يا اهل الخبره اتمنى المساعده

[كاسكو فل كامل]

السلام عليكم ورحمة الله وبركاته

اخواني انا شريت لي كاسكو قبل حوالي شهر وابي اسألكم عن امور واتمنى واحد له خبره يرد علي ويتحمل كثرة اسئلتي


اول شي الكاسكو اللي شريته عيونه فيها صفار بسيط ويوم سالته قالي هذا عمره من 8 الى 10 اشهر ولكن هذا زنجباري كذا تجي عيونه والله خليته بذمته هل كلامه صحيح او لا


ثاني شي خليته يروضه عنده قالي بعد اسبوع تاخذه وفعلا اخذته بعد اسبوع وهو يجعر ويعض ولكن نسبيا يطلع على يدي واوقات ياكل من يدي ولكن يجعر ويعض

المهم خليته حوالي اسبوعين عند اخوي وانا سافرت واخوي ماطلعه من القفص ابد لمده اسبوعين يحط له اكل وبس مويه + حب شمسي وفول ويوم اخذته من عنده الا وهو متوحش تقول اسد مو ببغاء ههههههههه صار يخاف بقوه من اي حركه ومافيه امل يطلع على يدي ويعض عض مو بصاحي مو زي اول !!!!!

وكان اول يطلع فوق الاستاند وعادي نمر من جنبه ما يطير الحين من اي حركه لو على بعد عشره امتار يطير ويجعر ويسوي زحمه الصراحه ارتفع ضغطي منه وفكرت امصع راسه ههههههههه

المهم انا احاول اخليه الحين اكثر وقته فوق الاستاند واحط له اكل ومويه ومعطيه جوه


فيه امل يرجع يضبط ولا وش وضعه ابيعه لا اطبخه الصراحه انتهى صبري اتمنى احد يعطيني طريقه ويعلمني اخوكم عليمي جديد اول مره اربي ببغاء كنت راعي حمام بس


وفيه ملاحظه قريت ان الكاسكو يحب الفواكه حطيت له فواكه ما اكلها الين خربت مع اني مهتم بقفصه واموره كلها


اسف ع الاطاله اتمنى احد فاهم فيها يتحمل موضوعي ويرد علي

تحياتي لكم

[silver.spook]

اولا مو معقوله عيون صفر يكون عمره بين 8 الى 10 اشهرر هذا فوق ال سنه و نص ابو عيون شوي صفار

ثاني شيئ ما تقدر تروضه في خلال اسبوع بشكل جيد صح يتعلم خفيف مثل الي قلته يطلع على اليد

ثالثا مثل الي سار معي قبل الحج شريت كاسكو و كان ما يجعر ابداً ما اسمع جعير بس يصفر تصفيرات موعه

سافرت اليوم الي بعده و رجعتله بعد اسبوعين مثل الي قلته اسد تعرف ليش لانو مافي احد يلعب معاه بس

محبوس في القفص و اكل و شرب و يخاف من اي واحد يمر من عنده

لاكن ذحين مروضه بس رضه يجعر شويا طلع على اليد و احك راسه و يبوس اصباعي

و هذا امل انه رجع الطريقة انك تقص جناحه اذا مو مقصوص او لا تقص خرجه من القفص على الاستاند او خارج القفص المهم اسبوع واحد كل يوم تعال عنده و حك راسه طبعاً بيجعر و يحاول يعض انت راوغه بيدين و المهم تلمسه و بعدها احطيه حبة فول سوداني ياكله و مرره ثانيه تقريباً سويها في اليوم من 3 الى 5

لمدة اسبوع او اقل خلاص كل ما تقرب جمبه ما يجعر كثير و تحك راسه ما يخاف كثير و حاول تطلعه على يدك

و في طريقة ثاني بالمنشفه كفته و بقي راسه و اشغل حك الين ما يبدأ يسترخي تلقى عيونه نقفل على خفيف و تفتح كل يوم الين يسير شيئ عايدي بدون منشفه

و بإذن الله في ماجل يرجع زي اول و اي شيئ يسويه غلط بعد ما يتروض حاول تعطيه ضربه خفيفه في منقاره بصباعك عشان يعرف انه غلط مثلاً بيعض اعطيه ضربه و كرر الين ما يعض و احرمه من الاكل الي يحبه مثل الفول السوداني...

[فيوزي]

الطير عمره اكثر من 10 شهور
انا عندي ببغاء عنيد روضته وشلت الجغر والمس على جسمه ويطلع على اليد في اسبوع ماشاء الله
روضته بي المنشفه الفه بي منشفه واخلي راسه وابدا بحك راسه مده نص ساعه الى ساعه وثاني يوم بدون منشفه وثالث يوم يطلع على يدي بس يخاف وامسح على جسمه والايام الباقيه مع الحك على الراس والجسم راحت الجغره والحين ماشاء الله تبارك الرحمن
على فكره ببغاء غيني

[كاسكو فل كامل]

يعطيكم الف عافيه الرجال بدا يطلع على يدي ولكن خايف ومن يوم يشوف له درب يطير ههههههههههه ماخذني على قد عقلي !!!!!

ومافيه امل المس غير منقاره اما غيرها يعض على طول

بجرب سالفه المنشفه وان شاء الله يضبط بكره انا وياه لحالنا في البيت وبحشر امه الين يقر ويعقل

[فيوزي]

الحمدالله انه طلع على يدك الله يخليه لك
وهذه عدة طرق لي تعليم الببغاء الحك
http://www.youtube.com/watch?v=ctmBY-MBmgA

http://www.youtube.com/watch?v=kjod-G3XElY

http://www.youtube.com/watch?v=THN6ZjtYV38

http://www.youtube.com/watch?v=PYk75Y8U9gU

http://www.youtube.com/watch?v=upJsHMQ61xA

وشكرا
ان شاء الله افدتك انت شوف طريقه تناسبك وجربها
وفي طريقه انك تضع يد امام البغغاء ويد خلف الببغاء وابدا امسح على راسه
لما يلف راسه يبي يعض حرك ايدك الي قدامه وراح يطل لي قدام وانت امسح على راسه
وان شاء الله يتقبل معك
عندك اي سؤال قول
تقبل مروري

[kha6ab]

اول شي الكاسكو اللي شريته عيونه فيها صفار بسيط ويوم سالته قالي هذا عمره من 8 الى 10 اشهر ولكن هذا زنجباري كذا تجي عيونه والله خليته بذمته هل كلامه صحيح او لا

لالا مستحيل يكون عمرهـ 8 - 10 شهور ...
في هالعمر .. تكون العين رماااديه

وياليت تنزل صورهـ لعينه عشان نتاكد

ثاني شي خليته يروضه عنده قالي بعد اسبوع تاخذه وفعلا اخذته بعد اسبوع وهو يجعر ويعض ولكن نسبيا يطلع على يدي واوقات ياكل من يدي ولكن يجعر ويعض

مادام انه نصبك عالعمر .. اكيد بينصبك ويقلك بروضه لك هههههههه

المهم خليته حوالي اسبوعين عند اخوي وانا سافرت واخوي ماطلعه من القفص ابد لمده اسبوعين يحط له اكل وبس مويه + حب شمسي وفول ويوم اخذته من عنده الا وهو متوحش تقول اسد مو ببغاء ههههههههه صار يخاف بقوه من اي حركه ومافيه امل يطلع على يدي ويعض عض مو بصاحي مو زي اول !!!!!

اذا انت راعي سفريات وطلعات .. ما انصحك تربي ببغاوات
لان يباله اهتمام .. واذا غبت عنه بيرجع شرس !! هذا اذا ماجاتله حاله نفسيه وقام ينتف ريشه !

وكان اول يطلع فوق الاستاند وعادي نمر من جنبه ما يطير الحين من اي حركه لو على بعد عشره امتار يطير ويجعر ويسوي زحمه الصراحه ارتفع ضغطي منه وفكرت امصع راسه ههههههههه

المهم انا احاول اخليه الحين اكثر وقته فوق الاستاند واحط له اكل ومويه ومعطيه جوه


فيه امل يرجع يضبط ولا وش وضعه ابيعه لا اطبخه الصراحه انتهى صبري اتمنى احد يعطيني طريقه ويعلمني اخوكم عليمي جديد اول مره اربي ببغاء كنت راعي حمام بس

اكيد في امل انه يرجع ...بس اصبر ..
لكن مثل ماقلت لك اذا انت راعي سفريات .. ماينفع تضيع وقتك ]:

عالعمـــوم
الترويض يباله صبر ..

انا اعلمك افضل طريقه ..
اول اسبوع خلي القفص جنبك يعني نص متر ..<اذا انت قاعد عالجهاز ولا قاعد عند التلفزيون
ولا تتحرك قدامه حركات سريعه ومفاجأه ... ولا تحطه بمكان مزعج او في بزارين

والاسبوع الثاني طلعه عالاستاند .. وخليه جنبك < نفس الكلام
ومع الوقت بيترك التجعير ومايصير يخاف منك
بس انت لاتنوشه وتقعد تخوفه ولا تأشرله بيدك
لين يعتاد عليك
وبعدين ابدا تطلعه بيدك وهكذا
حبه حبه

وفيه ملاحظه قريت ان الكاسكو يحب الفواكه حطيت له فواكه ما اكلها الين خربت مع اني مهتم بقفصه واموره كلها

لانه مو متعود عليه .. ممكن مع الوقت يعتاد
وانتبه من البذور لا ياكلها

[كاسكو فل كامل]

السلام عليكم اولا الله يعطيكم العافيه ع الردود مشكورين وماقصرتوا

ثانيا انا سويت حركة المنشفه مشكلته عليه عض مو صاحي يعني من اي حركه على طول يعض وعض عض مو اي كلام قطع ايديني

خواف لدرجه ماتنوصف اطلعه ع الاستاند يطلع علي ايدي ولكن اي حركه يطير وغير كذا اذا كان فوق الاستاند او وسط القفص من اي حركه يخاف ويتسلق الشبك ما لقيت منه اي تجاوب مع اني احاول اعطيه فواكه بيدي يقطعها ويطشها في الارض