بخااخ للكاسكو .. جيد جدا الصراحه ..

[3mary]

السلام عليكم ..
في الآونه الاخيره حسيت ان الكاسكو اللى عندي وايد يتحكك .. كل ما اروح وارد اشوفه يتحكك .. في اول الامر تجاهلت الموضوع وبعدين قمت اوسوس ..

فرح للصيدليه البيطريه المختصه بالطيور وشكيت له الحال قال طبيعي انه يتحكك عادي بس عشان تتطمأن عطاني بخاخ قالي اول 3 ايام حطه كل شوي عليه وبعدين كل كذا يوم مره .. وهذا مفيد حيث انه يقتل الحشرات واي شي يسبب الحكه وقالي اذا خليته يتحكك وايد وكان فيه شي بيبدأ ينتف ريشه من صدره وهكذا ..

بيني وبينكم استخدمت البخاخ والحمد لله ما عاد يتحكك مثل قبل .. فقلت بقول لكم عنه اذا تحبون تجربونه .. وسعره ما اذكره بالضبط يا 35 او 45 درهم .. واسمه ..

AVITROL Bird Mite & Sprayوهذي صورته ..


وشي المهم جدا ..

ان لازم قبل لا ترش عليه الدواء تشيل كل الاكل والماء الموجود والافضل لو تشيل الصحنمال الاكل والماء بعد احتياطا .. وبعدين ترش على الطير كامل مع تجنب الرش على العين والانف والمنقار ..
والا سيتسمم الطير ..
المشكله انا اول يومين ما كنت اشيل الاكل بس الحمد لله جت سليمه وما صار فيه شي .. بعدين قريت العلبه وانصدمت .. بس يالله الحمد لله جت سليمه