رد: شروط ادخال الطيور للسعوديه
ابو عمر السلام عليكم
ما اعتقد ان الموضوع بهذي السهوله خاصه انه عندنا بالسعوديه طلع حذر استيراد وإدخال الطيور الحيه من ايام إنفلونزا الطيور من الخارج وناموووو على هذا القرار ولا اتوقع يسمحون قبل خمسين سنه قادمه وكذا دبلت اسعار الطيور بشكل جنوني وودي اعرف المستفيد من هذا القرار
عندي مبتعثين في امريكا وموظفين كل شهر رايح جاي من امريكا وحتى من امريكا الشماليه الواقعه على حوض الامازون مثل البرازيل والأرجنتين
وادخل المواقع وشف الأسعار كم مثل اليلو ناب والدبل هيد ما تتعدا 500 دولار من مزارع الانتاج
وخليك من الانواع المحذوره مثل بعض انواع المكاو أوكيه ممنوع تداول بيعها ونقلها لكن كل ما ينتج في المزارع ما فيه مشكله فيها سواء بشكل خاص وشخصي مثل اللي كنت ابسوي كل شهر اجيب لي طيرين او ثلاثه بااسماء المسافرين
او حتى بالاستيراد بسجل تجاري
فأ انت ابحث وتأكد لا تتوهق مع العالم هذي عند الدخول فتكون مضطر انك تدخل طيورك مثلجه وعلى قدر الكاتم على طوووول
موفق خير اسأل المطار اول قسم الشحن بعدين اسأل وزارة الزراعه وهنا الموت تموت انت والطير في المنفذ ما جاك احد يفحص الطير ويعطي شهاده بدخوله للسعوديه
وفي الاخير اقول لك اخوي ابو عمر الموضوع فيه حلقه مفقوده يوجد من هو مستفيد من هذا الوضع والتعقيد لانه هو يقدر يدخل الطيور بشكل سريع ويكسب بشكل جنوني
تخيل ابو عمر اجيب دفعه يلو ناب 50000 ريال وقيمه الواحد ما تتعداء 2500 ريال يعني 20 طير وأبيع من 10000 يعني 200000 ريال مكسب 300% وكل شهرين اجيب دفعه زي كذا كان ابتصل عليك يا ابو عمر وأقول لك تبي سلف من زود الدراهم ههههههههههههه
الله يوفق الجميع
|