اشترك في نشرتنا البريدية ليصلك كل جديد

توتي · 01-04-2007, 10:30 PM

السلام عليكم ورحمة الله وبركاته

من يومين رحت سوق الشارقه للطيور على أساس اني اشتري اكل لطيوري كوكو وعشبوه..

وقلت خل ادخل واشوف شو موجود وشو أحوال السوق بعد اللي سمعناه عن انفلونزا الطيور اللي قالب احوالنا..

نص المحلات كانت مسكره للأسف الانا كنا سايرين الظهر..

بس دخلت كمن محل وشفت طيور تجنن.. وأحلى شي شفته هو..

فروخ الدره.. الهنديه..

وفروخ الدره النيباليه.. << عشبوه صغيره..

وش رياكم بسوقنا؟؟

والاسعار تراها حلوه..

فرخ الدره الهندي = من 100 إلى 150 درهم على حسب المحل و البائع

وفرخ الدره النيباليه = 350 درهم

وشكرا

تحياتي/ توتي

الطاير · 01-04-2007, 10:42 PM

مشاء الله مشاء الله

والله صراحة فروخ عندكم من الاصلي
مشا الله عليهى ودك تاخذها كلها

سوق بلاط ورخام ومش عارف ايش ,,,, للطيور

والله عندنا السوق الي بالفخامة هذي يبيع ذهب مو طيور

اسواق الطيور عندنا لو اتشوفها تنسد نفسك ... (( ما استغرب ان عندنا طيور واجد تنتف ريشها ))

والله سلملي ع الامارات واهل الامارات كلللهم
وتستاهلون والله ياعيال زايد اكثر واكثر

وتحية للجميع
الطاير

رعوود · 01-04-2007, 11:29 PM

يا حظكم هل الامارات

فروخ دره هنديه

وناسه

ابي واحد

طرشي لي بالفيداكس

^.^

لووول

تفاحه حمرا · 02-04-2007, 12:46 AM

بصراحه خاطري اروح هالسوق ولله لكنه بعييييد عنا... اتصدقين حمستيني احط صورة سوق المينا الي فبوظبي عندنا .. بنشوف وين الافضل لووووول ... وتسلمين ع الصوور لكن كنا نتمنى انه في صور اكثر من الي حطيتيهن .. وان شاء الله المره الثانيه تروحين والمحلات كلهن مفتوحات لوول..

توتي · 02-04-2007, 07:01 AM

أخوي الطاير

تشرفت بمرورك وردك.. والله انا ما ارتاح الا بهالسوق يوم أدخله الود ودي ما أطلع منه..

أخوي رعوود

شكرا على الرد..

أختي تفاحه حمرا

فكرة حلوه والله.. كان ودي أسوي بحث كامل عن السوق واصور كل شي فيه عشان ارويكم.. بس تدرين بالحاله.. زين مني صورت كم صوره.. خخخخخ

بس ان شاء الله بحاول أصور كل شي المره اليايه.. وبعدين بنسوي تقرير كامل عن أسواقنا في الأمارات خخخخ

وما أظن انه في احلى من هالسوق.. الأنه اللي سمعته انه ايونه من كل مكان حتى بوظبي لوووووووول.. والله في دبي ما شي مثل هالسوق على كبرها.. شي محلات كبيره وفي مناطق معينه وغاليه اسعارها ضوو.. أما عصامتنا الحبيبه والله انا من متى اسمع بسوق المينا وخاطريه اشوفه..

بس والله اللي يميز هالسوق انه كبير ومحلاته كثيره.. وكل شي فيه.. وبعدين تطلعين جنبي السوق على طول بتلقين عيادات بيطريه خاصه بالطيور والحيونات الاخرى + محلات بيع طعام الطيور والحيونات الاكل اشكال والالوان + محلات بيع أكسسوارت الحيونات من أقفاص وغيره.. ومن غير اهتمام حكومة الشارقه فيه اهتمام كبير من ناحيه الصحه والنظافه وكل شي..

والسموحه..

أختكم/ توتي

Mr. MeMo · 02-04-2007, 10:02 AM

يعطيك الف يا توتي

و ما شاء فروخ الدره رائعه لا.... رائعه شويه بحقهم
قمه في الجمال

و ننتظر زيارتك الجايه بفارق الصبر و كثري من الصور
و لاتنسينا بكم فرخ

و تسلم يدك