سؤال مهم جدا لخبراء القطط الشيرازي

[مدمنة قطط]

السلام عليكم

اول شئ اهنيكم على هالقسم الجد ممتاز وانا ضيفه جديده ارجو ان تقبلوني بينكم


ثاني شئ عندي كم سؤال ارجو ان لاتهملو اسئلتي المهمه جدا بالنسبه لي:

1)قطتي نوعها شيرازيه امريكيه عمرها سنه وشوي ياحليلها توها نونو هههههههه بس مشكلتها فالاكل ابيها تاكل رز لاني قريت انه مهم جدا للقطط بس للاسف ماتاكله ابد ولا تاكل شئ الا (كيتيكات)تموت فيه فالاول كانت تاكل تبع العلب (الدجاج الشهي) ويوم ذاقت كيتيكات ماعاد تبي شئ الاهو كيف اخليها تاكل الرز واكلها الاول تبع الدجاج مع العلم انها تكون جوعانه جدا ونحفت واذا ماعطيتيها كيتيكات ماتاكل شئ ودكتورها يقول انه مو مفيد للقطط ابد هي تبغاه اكلها على طول يعني ماتبغى تغيره.هل فيه شئ يفتح شهيتها جدا عشان تصير تاكل اي اكل اعطيها اياه؟

2)شعرها مررره يتساقط ودكتورها كشف عليها ماحصل عندها شئ يقول ماندري شنو سببه مع العلم اني غيرت لها كذا مرة الشامبو تبعها ولا فيه فايده وذكتورها يقول لازم تمشطيها يوميا بس المشكله كل ماامشطها يصير مشطها مليان كثيييييير بالشعر هل هذا شئ عادي؟هل اقدر اقص لها شعرها ويطول مره ثانيه؟هل اقدر احط لها زيوت للشعر من لي احط انا على على شعري؟ام فيه دوا للتساقط خاص

3)في فترة التزاوج تكسر خاطري هل فيه ادويه تهديها فهالفتره بالذات؟علما باني شريتها من راعيها وكانت قد خلفت عنده مره وحده بس ولا تهنت بهم المسيكينه لانه باعهم بعد كذا شهر من ولادتها وانا ماابغاها تحمل هالحين .يعني بعدين واشتري لها ذكر

3) هل اقدر بعدين اشتري لها ذكر من نوع مختلف عن نوعها بحيش يكونو عيالها شكلهم خليط من نوعها ونوع ابوهم؟

4)بالنسبه للاظافر احنا نوديها كل مره تقصصهم عند الدكتور بس يطولو بسرعه وانا قريت ان فيه عملية نزع الاظافر لهم هل هي مؤلمه؟وهل ماعاد تطول لها اظافرهابعدكذا؟وهل هالعمليه صحيه ام لا؟مع اني اشوف انهم لازم تكون عندهم اظافر .اخاف المسيكينه تتظايق بدون اظافروتجيها حالة اكتئاب .

5)كم درجة حرارة الجسم الطبيعيه عند القطط؟

اسفه على الاطاله بس ارجوكم تجاوبوني على اسئلتي يارب يخلي لكم قطيواتكم ولا يحرمكم منهم يارب

[Dominique]

والله قلبج متروس

لووووووووووووووووول

اولا ياهلا ومرحبا فيج بيننا

وعن قريب انتي بتفيدين غيرج انشالله

بالنسبة لاسئلتج بجاوب بعضها وبخلي الباقي للي عندهم خبرة اكثر من خبرتي

بالنسبة للأكل

اذا ماتاكل الرز

اطبخيه بعدين اطحنيه بالخلاط تبع العصر العادي ( مولينيكس)

واخلطي منه مع المعلب اللي تحبه

لاتخلينها تعتمد على الدراي فود كثير

صحيح بيسمنها بس مو على طول مفيد

لازم شي يلين بطنها

لأن الدراي فود ينشف البطن فيسبب امساك

والرز بعد يسببامساك

فلا تكثرين منه - يعني قصدي مب يوميا

بالنسبة لتساقط الشعر

عطيها فيتامين ب ويكون اسمه اعتقد جلوكوز يكون بودرة بيضا

اخلطي منه مقدار ملعقة شاي مع الاكل ومع الوقت بتشوفين التساقط خف كثير

هالطريقة اتبعها مع دمدم بس لي فترة تركتها وبرجعلها مرة ثانية

بالنسبة لعملية الاظافر

مامنها خوف ابد

ودي اسويها لدمدم بس اتكيسل اروح واسويها

بعدين دمدم توه بفترة نقاهة من مرض صابه وخايفة عليه من اي الم او بنج

بعدين خلاص تعودنا على اظافره

والمشكلة حاليا مع امي خرب اثاث البيت كله

اذا سويتي العملية الاظافر معاد تطلع اصلا علشان تطول

يكون خلاص ماكو اظافر

وباقي الاسئلة انشالله نعطي فرصة للاعضاء يشاركونج خبراتهم

ميرسي
.
.
.

http://cards.funnystories.ru/288100

[مدمنة قطط]

السلام عليكم

شكرا جزيلا اختنا الغاليه (دومينيك)على هالمعلومات المفيده جدا جدا يارب يخلي لك( دمدم)وحمدلله على سلامته

ان شاء الله اصير افيد غيري مع اني من وانا صغيره وانا اربيهم بس لي كانو عندي وعددهم 12كانو ياكلون اكل البيت فقط يعني ماكنت اشتري لهم الاكل الخاص حقهم بس (نانسي)بهذلتني ودلوعه كثييييير يارب يحفظها لي ويحفظ لكم قطيواتكم وحيواناتكم ويحفظكم انتم لهم اول شئ.

في انتظار ردود الخبراء وباقي الاعضاء في اقرب وقت

وشكرا اختكم في الله

[مدمنة قطط]

وينكم؟مافيه الا الاخت دومينيك بس؟؟ على العموم شكرا <<<<<<<<<<<<زعلت

[dr_mido]

الله لايجيب الزعل خيتو اصبري لاتستعجلي على رزقك لو كانت افهم في القطط كان افتك

[مدمنة قطط]

يسلمو ذكتور ميدو بس انا موانا اللي مستعجله هي نانسي اللي مبهدلتني كل شوي تقول ماما ماما شوفي يمكن الاخوان ردو على التساؤلات ولا اذا كان علي عادي اصبر <<<<<<حست انها مستعجله وتدورلنفسها عذر


شكرا اخوي ذكتورميدو يلا يلا تقول نانسي وينكم ياقطيوات ماترودون <<<قصدها قطيواتكم