لأهل الدمام والخبر وضواحيها ..

[yamih]

مرحبآ يا أخوان .. كيفكم عساكم طيبين ؟؟

أنا كان عندي قط حق واحد من أصحابي .. جلس معي لمدة ثلاث أسابيع لما كان صاحبي مسافر
وبس رجع صاحبي أخذهـ .. وبصراحه القط كان جدآ طيب وحبوب وأنا حبيته وتعلقت فيه لدرجة أني صرت أحلم فيه أحيانآ هههههههههه ..

وبصراحه بعد ما أخذهـ صاحبه .. ما تركت مكان إلا وجلست أحوس فيه .. وكملت أحوس وأحوس ولآ حصلت مثله ..
ولا زلت أدور أبي مثله بكل شي بالشكل وباللون وحتى تقسيمة اللون بوجهه وجسمه وأطرافه ..

عمومآ لقيت واحد شبيهه في هالموقع لكن لونه يختلف .. بس بإذن الله بيكون من نصيبي ..

سبب أني فتحت موضوعي هذا يا أخوان ... هو أن صاحبي لما جاب لي القط كان معه كل شي من ليتر وبوكس وأكل وحتى المنشفه والشامبو ...

وصراحه القط جا عندي كان عمرهـ 4 شهور ... وسبحان الله وما شاء الله عليه كبر حجمه في هالثلآث أسابيع اللي كان عندي فيها .. حتى صاحبي يوم رجع وشافه قال لي لا يكون أكل واحد من أخوانك ههههههههه

أحس زودت عليكم بالكلام

كيسة الأكل اللي جابها صاحبي خلصت من عندي ورحت اشتريت له أكل من محلات الحيوانات الأليفه .. ولا حصلت نفس هالنوع ... فـ أخذت له أكل الـ Royal Canon ... وهو المعروف عندكم كلكم ..

سألت صاحبي من وين جابه ويقول أنه ناسي
فـ حبيت أعرف من وين ممكن أحصل مثل هالنوع إذا عندكم فكرهـ .. وأيضآ سعر الكيس هذآ .. لأني حبيت هالنوع من الأكل .. مو أنا اللي أكلته .. بس القط كان يحبه أكثر .. وحتى شكل الأكل نفسه على شكل أسماك صغار وقطع لحم .. الشكل بس ..
ولما كان يآكله كان يقرمش ويطلع صوت يحسسني بالعافيه دام القط كان يآكل هههههههههه

وهذي صور للكيس وكم حبه حصلتها داخل بس في هالكيس اللي ما زلت أحتفظ فيه مدري ليه هههههههههه







ولكل من دخل الموضوع الشكر والتقدير على وقته ..

تحياتي

[الخبيرة ناديا]

اهلا وسهلا فيك

دراي فود مياو ماكس يباع في اغلب محلات بيع الحيوانات او السوبرماركت الكبيره مثل بنده او التميمي

والله يوفقك وتشتري قطه تفرح فيها .

كل التوفيق لك خيي.

[دلوعةقطوتي]

اهلين
اعجبني وصف القرمشه تنفع باالاعلانات
الله يرزقك بالقطو اللي تتمناه
مياو مكس تلاقيه بالهايبر ماركت دايما اخذه من هناك

[yamih]

الخبيرة ناديا ...
لي الشرف أنك تردين على موضوع لي .. ومشكورهـ على الإفادهـ ..
لكن بدون ذكر أسماء .. أنا مريت أربع محلات للحيوانات بالخبر ولا حصلت هالنوع .. واللي قاهرني أن الهنود بالمحلات لما أوريهم صورة الكيس يقولون ما يعرفونه

عمومآ ما طرآ على بالي أشوف الهايبر سوبرماركت لكن إن شاء الله قريب بشيك وعلى الله أحصل


الأخت دلوعه .. يشرفني كذلك مرورك الكريم وطمنتيني دام وصفي أعجبك .. معناته بيكون لي خبرهـ بالإعلانات ... حق تخصصي بالدراسه

يا ريت بس تذكرين لي أي هايبر ماركت أو على الأقل سعر الكيس ..

ولكم الشكر والتقدير .. تحياتي

[دلوعةقطوتي]

من هايبربنده الكبير ب40 اكثر شوي او اقل ماذكر لاني اكون اخذ اغراض غيره

[yamih]

مشكورهـ أخت دلوعه .. ما قصرتو ..

عسى أحصل إذا رحت .. بس يا ريت من المشرفين وضع صورة الكيس في الموضوع المثبت وتضاف هالنوعيه من الأطعمه لأنها بالفعل حلوهـ وأحبذها أكثر من الـ Royal Canon >> أموت عالثقافه

بعد كذا الموضوع للقفل ..

تحياتي