مساعدة في تعليم ببغائي الكلان HELP!!!

[oasa_123]

النوع : أمازون بلوفرونتد


العمر: سنة و شوي


المشكلة : صار لي فترة ارد له كلمات محددة و لا احس ان عنده مقدمات في الكلام او التصفير


السؤال شنو احسن الطرق لتعليمه الكلام ؟؟ و كيف اعرف انه يستجيب ؟؟؟


و امنى للجميع صوما مقبولا و افطارا شهيا

[fawzi]

المشاركة الأصلية كتبت بواسطة oasa_123

النوع : أمازون بلوفرونتد


العمر: سنة و شوي


المشكلة : صار لي فترة ارد له كلمات محددة و لا احس ان عنده مقدمات في الكلام او التصفير


السؤال شنو احسن الطرق لتعليمه الكلام ؟؟ و كيف اعرف انه يستجيب ؟؟؟


و امنى للجميع صوما مقبولا و افطارا شهيا

هلا اخوي اول شيء مبروك على الطير ثاني شيء والاهم لازم تعرف ان بعض البغبغاوات لاتستجيب للاكلام والتدريب من اول مره الطير لازم يتاقلم اذا الطير توه جديد عندك اصبر عليه اقل شيء شهر الي 40يوم وعلى فكره ترى البغبغاوات الامازونيه بعض الاحيان تهد في الكلام فاجئه انت حاول انك ترفع قفص الطير مسافه عاليه من 2مترين الي 3امتار حاول برضو انك تهيء المكان المناسب يعني اذا جيت تلقن الطير الكلام لازم يكون المكان هاديء علاشان تركيز الطير يكون معاك وبعض الاحيان تكون الكلمه صبعه على الطير حاول انك تغيرها والافضل انك تبديء بالكلمات السهله مثل الو,بابا,عبود .هلا .دائما اذا بتلقن الطير الكلام لازم يكون في فتره الصباح لان الطير بيكون في كامل نشاطه وايضا فيه شغله ضروريه لازم ان الطير ينام من وقت عند غروب الشمس حاول انك تخليه في مكان هاديء ومظلم مع تغطيه القفص بقطعه قماش ثقيله وفي مكان مايكون التكيف فيه بارد جدا لان جميع الطيور في الطبيعه تنام عند غروب الشمس وتستيقظ عند بزوق الفجر وتنام وتاخذ قيلوله وقت الظهر .وعلى فكره ترى طيرك لسه صغير وان شاء الله مع الوقت والاستمرار في التلقين والتقرب من الطير والاهتمام فيه من ناحيه النظافه وتنويع الاكل وتغير الماء باستمرار راح الامور تتغير ومعروف عن الامازونيات بجميع انواعها انها بغبغاوات حنونه واجتماعيه .اهم شيء الصبر وطوله البال وان شاء الله راح تستانس معاه بس نصيحه لاتظغط على الطير من ناحيه التدريب .موفق ان شاء الله

[oasa_123]

اشكرك يا اخ فوزي على الرد الجميل