شوفووا ببغائي توتي جاب له شريكه صدتها اليوم قبل شوي بس متوحشه ساعدوني .. صور

[تووتـي0510]

السلام عليكم ورحمة الله وبركاتة


قبل شوي مسكتها ههههههه أنا فرحاانه فيه بحارتنا مجموووعة ببغاوات الدره الهندية والنيبالية واليوم حطيت مصيدة فيهاا ببغائي توتي ووبغاء اصاحب اخوي أنثى واول ماطلع النهاار جوو 4 ببغاوات أعتقد كلهم اناث وكنت حاطه مصيدتين جمب بعض وحده صندوق ومسندته على عصى والثانيه القفص نفسه بس الباب مفتوح اما الانثى حق ربع اخوي هذه بقفص ثاني جمبهم .. شو سوى توتي قبل يجون الببغاوات طلع من القفص ووطلع فوقه وقام يناديهم جوو وبعدين اهوو بعد عنهم وجت هالانثى اللي صدتهاا تتبعه واهوو يرووح واهي تتبعه حتى الاناث الباقين قامو يتبعونه واهو طنشهم بس هذه تقبلهاا عادي تقرب منه بس مو كثير انا بصراحه استغربت بالعاده لما اجيب انثى مع ذكر يتضاربوون شوي ويتذابحون بس استغربت انهاا اهي تتبعه المهم كلهم طاروو بقت اهي معنده ماتبي تروح وانا واخوي جالسين نناظر من الشباك نبيهاا تجي تحت الصندوق ونسحب الحبل بس ماجت وبعدين طلعنا انا واخوي وجيناا عندهاا طارت بس مابعدت طلعت السطح ومسك اخوي توتي وحطه بالقفص والباب مفتوح ورحناا ههههههههههههههههه وجت المجنونه ودخلت معه وشفتها مسكينه قبل لا نصيدهاا تدور مويه بصحن المويه اللي بالقفص وسحب اخوي الحبل خخخ بس طاح الصندوق والباب ماتسكر ايش سويناا جيناا لهاا ركض وركض اخوي بسرعه لها وسكر الباب بأيده واهي من خوفهاا وربكتها ماقدرت تطلع .. بس لما جبتها مع الذكر توتي بالقفص قام توتي يهاوشهاا ويعضعضهاا وفصلتهم عن بعض اهو بدون قفص بس فوق القفص واهي داخل القفص ...واخوي قال لي بنقص أجنهاتهاا انا رفضت ..

شو تنصحوني اسوي بخصوص الاجنحه ؟؟؟

وترا اهي متوووحشه وحتى مارضت تثبت بالقفص كله متعلقه بالقفص حتى ماجلست على العصى اللي بالقفص من خوفها ولا شربت مويه ولا أكلت شي ..


شو اسوي معهاا .. تراا انا حاطتها بالغرفه بزاويه ...


وهل أهي فعلا انثى ؟؟؟


وكم عمرهاا تتوقعون ؟؟؟


وهل ببغائي توتي يقدر يتزاواج واهوو بعمر سنه وشوي أو لا ؟؟ والانثى نفسهاا تقدر أو لا ؟؟



ولا تنسون موضوع الاجنحه شو اسوي لها ؟؟

وأهي دره هنديه صح ؟؟


وتراا اهي من قووة توحشهاا اذا بس قربت بشيل القفص تضرب بنفسهاا بالقفص تبي تطلع تضرب بقوه شوي وتكسر نفسها احتى مره علق جناحهاا بالفتحات الصغيره اللي بالقفص وطلع نها شوية دم ..~ْ


وهل شكل صحتها كويسه وألا لا ؟؟

أفيدووني .. وهذه صورهاا . ْ~

[::@عـشـقـي الكـاسـكـو@::]

اول شي هذي اختي

دره باكستانيه

اوك

وبخصوص العمر ما اقدر احدده لك ولا يقدر احد يحده

لك

بس انا اعطيها كشكل

سنه سنه ونصف

اما بخصوص انك تزوجينهم

عادي يعني

بس ترا مافي انتاج لازم اعمار سنتين وزياده

يعني توه دوبه حقك مو بالغ

ونوعها باكستاني

وخليها كم اسبوع وتهدا

وبخصوص الاجنحه ماله داعي تقصينها اصبري عليها شوي

وصحتها كويسه ادامها تتحرك وكل شي

يعني نشيطه

اذا عندك اسأله زياده اكتبيها وارد عليك اول بأول

تحياتي

[اصطيف]

عشقي الكاسكو ما قصر الله يعطيه العافيه

[عشقي البلوفرنتد]

افادك عشقي الكاسكو

[تووتـي0510]

يسلمووووووو


بس ياأخواني أنا قررت أني أطلق صراحهاا من بكره الصباح حراام كسرت خاطري ومتوحشه ولا رضت تاكل ولا شربت حتى مويه مع اني حطيت لها تباع الشمس وحطيت لهاا فاكهه ولا قربت ناحيتهم وكله جالسه بزاوية بالقفص ماتتحرك ألا اذا قربت منها وكله تكسر اجنحتهاا بالقفص خفت تموت لانها كله عايشه بالبريه مو متعوده على الاسر فقلت أجيب لي فرخ أربيه ولا اجيب ببغاء كبيره أبطيرهاا بكراا ترووح حره تعيش مثل ماكانت عايشه قبل ..~ْ


تحياتي لكم

[عبدالعزيز14]

اطليقها وخليها

[الطائرر]

اختي قبل لا تطلقيه رجعيها محل ما لقيتها اذا شفتين المجموعة رجعت اطلقها معاهم

[بلاك بيري]

كلامك عين العقل والصواب فلا يوجد اجمل من الببغاء حر وطليق بالطبيعه

موفقه بكل خير

[تووتـي0510]

أطلقت صراحهاا طيرتهاا وطاااااارت في السماا ومن فرحتهاا قامت تصارخ وتدوور حول المكان وكان منظرهاا جداا جداا حلووو وأهي تطير وبعدين أتجهت بالتجاه الحديقة وانا فرحت وحسيت براااااااااااحه كبييييره

[ٌابوعمر]

^^
الي سويتيه عين العقل وانا من اول ماقريت الموضوع كنت بقولك اطلقيها حرام مسكينه عايشه برا طول عمرها ماتقدر تعيش بقفص ! خصوصا ان عمرها ماهو صغير زين الي سويتيه