عندى مشكلة رهيبة فى قضاء الحاجة للكلبة الى عندى

[Coupooo]

السلام عليكم

انا عندى كلبة مالتيز Maltese عندها دلوقتى 4 شهور و نص

من حوالى 5 ايام كنت مسافر المصيف و اخدتها معايا و كانت كويسة جدا و بتلعب و كل حاجة لحد لما جت مرة نطت على رجل اخويا و قامت عاملاها عليه (بول).

بصراحة انا اتجننت و اتعصبت جدا و ضربتها جامد جدا عشان انا اعرف ان الكلاب مستحيل تعمل كدة

و فضلت ماشية وراية ... زى متكون عايزة تصالحنى

المهم ... بعدها بحوالى ربع ساعة راحت فى جنب و قامت عاملاها تانى فى الارض (براز)

و بصراحة ضربتها تانى و رميتها برا الشاليه عشان تعرف ان ده غلط

الجميل فى الموضوع انها معدتش تعمل كدة فى الشاليه خالص خالص و بتمسك نفسها لحد لما حد يخرجها من الشاليه او نقولها امشى و تروح تقضى حاجتها و ترجع تانى

بس كنت حاسس دائما انها مش بتتعامل معايا زى الأول ( بتتعامل معايا بحرص و ده مزعلنى )

امبارح لما رجعت حطيتها فى البيت و حطيت لها طبق فيه رمل عشان تعمل فيه ... اول مرة عملتها جنب الطبق . فدخلت وبختها بهدوء ( مردتش اضربها ) و شممتها الرمل و مسحت الأرف ده

النهارده الصبح صحيت ملقيتهاش عاملة اى حاجة خالص بس بمجرد مخرجت من الغرفة قامت عاملاها على السجاد ... تمالكت اعصابى و زعقت فيها جامت و شممتها الى هى عملته و وريتها الرمل و كدة و سيبتها فى غلافتها و نزلت

دلوقتى بقى انا مستنى المفاجأءة الى هلاقيها لما ارجع

معلش طولت عليكم اوى ... بس ياريت حد يفهمنى ليه ده بيحصل و لو انا غلطان اعمل ايه و ازاى ارجعها تتعامل معايا زى الأول من غير الحرص بتاعها ده ؟؟؟؟ و ازالى افهمها انى عايزها تقضى حاجتها فى طبق الرمل