اسئلة عن الجاوا

[adam12a12]

المهم اني ابي اعرف كيف ادرب الجاوا حقي عشان يجي ليدي اذا صفرت له

ثاني شي الجاوا حقي ما يرضى يجي في صبعي واذا غصبته يعض

[adam12a12]

عندي شي ثاني

ان الطائر مريض لانه يحرك ذيله وهو يتنفس ويصدر صوت وهو يتنفس

ابي اعرف كيفية العلاج بسررررررررررررررررررررعة

[ميجر]

أخوي ...

اسمحلي بس هاذي وجهة نظري

أنا عمري ما شفت جاوا يدربونه يوقف عاليد .. إييه والله .. أنا شفت كاسكو , كوكاتيل , طيور حب , كناري , امازون , ....إلخ

حسب معرفتي الجاوا يبقى بقفصه كطير زينه او ما شابه


ثانيا الطير مو مريض... هذا شي طبيعي .. ؛)

[adam12a12]

يا ميجر اذا انا اللي ما عندي خبره بالطيور دربت الجاوا حقي

وتقول ما يتربى

زين عطني طريقة التعليم لاقرب طائر له من حيث الفصيلة عشان اجربها عليه يمكن تنجح

وثاني شي انا شفت في منتدى اخر مثل تو زوو في موضوع يقول فيه ان هذا اعراض مرض للجاوا

عالعموم انت بس عطني كيفية التدريب وخل المرض علي انا بروح لطبيب بيطري

[ميجر]

أخوي .. هاي الطريقه جربتها مع بلابل

ارجوك لا تياس و تمتع بالصبر فانه اساسي في التعليم عموما
كنت اود لو كان الطائر اصغر قليلا ( شهر الى شهر و نصف ) يكون تدريبه اسهل و يا ليته كان مفرخ عندك كمان افضل
1- ضعه معك في الحجرة التي تتواجد بها اكثر الوقت وبعيدا عن اي جاوا آخر
2- تحدث اليه بصوت هاديء و عن قرب وهو في القفص
3- كلما وضعت له اكل جديد و خاصة بعد ان تنفذ الحبوب تكلم معه و انت تضع الحبوب
4- تحدث بالطريقة التي يتحدث بها الناس عادة مع طفل صغير جدا ، الكلام بنغمة ، و الكلمات تتكرر
5- ادخل يدك في القفص و اذا فزع و ابتعد ، ثبتها في مكانها داخل القفص و انت مستمر في الكلام معه
6- بعد ان يهدا قرب يدك من بطنه ببطء و لا ترفعها فوقه ابدا و لا من خلفه و لا تحركها بسرعة
7- كرر المحاولات مرات و مرات بصبر و انت تكلمه دائما و لا تتعجل او تفقد صبرك
8- اذا وقف على يدك ثبتها و لا تحركها و لا تحاول اخراجه من قفصه الآن
9- كرر هذا الدرس مرتين او ثلاثة يوميا و لمدة ربع ساعة و خاصة في الصباح
10- لا تحاول مسك الطائر ابدا تحت اي ظرف فهذا ما يفقده الثقة
11- بعد أيام راح يوقف على إيدك و تطلعه من القفص
12- عندما تضعه على يدك و هو خارج القفص حاول تمسحه على رأسه بطريقه هادئه و ليست سريعه لتفزعه
13- أكله كورن فليكس مطحون
14- بعد اسبوع تقريبا سترى الطائر يثق بك و لكن لا تنخدع تخرجه خارج البيت .. لأنه ما إن يرى الحريه لن يعرفك حتى و لو كان ريش جناحه مقصوص لأنه طائر خفيف و سيحلق من بيت الى بيت
15- الذكور أكثر ميول للتدريب من الإناث

تقبل مروري

ميجر

[adam12a12]

ايوه

ذي المشكلة في رقم 6

انه مايجي في اليد يخاف منها بس لو قربت المعصم (اللي تحط فيه الساعة) منه رح يجي بكل سهوله

ابي اعرف شي ثاني ......... اذا حاولت اطلعه من القفص يصير خواف بس اذا فتحت القفص يعني شلت الشبك عن الصينية اللي تحت يطلع ويرجع اليف

[ميجر]

هذا شي طبيعي ... حتى مع البشر

تخيل نفسك في غرفه مقفله ... عندك صينية مندي و صينية بيبسي على سبيل المثال

و فجأه سمعت أحد يكلمك بلغه غير مفهومه و دخلت إييد كبييره من الباب ... طبعا راح تخاف لأنك تتوقع المجهوول

.... أما إذا جدران الغرفه طاحت و شفت العالم اللي حولك ما راح تخاف و راح تزيد ثقتك باللي يكلمك

أنا أقولك دربه و هو في القفص أحسن عشان ما يتعود عالحريه و القفص مفتوح

ميجر

[adam12a12]

انا الحين غصبته انه يوقف في الصبع وقام يوقف شوي انا بحاول معاه الين ما يتعود عالعموم شكرا ميجر

[adam12a12]

سؤال اخر يا ميجر معليش طولت عليك

تغيير الريش هل فيه موسم محدد لكل الطيور او عشوائي

لان اخوي عنده انثى جاوا وانا الذكر وقامت الانثى تطيح الريش وبعد اسبوع بدأ الذكر حقي يطيح الريش

[moad17]

ٌُاخي موسم القلش يعتمد على درجة الحراره عندكم ًٍُ

ًٍويختلف من منطقه الى منطقه ًٍَ

ًٍولاكن الذي اعرفه انا انهو قبل بدايت موسم التكاثرٍََ

ًٍبتوفيق ان شاء اللهًَِ