رد: كيف اعتني بقطتي -عمرها شهر-؟؟؟
وعليكم السلام ورحمه الله
1 - الاكلات الى ممكن تاكلها زى البيض المسلوق ، الدجاج المسلوق وممكن تحطى معاه خضار ،
سيريلاك بالارز او القمح ، سمك مسلوق او مشوى ، جبنه مثلثات ، دراى فود للكيتن
واكلات كتير هتلاقيها فى القسم
2 - الكيتن بيجوعوا بسرعه خصوصا ان قطتك عمرها شهر يعنى مفروض تكون بترضع اصلا
ممكن ترفض الاكل هتحطى حته صغيره من الاكل على صباعك وهتدوقيها ليها براحه عشان تستطعمه
3 - ايوة خلى قدامها المايه على طول بس تغيريها كل يوم
4 - لا ممنوع الاستحمام دلوقى خالص لحد مايتم عمرها 3 شهور بعد كدة تقدرى تحميها مره واحدة فى الشهر وتستخدمى الدراى كلين
5 - التطعيم لما تتم 3 شهور
6 - هى هتنام لوحدها
7 - لا مفيش رياضه
8 - ممنوع تشرب لبن لو عايزة تشربيها لبن يكون خاص بالكيتن او لبن اطفال خالى من الاكتوز
ممنوع تحطى على الاكل زيوت او ملح او توابل او بصل او توم او طماطم
9 - الكيتن مش بيروحو الليتر بوكس كتير يعنى مرة او مرتين تقريبا
10 - اعملى ليها عمود خدش بس ممنوع تقصى اظافرها دلوقتى خالص
11 - لا متعقبهاش دلوقتى هى صغيره اوى على العقاب
وخلى بالك هى دلوقتى محتاجه حنان كتيرررررررر يعنى حسسيها بالامان والحب
وربنا يخليهالك
|