رد: آيش آگوس نوع للبسآس و آيش .. آلخ . ؟
واحد 41 مشاهده ولا احد رد غريبه !
طيب انا بفيدك باللي عندي
انا عندي ثلاث انواع وانتي اختاري اللي يناسبك
اول شئ واللي مشهور من القطط هي قطط الهملايا
اسعارها تختلف على حسب الاصاله واللون والحركات هذي تقريبا اذا كان اصيل وجده التاسع عشره معروف يجي سعره 7000 ريال وما فوق وفيه محل في الرياض عارض قطو عنده هملايا بـ28000 ريال
بس في اسعار رخيصه للهملايا وتوصل 2000 ريال بس صراحه انا افضل قطط الهملايا عن باقي القطط
لانها هاديه وحنونه وماتحب الازعاج والرجه امنه على الاطفال ومستحيل تأذيهم ونصيحه اذا بتشتري هملايا
اشتريها من مصر اسعارها مناسبه شوي تقدر تاخذ قطو هملايا اصيل بسعر معقول
ــــــــــــــــــــــــــــــــــــــــــــــــــــــــــــ
الحين قطو الانقور التركي او الانجورا التركي كلها نفس الشئ بس تختلف في النطق الحروف
طبعا القط انا عندي منه واحد وصراحه ماشفت بحياتي اذكي منه لعوب ومزعج يحب اللعب كثير
ويمتاز بكثافه الشعر اللي بذيله يعني لو تشوفه تقول ثعلب خخخخخخ
سعره يختلف من بين المحلات تقريبا من 1500 الي 1000 ريال
ــــــــــــــــــــــــــــــــــــــــــــــ
الشيرازي من وجهة نظري اشوفها مزاجيه
مرره تلعب مره هاديه مرره خبله بس كل ماكبرت في السن تهدء
واسعارها تختلف بين المحلات تقريبا 2000 ريال الي 1000 ريال وعلى حسب السلاله والفيس
بنسبه لاحسن عمر انا افضل تاخذ صغير وافضل عمر من وجهة نظري 4 شهور الي 6 شهور
بنسبه للذكر ولا الانثى
الذكر مرره فله ولعوب اكثر من الانثى بس مشكلته وقت التزاوج مزعج صراحه
الانثى ينطبق عليها ماذكرته فوق بنسبه اقل من الذكر وانصحك تاخذ ذكر وانثى
بنسبه للتطعيمات ما اقدر افيدك صح ان شاء الله الخبيره ناديه ولا دلوعه يفيدونك اكثر مني
التعديل الأخير تم بواسطة : دلوعةقطوتي بتاريخ 13-07-2011 الساعة 02:46 PM.
السبب: مسح اسم المحل
|