عندي سؤال بخصوص الجيرمن شبرد

[بحريني رومنسي]

انه عندي جيرمن شبرد عمره شهرين واسبوع ونص
بس الله يسلمكم اذاينه ليحين ماوقفو يعني وقفو بس مو وايد يعني من تحت منتصبين اما من فوق طايحين على تحت
بس ابيكم تقلون لي شنو الاكل اللي اعطيه علشان تساعدهم على الانتصاب بسرعه
انه قالولي اعطيه بيض بس بيض مطبوخ او لا !!

وبس
وتحياتي العنيفه لكم وسلملمــــــــ،،،

[khaled_777]

في حاجتين ممكن تعطيه اياه ويساعد على تغذيته وبناء عضامه وتسرع في وقوف الاذان:

الاول : ممكن تعطيه روب الى هو الزبادي.

الثاني:صح ممكن تعطيه البيض بس يكون مسلوق ومع قشره افضل.

وهذا على قد معرفتي....ولك تحياتي.

[بحريني رومنسي]

مشكور اخوي خالد على الرد
وتحياتي العنيفه لك وسلملمــــــــــــ،،،

[عاشق الروت]

اخوي على حد علمي انه توه صغير تبي توقف اذن واذن منتصبه ومره العكس ومره كلها نازله

وانت وش معجلك اخوي انتظر شهرين بعدين شوف

[pitbull-lover]

بسم الله الرحمن الرحيم

انا اتفق مع كلام الاخ خالد في انك تعطيه روب او زبادي عشان تساعد على انتصاب الاذنين و لكن قصة البيض انه يكون مسلوق انا اول مره اسمع فيها و لكن اخوي طريقه متبعه من احد الاصدقاء و نجحة معاه كان اخوي يخط للكلب بيض نيئ مع حليب في الصباح و في المساء كان يحط لهم زبادي ... هذا الي كنت اشوفه و انشاء الله تنفع معاك ...

تقبل مني اجمل التحيات مع تمنياتي لك بالتوفيق ...

[مبارك]

السلام عليكم

اخوي هذا الكلب عمره صغير ويبيله بعد على ماتوقف اذنه واذا تبيها توقف بسرعه عطه كالسيوم اشترله من البيطره وحطه مع الاكل والكالسيوم هم زين حقه في هالعمر بس لاتكثرله على الوصفه تقريبا بالشهر 5 ايام

[hamza maroc pitbull]

اخي كلبك لا زال صغير حتى اربعة اشهر وما فوق كلاب الجيرمن لا تحتاج الى مساعدة لتقف الاذن سوى ان كانت غير اصيلة واعطيه حقنة خاصة توقف الاذن عند البيطري اما البيض مطهو افضل الاني سمعت ان النيء مضر خصوصا بكميات كبيرة . والله اعلم.

[بحريني رومنسي]

المشاركة الأصلية كتبت بواسطة عاشق الروت

اخوي على حد علمي انه توه صغير تبي توقف اذن واذن منتصبه ومره العكس ومره كلها نازله

وانت وش معجلك اخوي انتظر شهرين بعدين شوف

لان الله يسلمك عند وااحد من الشباب جيرمن شبرد مثل جلبي عمره شهرين اذاينه واقفه 100%
اما انه توقف وترد تنزل يعني مايقدر يوقفها على طول فـ شسالفه يعني رفيجي عنده اذاينه واقفه وانه لا

فـ ابي افهم شسالفه بضبط هل هو رايح حق البيطري وضاربه ابره اللي توقف الاذون او شنو!!

وتحياتي العنيفه لكم وسلملمــــــــــــ،،،