بعد ان عاش معي السبع سنوات الماضيه؟؟؟؟؟؟؟؟؟

[هدااار]

اول زوج شريته لغرض التفريخ كان قبل سبع سنوات تقريبا <رعد و ترفه > وهوه افريقي هولندي اعمارهم يوم وصلو عندي كان رعد 11 سنه وترفه8 سنوات وانتجو لي سبع سنوات متتاليه وكانو زي العسل صحيح ماكانو الييفين مره بس ماكانو يخافون مني من سسلالتهم عاش 27 طير وكلهم في غاية الذكاء
قبل اسبوع مرض رعد وانا ماكنت موجود العامل يوم شاف رعد مريض اتصل على البيطري وجانا المزرعه قال البيطري المرض بسيط وعادي وهوه بسبب تغيرات الجو واعطاه فتمينات وزيت كبد الحوت عشان فتمين D المهم واصل العامل تقديم الدواء الي كان في اعتقاده انه سليم للرعد ويوم عن يوم كل مال رعد يذبل ويبطل صفير وكلام وعلى جيتي رحت للمزرعه وتفقدت الطيور لقيت بعض الطيور متغير حالها الى الاحسن شكلها فرحانه بالعيد
ورعد ما لاحظته ذاك اليوم واليوم الثاني يوم رحت للمزرعه لقيت رعد قد مات الله يرحمه وللأسف ولا طير من عياله للحين انتجلي اي شي بس شكل نوف و صنهات يحبون بعض ورح يتوالفون عن قريب . :ANSmile06
الله يرحمك يا رعد ويورينا عيال عيالك انشاء الله . حبيتكم تشاركوني معاناة رعد وترو ترفة تستقبل العزا على تلفون المزرعه الثابت لأن ماعندنا حريم يشلون جواااااالات هههههه.وسلامتكم :bdaysmile