAllah]

اهلين اخي
اول شيء الطيور راح تكون بجوارها قفص الحمام انا لا انصح كي تتجنب التلوث والامراض التي تنقلها الحمام ومن ثما تصيب الببغوات
ثاني شيء اذا كنت بتربي الطيور مع بعض يعني بحريه فلا ينصح لان الانواع تتقاتل فيما بينها
من الافضل انك تسوي اقفاص انتاج لكل جوز ولكل نوع قفص محدد ومقاس محدد
ولازم انك تحط في الاعشاش نشارت الخشب
والمكيف ضاروري لطيور لانها ماتتحمل درجت الحراره ولاتنساء تضبط درجت الجوو كي لايكون مرتفع البروده ويسبب المرض لطيور ولايكون درجت الحراره مرتفعه وتسبب بموتها يعني الافضل الاعتدال
وما ذكرت ماهي نوع الطيور كي افيدك في انتاجهااا

موفق....

[عاشق الكرواان]

اخوي خلاص ماراح نربي فيه حمام

بنخلي القسم الاول نفس العصافير الصغاء مثل الزيبرا ويمكن الكناري وهالانواع الصغيره

اما القسم الثاني نفس الدره والكوكتيل وهالانواع


ابي نصايح منكم

مثلا ابي اعرف كم مقاس عش الدره لان ابي اقول حق النجار عشان يسويه لي

ولوسمحت اخوي بغيت صوره لعش الدره

لازم يكون على شكل حرف L وله مب لازم

بغيت الطول + العرض + الارتفاع و كم لازم يكون فتحه الدائره الي يدخل منه الببغاء؟

اتوقع لازم يكون اكبر من فتحه عش الكوكتيل

ومشكور ياخوي على ردك والسموحه طولت بأسألتي ^^

[Abu-AbdAllah]

المقسات الازمه لعش الانتاج الدره 30 ارتفاع - 30 عرض
المقسات الازمه لقفص الانتاج الدره 60 عرض- 80 ارتفاع
من الافضل تجعل كل جوز في قفص لحاله وعش لحاله





لك خالص تحياتي....

[بلاك بيري]

اهلا وسهلا لا ينصح بتكديس الطيور الى جوار بعض لأنه قد تكون هناك نسبه من الخطر قد تتعرض لها الطيور الي مناعتها ضعيفه

بخصوص انواع الطيور لا ينصح بخلط الببغاوات مع العصافير الأخرى لأن الببغاوات لها مناقير قادره على الحاق الأذى بطيور الزينه الأخرى

تحياتي