كاسكو جديد

[Lovely Dream]

السلام عليكم ورحمة الله وبركاته

كل عام وانتم بالف خير

يعطيكم العافيه حبايبي أنا من فترة طويله كنت ناوي اني اشتري كاسكو وكل مره اجل الموضوع لكن أنا مقرر هذه المره ان شاء الله اني اشتري

فهل تنصحوني في امور قبل الشراء ؟

يعني الان حنا داخلين في فصل الشتاء هل الوقت مناسب لمتلاك الكاسكو؟

هل يفضل اني أخذه في سن معين ؟

وباقي الامور اللي تساعدوني فيها

اتمنى مساعدتكم ، ويعطيكم الف عافيه مقدما

[واافي]

اول شي اخوي احسن عمر اعتقد بين شهر و ٣ شهور وبالنسبه للشتاء اذا بتاخذه فرخ اتوقع افضل تاخذه في الصيف او اذا بدا الجو يدفى واذا بتاخذه كبير لا عادي وانا انصحك بالفرخ تدريبه اسهل وإنشاء الله الاخوان بيفيدونك اكثر مني واهم شي الصحه بالتوفيق

[الكاكي]

هذا الوقت تكثر فيه الفروخ اختار فرخ مابين 6-9 شهور صيد (غير محجل )
امن له الجو الدافي والطعام المنوع وماعليه الا العافيه

[old-alkasiko]

المشاركة الأصلية كتبت بواسطة واافي

اول شي اخوي احسن عمر اعتقد بين شهر و ٣ شهور وبالنسبه للشتاء اذا بتاخذه فرخ اتوقع افضل تاخذه في الصيف او اذا بدا الجو يدفى واذا بتاخذه كبير لا عادي وانا انصحك بالفرخ تدريبه اسهل وإنشاء الله الاخوان بيفيدونك اكثر مني واهم شي الصحه بالتوفيق

أخوي أنا ما أوافقك من ناحية العمر الي حطيته، في هذا العمر يحتاج الطير الى عناية شديدة وخبرة سابقة ، فأنا أنصح أخوي ياخد من عمر. 9-6 شهور فهذا العمر المناسب للتوليف وتلقين الكلام ..

[Lovely Dream]

المشاركة الأصلية كتبت بواسطة واافي

اول شي اخوي احسن عمر اعتقد بين شهر و 3 شهور وبالنسبه للشتاء اذا بتاخذه فرخ اتوقع افضل تاخذه في الصيف او اذا بدا الجو يدفى واذا بتاخذه كبير لا عادي وانا انصحك بالفرخ تدريبه اسهل وإنشاء الله الاخوان بيفيدونك اكثر مني واهم شي الصحه بالتوفيق

يعطيك العافيه ماقصرت

لكن كثير نصحوني عكس نصيحتك قالو لي انه بهالعمر صعب توليفه

[Lovely Dream]

المشاركة الأصلية كتبت بواسطة الكاكي

هذا الوقت تكثر فيه الفروخ اختار فرخ مابين 6-9 شهور صيد (غير محجل )
امن له الجو الدافي والطعام المنوع وماعليه الا العافيه

معليش اخوي كيف يعني غير محجل ممكن توضح لي

لاهنت

[Lovely Dream]

المشاركة الأصلية كتبت بواسطة old-alkasiko

أخوي أنا ما أوافقك من ناحية العمر الي حطيته، في هذا العمر يحتاج الطير الى عناية شديدة وخبرة سابقة ، فأنا أنصح أخوي ياخد من عمر. 9-6 شهور فهذا العمر المناسب للتوليف وتلقين الكلام ..

ماقصرت كل الشكر لك

[Lovely Dream]

يعطيكم العافيه شباب ماقصرتو

أنا حصلت ثنين واحد عمره سنه لكن مايتكلم والليف يعني عادي اقدر أطلعه من القفص

الثاني يتكلم عنده ثمان كلمات وعمره سنه وثلاث شهور لكن يخاف اذا حد قرب منه ولا اقدر أطلعه من القفص

تنصحوني في واحد منهم ولا اصرف النظر عنهم؟

اذا حد عنده خبره اكثر يفيدني ولا يهينون الشباب اللي ساعدوني

[Luck]

والله انا اقول خذلك الثاني ما دام يتكلم و مسألة الخوف بتنحل بعدين مع مرور الوقت و يتولف بسهوله مادام هو مو كبير كثير .
الأعضاء بيفدونك اكثر

[الكاكي]

الافريقي هناك محجل (خاتم في رجله ) يكون تفريخ مزارع واليف لكن مناعته ضعيفه جدا .
وهناك من الغابه غيرمحجل وغير اليف يحتاج الى ترويض ومناعته جيده (الافضل)